Ubutukilo 50:13 - Mukanda Wa Zambi 1970

¹³ Yaamutwala mu chifuchi cha Kanana, yaamufunda mu chivwenge chize chili ku Makapela, ku sali lia chivumbuko cha limbo lia Mamre, mu tungu lize alanjile Abrahama kuli Efrone, wa ku vungu lia Ahite, ha kubwa ni kufunda mo afu.

MUKANDA USANDU WA ZAMBI 1975

¹³ Ana jenyi a malunga amumbachile nikumutwala ku chifuchi cha Kanana. Yamufunda mu chivwenge mu musenge wa Makapela chize Apalahama walanjile hamuwika ni we musenge, chikapwe chifuka cha kuhinga. Wachilanjile kuli Efrone mwe Ka-Hete kulutwe lia Mamare.

Ubutukilo 50:13 Iomraidhean Croise

Ubutukilo 23:20

Chenacho tungu ni che chivwenge yize yabwile ya Ahite hatangu, yiibwa ya Abrahama ha kufunda mo afu jenyi.

Ubutukilo 23:9

nyi mazanga kungulanjisa chivwenge cha Makapela chize chili ku songo lia munda wenyi. Angulanjise cho ku meso jenu ni ndando yeswe yize mazanga, hanga chibwe chifuka cha kufunda afu jami.”

Ubutukilo 25:9

Ana jenyi, Isake ni Ishmaele, yaamufunda mu chivwenge cha Makapela, mu tungu lize liabwile te lia Efrone, mwana wa Zohare, wa ku vungu lia Hite. Tungu lize liabwile ku sali lia chivumbuko ku limbo lia Mamre.

Ubutukilo 35:27

Yakoba yaheta maha tato Isake ku limbo lia Mamre, hehi ni Kiriate Arba, (jina likwo Hebrone), kuze abwile Abrahama ni Isake hatangu.

Ubutukilo 35:29

te kashinakaji wa tachi ndoo ni ku kufwa chenyi. Mba ana jenyi Esau ni Yakoba yaamufunda.

Ubutukilo 46:4

Ngunayi ne ku Egiptu, ni mungwiza kuhilwisa nawa vungu lie kuno. Josefe makabwa hamwe ne muze muukafwa.”

Ubutukilo 47:30

Nyi nafwa, uya ukangufunde ku mafuka ja akaka.” Josefe yakumbulula ngwenyi: “Mungulinga ngwe hiwamba.”

Ubutukilo 50:12

Ana ja Yakoba yaalinga ngwe chize ashikile tato.

Ubutukilo 50:14

Muze Josefe hafunda tato, iye ni ayayo ni waze eswe ayile no, yaahiluka ku Egiptu.

1 MIANANGANA 21:18

Manase yafwa, yaamufunda mu munda wa mwanangana, te munda wa Uza. Mwanenyi Amone yamuhinga.

Yilinga 7:16

Aisraele yaambata mijimba yo ku limbo ha Shekeme, yaafunda mu fuka lize alanjile Abrahama ni ndando kuli ana ja Hemore ni Shekeme.