Ubutukilo 6:13 - Mukanda Wa Zambi 1970

¹³ Zambi yambila Noa ngwenyi: “Hinabatula ngwami, mungwonona atu eswe. Mungwonona eswe upu mumu hashi yibi yaho hiyoka kuhiana.

MUKANDA USANDU WA ZAMBI 1975

¹³ Mba Zambi yamba kuli Noe ngwenyi, Kumeso jami songo lia musunya weswe hilieza, mumu hashi hazala to ni upupilo kuli ayo, kashika mungwanongesa hamuwika ni he hashi.

Ubutukilo 6:13 Iomraidhean Croise

Ubutukilo 49:5

“Simeone ni Levi kaali asongo ni mutu, kaakushiha atu ni mata jo.

Ubutukilo 6:14

Ulitungile ulungu ni mabaya abema a tachi. Usamo yibatulo yikepe yikepe, uushila ni usolososhi (goudron) haze ni muchima.

Ubutukilo 6:4

Ha matangwa waze, hanji chibwe kulutwe lia matangwa waze, hashi habwile atu ataluka. E atu waze yaasemuka kuli akwa mwilu ni ana mapwo ja atu. Te tushakulu a tachi kanda akwa lufuma.

Ubutukilo 7:21

Eswe waze te akwete mwono hano hashi: tujila, ni yimuna, ni tushitu a mu yambu, ni atu, ayo eswe yaafwa.

Ubutukilo 7:23

Mwene Zambi yashiha eswe waze te akwete mwono hashi: atu ni tushitu, ni tujila; yikusala shina Noa ni ana jenyi ni tushitu waze abwile no mu ulungu.

Ubutukilo 7:4

Kwasala matangwa shimbiali, mba mungunokesa vula hashi. Muyikanoka matangwa makumi awana ha kwonona eswe waze akwete mwono, waze natangile.”

Ubutukilo 8:21

Muze Mwene Zambi hevwa lupembo mubema wa mulambu uze, yamba ngwenyi: “Hikwahwa, chichi kushinga nawa hashi hakutwala ku yize akulinga atu. Ngunanyingika ngwami, kuma atu chize ku wanuke wo, manyonga jo kaali lume abi. Eswe waze natangile, akwete mwono, chichi kwonona nawa ngwe chize hinalinga.

Izaya 34:1

Tweyenu yenu akwa mavungu eswe! Kungulukenu, nubanjike. Hashi heswe ni eswe waze nwatwama mo, tweyenu nubanjike.

Jeremia 51:13

Chifuchi chize chili ni njiji jinji ni ubite unji, alioze tangwa hiliakundama, hijamukangana kuchina alamwine mwono wenyi.

Amose 3:7

Chamwenemwene Mwene Zambi keshi kulinga Chuma nichimwe, shina malweza chijimbikilo chenyi kuli tuvumbi twenyi, akwa munanyi.

Amose 8:2

Mwene Zambi yanguhula ngwenyi: “Amose, yika unamono?” Yingukumbulula ngwami: “Kapaya ka mawundu anahi.” Yangwamba ngwenyi: “Songo lia atu jami Aisraele hiliaheta. Chichi kwalumuna nawa manyonga jami ha kwamwesa lamba.

Hebreu 11:7

Ku ufulielo Noa yevwa kutoweza cha Zambi hakutwala ku yuma yize muyikeza ho, yize kanda ayimona. Yononokena Zambi ni kutunga ulungu. Iye ni akwa zuwo lienyi yaanjila mo, ni Zambi yaalamwina. Chenacho yahisa akwa hashi eswe. Ku ufulielo nawa Zambi yamwalula mukwa ululi.

1 Petulu 4:7

Songo lia yuma yeswe hiliakundama. Bwenu ni manyonga waze analite, limukenu mu kulemba Zambi.