Ubutukilo 6:17 - Mukanda Wa Zambi 1970

¹⁷ Yami mungutuma sanga lia meya hashi mu kunongesa eswe waze atwama ho ni mwono. Yuma yeswe hashi kumuyikafwa,

MUKANDA USANDU WA ZAMBI 1975

¹⁷ Mumu yami mwene munguneha sanga lia meya hashi lia kunongesa musunya weswe kushi lia malilu uze ukwete mwiku wa mwono; e eswe ali hashi kumafwa.

Ubutukilo 6:17 Iomraidhean Croise

Ubutukilo 2:7

Mba Mwene Zambi yanda mukamo wa mavu, yawumba mutu, yamuhwimina mwiku wa mwono mu mazulu, mba mutu yabwa ni mwono.

Ubutukilo 6:13

Zambi yambila Noa ngwenyi: “Hinabatula ngwami, mungwonona atu eswe. Mungwonona eswe upu mumu hashi yibi yaho hiyoka kuhiana.

Ubutukilo 6:16

Tunga fulumba liawo. Mba chize ku fulumba ndoo ku mbango hichika sentimetro 44 mumu ha tupenda. Usa yibatulo yitatu mu ulungu, chimwe kushi, chikwo hakachi, ni chikwo helu. Mba usa chikolo cha ulungu hakachi.

Ubutukilo 6:7

Mba yamba ngwenyi: “Mungwonona atu eswe waze natangile, chibwe kweswako ali. Mungwonona atu ni tushitu ni tututu ni tujila eswe, mumu ngunevu chinyengo ha chize natangile yuma yeswe.”

Ubutukilo 7:15

kuji ni chihwo, yaanjila mu ulungu hamwe ni Noa,

Ubutukilo 7:17

Vula munji yanoka hashi matangwa makumi awana, hashi yihabwa meya anji, mba ulungu yiuzunduka.

Ubutukilo 7:4

Kwasala matangwa shimbiali, mba mungunokesa vula hashi. Muyikanoka matangwa makumi awana ha kwonona eswe waze akwete mwono, waze natangile.”

Ubutukilo 9:9

“Yami ngunakolesa Usendo ni yenu ni vungu lienu lia kulutwe.

Jobe 22:16

Atu waze yaahungumuka ni mihuji, muze mwaka wo kanda uchiheta.

Miaso (Masamu) 107:34

Mavu a chinuno yaalumuka ngwe puya ya mungwa, mumu ha ungulungulu wa atu waze abwile ko.

Miaso (Masamu) 29:10

Mwene Zambi kakuyula ha jinga ha meya; kumabwa mwanangana ku miaka yeswe.

Kutuhuka 14:17

Mungukalisa mbunge ja akwa Egiptu kuhiana, hanga anukaule, henaho ndundo jami mujimoneka, muze mungukumba mwanangana hamwe ni tujita twenyi, ni matemba jenyi ni waze akwenda ho.

Izaya 51:12

Mwene Zambi kanambe ngwenyi: “Yami nakunutakamisa. Kuchi nwakuvwila woma mutu yoze mafwa ngwe mwambu?

Izaya 54:9

“Ha matangwa ja Noa nalakenyene ngwami, chichi kutuma nawa sanga lia meya hashi. Haliabwila ngunalakenya ngwami, chichi kunutenukina nawa; chichi kunumwesa nawa lamba.

Ezekiel 34:11

“Yami Mwene Zambi ngunanwambe ngwami, yami mwene mungukafupa mapanga jami ni kwafunga

Ezekiel 34:20

“Kashika yami Mwene Zambi ngunanwambulwila ngwami, mungukabatwila mukachi ka mapanga a tachi ni waze keeshi tachi.

Ezekiel 5:8

Kashika yami, Mwene Zambi, ngunanwambe ngwami, nguli mukwa kole yenu. Mungunubatwila, mavungu akwo eswe maachimona.

Ezekiel 6:3

Ambulwila milundu ya Israele abanjike maliji ja Mwene Zambi, abanjike chize yami Mwene Zambi ngunambila milundu, ni mindundena, ni mambongo, ni yikulo ngwami, mungutuma mukwale ni kusalula muma mweswe akukombelela mahamba.

Hosea 5:14

Mungukalimika ni Aisraele ngwe tambwe. Mungukalitachika ni Ayuda ngwe mwevu wa tambwe. Mungukaapapujola yipinji yipinji ni kwahichika. Muze mungukaafwita, niumwe makahasa kwalamwina.

Alevi 26:28

mba mu ufwatulo wami mungukalimika ni yenu. Mungukanumwesa nawa lamba yisuho shimbiali.

Amose 9:6

Mwene Zambi kakutunga yibatulo yenyi mwilu, ni kusa kuzazuluka helu lia hashi. Jina lienyi: Mwene Zambi!

Mateu 24:39

te kaanyingikine nichimwe ndoo sanga ha meya liejile ni kwonona eswe. Chenacho muchikabwa nawa ha kwiza cha Mwana Mutu.

Luka 17:27

Atu yaahaha, yaanwanwa, yaalimbatambata, yaalihangisahangisa ku malo, ndoo tangwa lize Noa anjilile mu ulungu. Mba sanga ha meya yiliza, yilionona eswe.

A-ROMA 5:21

Hatangu shili yayulile atu, Kashika atu afwile. Haliabwila, utu wa Zambi wakutuyula ni kutupwisa akwa ululi. Kashika tuli ni mwono wa miaka yeswe ha kulinunga ni Yesu Kristu, Mwene wetu.

A-ROMA 6:23

Mumu fweto yize akuhana shili yili kufwa. Alioze chawana chize akuhana Zambi mu utu wenyi, mwono wa miaka yeswe ha kulinunga ni Yesu Kristu, Mwene wetu.

Shimbi 32:39

“ ‘Yami wika nguli Zambi. Kukushi zambi mukwo wamwenemwene. Nakushiha, nakupwisa ni mwono; nakulemeka, nakuwuka. Kukushi niumwe yoze malamwina mutu ku kwoko liami.

Hebreu 11:7

Ku ufulielo Noa yevwa kutoweza cha Zambi hakutwala ku yuma yize muyikeza ho, yize kanda ayimona. Yononokena Zambi ni kutunga ulungu. Iye ni akwa zuwo lienyi yaanjila mo, ni Zambi yaalamwina. Chenacho yahisa akwa hashi eswe. Ku ufulielo nawa Zambi yamwalula mukwa ululi.

1 Petulu 3:20

Atu waze hatangu koononokenene ko Zambi, muze alihumikijine no ni uhomboloji ha matangwa eswe waze Noa te akutunga ulungu. Atu nake wika anjilile mu ulungu, Zambi neye yaalamwina ku meya.

2 Petulu 2:5

Zambi kevwilile ko tushakulu keke, alioze yashiha atu waze abi ni sanga lia meya. Yalamwina lume Noa, yoze te wakulongesa ululi, ni atu akwo shimbiali.