Ubutukilo 49:10 - Mukanda Wa Zambi 1970

¹⁰ Lukanda wa wanangana kechi akatuka kuli Yuda, mbwechi ya mukwa kuyula keechi kayichiza ku vungu lienyi ndoo ni kuze mwenya yo makasoloka, yoze atu maakononokena.

MUKANDA USANDU WA ZAMBI 1975

¹⁰ Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Ubutukilo 49:10 Iomraidhean Croise

2 Samuel 7:13

Mwenawo mwe makangutungila zuwo, mungukakolesa wanangana wenyi ndoo ku miaka yeswe.

2 Samuel 7:16

Matangwa eswe yena muukabwa ni vungu, ni wanangana we mungukaulindulula ku miaka yeswe.’ ”

1 Sango Ja Mianangana 12:39

Yaanama ko matangwa atatu hamwe ni David, yaalia, yaanwa yuma yize usoko wo haanalulika.

Miaso (Masamu) 108:8

Yifuchi ya Gileade ni Manase yili niyami; chifuchi cha Efraime chili chifulu chami cha jita, chifuchi cha Yuda chili lukanda wami wa wanangana.

Miaso (Masamu) 60:7

“Yifuchi ya Gileade ni Manase yili niyami, chifuchi cha Efraime chili chifulu chami cha jita, chifuchi cha Yuda chili lukanda wami wa wanangana.

Miaso (Masamu) 60:9

Aa Zambi, iya mangunjisa mu lie limbo lia kukoleka? Iya mangutwala kama ku chifuchi cha Edome?

Miaso (Masamu) 78:68

Alioze yatongola vungu lia Yuda, ni mulundu wa Zione uze akuzanga chinji.

Izaya 11:10

Tangwa mulikeza lize mwanangana mwaha wa ku vungu lia wanangana wa David makabwa ngwe chilayi hakachi ka mavungu. Atu eswe maakalikungulula mu limbo lienyi lia wanangana ni kumulemesa.

Izaya 2:2

Ha matangwa akusula mulundu wa zuwo lia Zambi muukabwa mulundu usuku kuhiana milundu yikwo yeswe. Mavungu anji maakeza ko;

Izaya 33:22

Mihipu yeswe ya mata waze kuyichi kakwasa nichimwe, mahina jo keechi kahasa kwazazulula. Mutububa ubite weswe wa tujita twa akwa kole jetu. Ubite unji muukabwa ko, kashika chibwe yitonji maakahasa kubwa ni Chihanda cho. Mwe Mwene Zambi makabwa mwanangana wetu; makatuyula ni kutufunga.

Izaya 42:1

Mwene Zambi kanambe ngwenyi: “Talenu kavumbi kami yoze ngunatakamisa yoze natongwele, yoze nakuwahilila nenyi. Hingunamuzalisa ni Mwiku wami, makakolesa atu hanga akaliendele ni ululi.

Izaya 55:3

“Atu jami, banjikenu, tweyenu kuli yami; tweyenu kuli yami hanga nubwe ni mwono! Mungukolesa ni yenu Usendo wa miaka yeswe, ni kunuwahisa ngwe chize nalakenyene David.

Izaya 60:1

Yerusaleme, katuka, beyima ngwe tangwa; uhenya wa Mwene Zambi unahenye hali yena!

Izaya 62:11

Mwene Zambi kanambujola hashi heswe ngwenyi: “Ambulwilenu akwa Yerusaleme ngwenu, Mwene Zambi kaneza ni kunulamwina, nikuneha atu waze haatusuka.”

Izaya 9:6

Kuli yetu hikwasemuka mwana! Mwana lunga hatwaha yo! Kumakabwa mukwa kutuyula. Kumaakamuvuluka ngwo: “Mukwa Kukomwesa,” “Mukwa Kukanyamisa,” “Zambi Mukwa Ndundo,” “Tata wa Miaka Yeswe,” “Mwanangana wa Uhwimino.”

