Ubutukilo 5:22 - Mukanda Wa Zambi 1970

²² Enoke te kakuliendela ni Zambi. Yatwama ni mwono miaka yikwo 300, yasema nawa ana a malunga ni a mapwo,

MUKANDA USANDU WA ZAMBI 1975

²² Mba kulutwe lia kusema Metusela Enoke waliendelele ni Zambi makulakaji atatu a miaka nikusema ana a malunga ni ana a mapwo.

Ubutukilo 5:22 Iomraidhean Croise

Ubutukilo 17:1

Muze Abrama habwa ni miaka 99, Mwene Zambi yasoloka kuli iye ni kumwamba ngwenyi: “Yami nguli Zambi Mukwa Ndundo Jeswe. Chakutamba kungwononokena ni kuliendela ni yami matangwa eswe.

Ubutukilo 24:40

Iye ngwenyi: ‘Mwene Zambi yoze nakwononokena ndoo ni musono uno, makakutumina kanganda kenyi ha kukukwasa. Ha chino ukafupile mwanami pwo mu chifuchi cha tata.

Ubutukilo 48:15

Mwabwamuze Israele yawahisa Josefe ngwenyi: “Zambi yoze atata jami Abrahama ni Isake alingile, awahise ana malunga wano! Zambi yoze wangufungile ndoo ni musono, aawahise!

Ubutukilo 5:21

Muze Enoke habwa ni miaka 65, yasema mwana wa lunga Matusela.

Ubutukilo 5:23

ndoo ni muze abwile ni miaka 365.

Ubutukilo 5:24

Enoke, ha matangwa eswe a mwono wenyi te kakulivwa ni Zambi. Mba limwe tangwa Zambi yamuchiza hashi, atu hikaamumwene ko nawa.

Ubutukilo 6:9

Jino je sango ja Noa. Noa yasema ana atatu a malunga: Sheme, ni Hame, ni Jafete. Noa te keshi kapalia, yalivwa ni Zambi. Shina iye wabwile mukwa ululi ha miaka yenyi, atu akwo eswe abwile abi ku meso ja Zambi. Vunda ni kwonona yiimwangana mwamwaa hashi heswe.

1 Yitanga Ya Mianangana 2:4

Nyi wachilinga, Mwene Zambi kumakamanununa chilakenyo chenyi chize angulakenyene ngwenyi: ‘Vungu lie maakayula Aisraele matangwa eswe, nyi maakafunga Shimbi jami ni mbunge jo jeswe, ni mwono wo weswe.’

1 MIANANGANA 20:3

“Mwene Zambi, iwuluka kama chize hingunakulingila ni mbunge yimuwika ni kushishika; matangwa eswe hinguneseka kulinga chize wakuzanga.” Mba yabutuka kulila chikolo.

Miaso (Masamu) 116:9

Kashika ngunende hamwe ni Mwene Zambi, mu chifuchi cha waze ali ni mwono.

Miaso (Masamu) 128:1

Kawaha atu waze akulemesa Zambi, waze akufunga Shimbi jenyi.

Miaso (Masamu) 16:8

Matangwa eswe nakunyingika ngwami, Mwene Zambi kali hamwe ni yami, kali ku chindume chami, chichi kukokoloka nichimwe.

Miaso (Masamu) 26:11

Alioze yami, nakulinga kanawa; nguvwile kama keke, ungulamwine!

Miaso (Masamu) 56:13

mumu hiunangulamwina ku kufwa, wangukwashile, kuchina akwa kole maangukumba. Kashika nakwenda ku meso ja Zambi mu pangu lize liakupanguka hali akwa mwono.

Miaso (Masamu) 86:11

Mwene Zambi, ngulongese kama yize unazange ngulinge, mba mungukwononokena; ngulongese kama, ngukulingile ni mbunge yeswe.

Kutuhuka 16:4

Mwene Zambi yambila Mose ngwenyi: “Haliabwila mungununokesela mbolo ya kwilu. Tangwa ha tangwa akatuhwoka ni kwanda yakulia yinalite ni tangwa limuwika. Mba mungweseka ngwatale nyi maafunga Shimbi jami.

Mwaso Ubema Wahiana 1:4

Ngwande tuchine; bwako mwanangana wami, ungunjise kama muchima lia zuwo lie. Mutuwahilila hamuwika; munguchichimieka zango lie kuhiana vinyu. Hi Chuma cha kulishimwoka ko ana mapwo eswe kaakukuzanga!

