Ubutukilo 49:4 - Mukanda Wa Zambi 1970

⁴ Yena uli ngwe lundunjila wa mahuhwa a meya alioze kuuchi kubwa mulemu Wahiana, mumu walimwene ni pwo lia yami tatenu, yiulelesa muhela wami.

MUKANDA USANDU WA ZAMBI 1975

⁴ Wafulukila ngwe meya, kuchi kukumba, mumu wakundamine ku muhela wa tatenu. Wauchishile, wakundamine ku muhela wami.

Ubutukilo 49:4 Iomraidhean Croise

Ubutukilo 35:22

Muze Israele te anatwama mu chifuchi chize, mwanenyi Rubene yalimona ni Bila, umwe pwo lia tato, mba tato yachinyingika. Yakoba yabwa ni ana kumi ni aali a malunga.

Ubutukilo 46:8

Wano e majina ja atu ja Yakoba waze ayile hamwe nenyi ku Egiptu. Mwanenyi mutangu Rubene hamwe ni ana jenyi a malunga: Hanoke, ni Palu, ni Hezrone, ni Karmi.

1 Sango Ja Mianangana 5:1

Lino lie vungu lia Rubene, mwana mutangu wa lunga wa Yakoba. (Yatokesa chihinga chenyi mumu yalimona ni pwo lia tato, mba tato yahana chihinga chize kuli Josefe.

1 Korintu 5:1

Atu eswe kaanachambulula ngwo, utanji uli hakachi kenu, utanji ngwe uze keeshi kuulinga chibwe hakachi ka waze hi akwa Kristu ko. Mumu kaanambe ngwo, umuwika hakachi kenu kali ni pwo lia tato.

Shimbi 27:20

“ ‘Mwene Zambi akashinge yoze malimona ni pwo lia tato.’ “Atu eswe maakatayiza ngwo: ‘Chibwe kama Chenacho!’

Shimbi 33:6

Mose yahanjika hakutwala ku vungu lia Rubene ngwenyi: “Rubene, vungu lienyi kanda likuwa kama, chibwe atu jenyi kaali akepe.”

Shimbi 5:21

“ ‘Kanda uvwila chipululu pwo lia mukwenu, chibwe zuwo lienyi, hanji munda wenyi, chibwe ndungo yenyi, hanji ngombe yenyi, chibwe chimbulu chenyi, hanji Chuma chikwo chize ali nacho.’

2 Petulu 2:14

Kaakuzanga shina kutala mapwo yitanji. Kaakwonga atu alelu. Kaali ni lwahu wa ubite. Zambi hanaashingi!

2 Petulu 3:16

Yenayo asonekene mu mikanda yenyi yeswe muze anahanjika ha chikuma chino. Mu mikanda yenyi kumuli yuma yikwo yikalu ha kwivwa. Atu waze kaalilongesele ko ni keeshi kujikiza kaakuhengesa ha kuyilumbununa, ngwe chize akulinga yihanda yikwo ya Mukanda wa Zambi. Chenacho akulikokela kwonona cho ene.