Ubutukilo 49:22 - Mukanda Wa Zambi 1970

²² “Josefe kali ngwe chimbulu wa mu yambu, ngwe mwana wa chimbulu hehi ni meya,

MUKANDA USANDU WA ZAMBI 1975

²² José iye mutango wa kwima mihuko, mutango wa mihuko ku fuji ha meya. Ana jenyi kakutanjila ndusu sali lia chipanga.

Ubutukilo 49:22 Iomraidhean Croise

Ubutukilo 41:52

Yamba nawa ngwenyi: “Zambi hangwaha ana mu chifuchi chino ngunakamwena lamba.” Mba yaluka mwanenyi wa muchaali jina ngwenyi, Efraime.

Ubutukilo 46:27

Josefe yasema ana aali a malunga mu Egiptu. Ha chino kwoka cha atu eswe a ku jimo lia Yakoba kuze ku Egiptu yaabwa atu makumi shimbiali.

Ubutukilo 48:1

Muze amwe matangwa haabalika Josefe yevwa ngwo, tatenu kanayinji. Hohene yanda ana jenyi aali a malunga Manase ni Efraime, yaya ni kutala Yakoba.

Ubutukilo 48:15

Mwabwamuze Israele yawahisa Josefe ngwenyi: “Zambi yoze atata jami Abrahama ni Isake alingile, awahise ana malunga wano! Zambi yoze wangufungile ndoo ni musono, aawahise!

Ubutukilo 48:16

Kanganda ka mwilu yoze wangupulwile mu lamba lieswe, aawahise! Avulwoke jina liami, ni majina ja atata Abrahama ni Isake! Aseme ana anji, akabwe vungu linene!”

Ubutukilo 48:5

“Efraime ni Manase, ana waze aali waasemenene muno mu Egiptu muze te kanda nguchiza, no kaali ana jami, ngwe chize ali Rubene ni Simeone.

Ubutukilo 49:23

Akwa kole kaakufupa kumushiha, kaakumuhanga ni mata jo akwasa.

Miaso (Masamu) 128:1

Kawaha atu waze akulemesa Zambi, waze akufunga Shimbi jenyi.

Miaso (Masamu) 128:3

Pwo lie mabwa ngwe mutondo wa vinyu, uze wakwima mihuko yinji, ana je maabwa nikujingilika mesa ngwe mitondo ya olive.

Miaso (Masamu) 80:10

Chizulie chawo hichinafuku milundu, mitango yawo hiyinafuku mitondo yinene sedru.

Ezekiel 19:11

Mitango yawo yiibwa ya tachi, yiutatuka ha kubwa kanda ja mianangana. We mutondo yiutatuka chikolo, yiutanda ndoo ku malelwa; atu eswe yaamona kutunda cha mafwo ni che kusuhwa chawo.

Hosea 13:15

Chibwe Aisraele maatatuka ngwe manonge, hindu mungukatuma fuji ya chivukuminya ya ku chivumbuko cha ku puya. Muyikomisa mashima jo a meya ni tusulo two twa njiji. Muyikahehula yuma yenyi yeswe yilemu.