Hosea 14:9

Waze ali ni mana evwe kanawa yuma yize yinasonewa mu mukanda uno, ayifunge mu mbunge. Majila a Mwene Zambi kaali a ululi, akwa ululi kaakwenda mo. Alioze yivulumunyi kaakutalinga, kaakulimbuka, mumu keeshi kwaalula ngwe Chuma.

Alevi 26:12

Mungukabwa hamwe ni yenu, Mungukabwa Zambi yenu, ni yenu munukabwa atu jami.

Amose 3:3

Atu aali maahasa kwenda hamuwika nyi kaalitesele, nyi?

Mika 4:5

Vungu ni vungu kakuwayila ni kwononokena zambi yo, alioze yetu twakuwayila ni kwononokena Mwene Zambi, Zambi yetu, ku miaka yeswe ni miaka yeswe.

Mika 6:8

Kaa mata! Mwene Zambi hanatulweze chize akuzanga: kulinga chize chinalite, kulweza zango lize kulishi kuhwa, kuliendela ni Zambi yetu nikulikehesa.

Malaki 2:6

Yaalongesa umwenemwene, hi kwonga ko. Te kaakulikata ni yami. Kaalingile ko yibema ayo ene wika, alioze yaakwasa atu akwo anji hanga ehuke yibi.

Luka 1:6

No eswe aali yaabwa akwa ululi ku meso ja Zambi, yaafunga Shimbi jeswe ni ndako jeswe ja Zambi, te keeshi kapalia.

Yilinga 9:31

Mba Chikungulwila cheswe mu Yudea, ni mu Galilea, ni mu Samaria yaabwa ni uhwimino, yeenda ni woma ku meso ja Mwene Yesu, yooka ku tachi ja Mwiku wa Linanga.

A-ROMA 8:1

Alioze haliabwila waze haanalinungu ni Yesu Kristu keeshi ni uhiso.

1 Korintu 7:17

Mutu mweswe chamutamba kutwama nikulita ni chawana chize Mwene Yesu amuhele, nikulita ni chize Zambi amutambikile. Chenacho nakulongesa mu Yikungulwila yeswe.

2 Korintu 6:16

Ngwe kuchi zuwo lia Zambi mulihasa kulivwa ni mahamba? Mumu yetu tuli zuwo lia Zambi ya mwono, ngwe chize Zambi iye mwene hanambe ngwenyi: “Mungukatwama mukachi ko, mungukaliendela no. Mungukabwa Zambi yo, no maakabwa atu jami.”

Efesu 5:15

Kashika talenu kanawa ndako yenu. Kanda nubwa ngwe yihepuke, alioze ngwe akwa mana.

Shimbi 13:4

Kaulenu Mwene Zambi, muvwilenu woma. Ononokenu kuli iye ni kufunga Shimbi jenyi. Muwayilenu, bwenu akwa kushishika.

Shimbi 28:9

“Nyi nwononoka kuli Mwene Zambi, Zambi yenu, nikulinga yeswe yize ananwambe, makanupwisa lume atu jenyi ngwe chize alakenyene.

Shimbi 5:33

Jifungenu jeswe, mba hanga nuwahe nikutwama matangwa anji mu chifuchi chize nunayi ni kuchizuka.”

Kolosu 1:10

Mba munuhasa kubwa ni ndako yize anazange Mwene Yesu, ni kulinga matangwa eswe yize yakumuwahila. Munukema mihuko yeka ni yeka ya yitanga yibema ni munutatuka mu yinyingi ya Zambi.

Kolosu 4:5

Kanyamenu ku meso ja waze hi akwa Kristu ko nikulinga yitanga yibema matangwa eswe.

1 Tesalonika 2:12

Twanutakamishine, twanulembejekele, twaliumbile kuli yenu hanga nubwe ni ndako yibema ngwe chize azangile Zambi. Mwenawo wanutambikile ha kubwa ni Chihanda mu Wanangana wenyi ni kamwe ka uhenya wenyi.

1 Tesalonika 4:1

Hakusula akwetu, hinunalilongesa kuli yetu chize chanutamba kubemena ku meso ja Zambi. Chamwenemwene, hinwabema kulu. Alioze haliabwila tunaliumbu kuli yenu ni kunulembejeka mu jina lia Mwene Yesu ngwetu, hibemenu liakulu.

1 Yoano 1:7

Alioze, nyi tuli mu pangu ngwe chize Zambi iye mwene kali mu pangu, Chenacho twakuliendela amwe ni akwetu, ni manyinga a Yesu Mwanenyi, kaakutubemesa ku shili yeswe.