Ubutukilo 49:18 - Mukanda Wa Zambi 1970

¹⁸ “Aa Mwene Zambi, ngunakushimbwila ungulamwine kama.

MUKANDA USANDU WA ZAMBI 1975

¹⁸ Yehova, ngunatwaminyina ulamwino we.

Ubutukilo 49:18 Iomraidhean Croise

Ubutukilo 49:17

Dane makabwa ngwe kapela mu jila, ngwe yenge ku sesa lia jila, yoze wakusuma kavwalu ku kasendengele, mba mwenya kavwalu maholoka hashi.

Miaso (Masamu) 119:166

Mwene Zambi, nakukushimbwila, ungulamwine, nakulinga yize wakungwamba.

Miaso (Masamu) 119:174

Aa Mwene Zambi, nakwivwa usona wa ulamwino we; nakuwahilila mu Shimbi je.

Miaso (Masamu) 119:41

Mwene Zambi, ngulweze chize wakunguzanga, ngulamwine ngwe chize walakenyene.

Miaso (Masamu) 123:2

Aa Mwene Zambi, Zambi yetu, ngwe chize kavumbi wa lunga akutala kuli kako, ngwe chize kavumbi wa pwo akutala kuli kako wa pwo, chenacho ni yetu twakutala kuli yena ndoo muutuvwila keke.

Miaso (Masamu) 130:5

Nakushimbwila chikolo Mwene Zambi angukwase kama, nakusa mbunge ku maliji jenyi.

Miaso (Masamu) 14:7

Muchibwa chibema nyi ulamwino wa Aisraele muukatuka mu Zione. Muze Mwene Zambi makawahisa atu jenyi, vungu lia Yakoba maakawahilila, atu ja Israele maakevwa chiseke.

Miaso (Masamu) 40:1

Te nakumushimbwila ngwami: “Mwene Zambi ngukwase.” Mba yangubanjika, yevwa kuteta chami.

Miaso (Masamu) 62:1

Ngunashimbwila Zambi angulamwine, ngunashachila hali iye wika.

Miaso (Masamu) 62:5

Ngunashachila hali Zambi wika, nakusa mbunge yami kuli iye.

Miaso (Masamu) 85:7

Aa Mwene Zambi, tulweze kama zango lie lize kulishi kuhwa, utulamwine.

Kutuhuka 15:2

Mwene Zambi kali tachi jami ni mwaso wami, mwe chilamwina chami. Kali Zambi yami, mungumuhalisa. Kali Zambi ya tata yami, mungumulemesa.

Yishima 14:32

Yingulungulu kaakulimbuka mumu ha yitanga yo yibi, alioze umwenemwene wa akwa ululi kuwakwafunga.

Izaya 25:9

Ha tangwa lize atu eswe maakamba ngwo: “Iye kali Zambi yetu! Twakushachila hali iye, neye hatulamwina. Iye kali Mwene Zambi! Twakushachila hali iye, twakuwahilila ni kulikwiza mumu hatulamwina.”

Izaya 30:18

Hindu Mwene Zambi kanashimbwila kunulweza keke. Kanalilulika kunulweza keke mumu matangwa eswe kakulinga yize yinalite. Kawaha waze akushachila hali Mwene Zambi.

Izaya 33:2

Mwene Zambi, tuvwile kama keke. Tunase mbunge kuli yena, utufunge kama tangwa ha tangwa, ni kutulamwina ha matangwa ja lamba.

Izaya 36:8

Mungunulingila Chuma chibema mu jina lia mwanangana wa Asuria. Mungunwaha tuvwalu 2,000 nyi munuhasa kumona malunga waze meendela ho.

Izaya 8:17

Mwene Zambi halisweka kuli atu jenyi, alioze yami ngunashachila hali iye, ngunamuse mbunge.

Lungungu 3:25

Mwene Zambi kali mubema kuli eswe waze akujikijila hali iye.

Hosea 12:7

Mwene Zambi kanambe ngwenyi: “Aisraele kaakuhengesa ngwe akwa Kanana; kaakuzanga kusepa ubite wo ni pezo ja mahuza.

Mika 7:7

Alioze yami mungutala kuli Mwene Zambi, mungushimbwila Zambi yoze mangulamwina. Zambi yami kumangwivwa.

Mateu 1:21

Makasema mwana lunga, ukamuluke jina ngwe, Yesu, mumu, makalamwina atu jenyi ku shili yo.”

Luka 1:30

Kanganda ngwenyi: “Kanda wivwa woma, Maria, mumu Zambi hakulweza utu.

Luka 2:25

Mu Yerusaleme yimubwa umwe lunga, jina lienyi te Simone, mukwa ululi, mukwa kuwayila Zambi. Te kakushimbwila ulamwino wa Israele. Mwiku wa Linanga yiubwa muli iye.

Luka 2:30

mumu meso jami haamona ulamwino we

A-ROMA 8:19

Yuma yeswe yize Zambi atangile kuyakushimbula ni usona ngwo, Zambi asolole ana jenyi.

A-ROMA 8:25

Alioze, nyi twakushimbwila Chuma chize kanda tutambula, chatutamba kulihumikiza ha kuchishimbwila.

Galashia 5:5

Alioze yetu twakusa mbunge ngwetu, Zambi matupwisa akwa ululi. Chenacho twakushimbwila ku tachi ja Mwiku wa Linanga, Mwiku uze wakutukwasa mumu ha ufulielo wetu.

1 Tesalonika 1:10

ni ha kushimbwila kuhulumuka cha Mwanenyi Yesu mwilu—Zambi wamuhindwishile ku kufwa. Mwe Yesu mwe unatupulula ku utenu wa Zambi uze muwiza ho.