Ubutukilo 6:2 - Mukanda Wa Zambi 1970

² Muze atu ja Zambi haamona ngwo, ana mapwo kaanabeme kuhiana, yaabutuka kulimbata ni waze azangile.

MUKANDA USANDU WA ZAMBI 1975

² ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

Ubutukilo 6:2 Iomraidhean Croise

Ubutukilo 12:11

Muze te hakundama akanjile mu Egiptu, yambila mukwo pwo ngwenyi: “Tala, yena uli chileza ku meso.

Ubutukilo 24:3

Ngunazange ulishinge ku meso ja Mwene Zambi ya lilu ni hashi ngwe, kuuchi kambachila mwanami pwo wa kuli Akanana wano natwama no.

Ubutukilo 26:35

Mapwo wano aali yeevwisa Isake ni Rebeka chinyengo chinji.

Ubutukilo 27:46

Rebeka yambila Isake ngwenyi: “Mapwo ja Esau, Ahite, haanguhongesa kuhiana. Yakoba, nyi wambata nawa pwo wa ku vungu lino lia Ahite, chibema ngufwe lume.”

Ubutukilo 3:6

Pwo yamona ngwenyi, mutondo uze unabeme, ni mihuko yawo nawa yinabeme ha kulia. Yanyonga nawa ngwenyi, chili chibema ha kubwa ni mana. Kashika yahela ko mihuko, yalia. Mba yahana Chihanda kuli lunga lienyi, lunga neye yalia.

Ubutukilo 4:26

Sete yasema mwana wa lunga, yamuluka jina ngwenyi, Enoshe. Ha matangwa waze atu yaabutuka kuvuluka jina lia Mwene Zambi mu kuwayila cho.

Ubutukilo 6:1

Muze atu hooka haalitanda hashi heswe, ana a mapwo no yaasemuka.

Ubutukilo 6:3

Mba Mwene Zambi yamba ngwenyi: “Mwiku wami kuuchi kalitachika ni atu matangwa eswe mumu kaali lume atu. Alioze miaka yo muyikabwa lume 120.”

2 Samuel 11:2

Limwe tangwa ha chingoloshi, mwanangana yakatuka ha muhela wenyi, yakanduka ha fulumba. Muze te anendangana ho, yamona umwe pwo kanasane. Te mubema kuhiana.

Ezra 9:12

Yaatulweza ngwo, kuchatambile kulimbata ni atu waze atwama mo, chibwe kwakwasa kubwa ni ubite hanji kutwama kanawa, nyi twazanga kutwama kanawa mu chifuchi, ni kuchihichika ngwe chihinga mu moko ja ana jetu.

Jobe 1:6

Limwe tangwa, tunganda twa mwilu yeeza ku meso ja Mwene Zambi, Sakwonga neye yabwa mukachi ko.

Jobe 31:1

Hingunalishingi ngwami, chichi katala mwana pwo ni kumuvwila usona.

Kutuhuka 34:16

Tangwa likwo ana jenu a malunga maakambata mapwo a yilambala waze maakaakoka ha kwehuka yami ni kuwayila mazambi jo.

Izaya 63:16

Yena uli tata yetu. Tushakulu twetu Abrahama ni Yakoba kaatunyingikine ko, alioze yena Mwene Zambi uli tata yetu. Chize ku shakulu jina lie ngwo: “Mukwa Kutukula.”

Malaki 2:11

Ayuda haakolema chilakenyo cho kuli Zambi, haalinga chuma cha kuzelwokesa mu Yerusaleme ni mu chifuchi cheswe. Haajilula zuwo lize Mwene Zambi akuzanga. Malunga haambata mapwo waze akuwayila mazambi a yilambala.

Malaki 2:15

Kuma Zambi kanutangile mujimba umuwika ni mbunge yimuwika, nyi? Nyonga lienyi kuchi liabwile mu Chuma chino? Ngwenyi, hanga nukabwe ni ana amwenemwene a Zambi. Kashika Senu tachi, niumwe kanda akolema chilakenyo kuli pwo lienyi.

1 Korintu 7:39

Pwo yoze uli ku ulo kanakashiwa kuli lunga lienyi ha shimbu heswe lize lunga lienyi ali ni mwono. Alioze, nyi lunga lienyi hafwa, mba hatusuka, mahasa kulimbata ni yoze mazanga. Alioze chamutamba kulimbata ni mukwa Kristu.

2 Korintu 6:18

Mungukabwa tatenu, mba ni yenu munukabwa ana jami a malunga ni ana jami a mapwo, Chenacho anambe Mwene Mukwa Ndundo Jeswe.”

Shimbi 14:1

“Yenu nuli a mbala a Mwene Zambi. Kashika muze nuli ni kufwa, kanda nulichata hanji kulitewula ha mahuma jenu, ngwe chize akulinga mavungu akwo.

2 Petulu 2:14

Kaakuzanga shina kutala mapwo yitanji. Kaakwonga atu alelu. Kaali ni lwahu wa ubite. Zambi hanaashingi!

1 Yoano 2:16

Mumu yuma yeswe ya hano hashi—usolo Ubi wa mujimba, ni usolo wa meso, ni yize twakulengumuka nayo hano hashi—yize yeswe hi ya Tata Zambi ko, alioze ya hano hashi.