Jeremia 30:21

Mukwa kwayula makakatuka ku vungu lio ene, mwana wa mwanangana wo makabwa wa kuli ayo ene. Muze mungukamutambika kumakangukundama, mumu iya mahasa kukundama nyi yami chamutambikile? Kumaakabwa atu jami, ni yami mungukabwa Zambi yo. Yami Mwene Zambi nachamba.”

Jeremia 33:26

Ngwe chize nalingile, mungukakolesa Usendo wami ni vungu lia Yakoba ni lia kavumbi kami David. Mungukatongola umwe mutu wa ku vungu lia David ayule mavungu ja Abrahama, ni Isake, ni Yakoba. Mungukevwila atu jami keke ni kwawahisa nawa.”

Ezekiel 19:11

Mitango yawo yiibwa ya tachi, yiutatuka ha kubwa kanda ja mianangana. We mutondo yiutatuka chikolo, yiutanda ndoo ku malelwa; atu eswe yaamona kutunda cha mafwo ni che kusuhwa chawo.

Ezekiel 19:14

Shina lia muvinyu yilikwata kahia; ke kahia yikocha mitango yawo ni mihuko. Mitango kuyichi kabwa nawa ni tachi, kuyichi kabwa nawa kanda ja mianangana. Uno uli umwe mwaso wa lungungu; atu te kaakwimba yisuho yinji.

Ezekiel 21:27

Mu ngukafwita limbo fwichi fwichi! Alioze chino kuchichi kabwa ndoo yoze natongwele makeza ni kumwesa akwa limbo lamba. Mba mungukamwaha lio.

Ezekiel 21:32

Maakanwonona mu kahia. Manyinga jenu maakaamwanganyina mu chifuchi cha yenwene, niumwe kechi kaanwiwuluka nawa.’ ” Mwene Zambi wachamba.

Daniel 9:25

Sako chinyingi, unyingike kanawa: chize ku tangwa lize ambile lia kutungulula Yerusaleme, ndoo ni ku tangwa lize mukwa lutwe yoze atongwele Zambi makasoloka, miaka shimbiali yisuho shimbiali muyikabalika. Yerusaleme maakamutungulula, ni e majila jamo, ni ye yipanga ya kukoleka. Mba makalinduluka miaka shimbiali yisuho makumi asambano ni yaali, alioze maakabwa matangwa a lamba.

Hosea 11:12

Mwene Zambi kanambe ngwenyi: “Aisraele haanangujingilika ni mahuza ni kwonga, ni Ayuda kaakunyongonona kulimika ni yami, Zambi wa kushishika kanda munangi.

Mika 5:1

Yenu akwa Yerusaleme, kungululenu tujita twenu! Haatuseleka! Kaanase jita ni mwata wa Israele!

Hagai 2:7

Mungukumba mavungu eswe, ni ubite wo maauneha kuno, mba zuwo liami mulizala ni ubite.

Zakaria 10:11

Muze maakazauka kalunga lwiji wo wa lamba yami, Mwene Zambi, mungukalamba ye miavu, mba majinga ja Nile maakoma. Aasuria, akwa kulengumuka, mungukaakehesa, yitakame mu Egiptu, tachi jo kumujikahwa.

Zakaria 2:11

Mavungu anji maakalinunga ni Mwene Zambi ha tangwa lize, ni maakabwa atu jenyi. Neye makatwama mukachi kenu. Mba munukanyingika ngwenu, kuma iye mwe wangutuma kuli yenu.

Kwalula 21:18

Lie shima, ana ja mianangana alifulile, ni miata ja atu; yaalifula ni lukanda wa wanangana ni kanda jo.” Aisraele yaakatuka ko, yaaya ku Matana.

Kwalula 24:17

Ngunatale kulutwe, ngumone vungu lia Israele. Umwe mwanangana, ngwe lutongonoshi wa kutemuka, makavumbuka mu vungu lia Israele; ngwe mutumbu yoze unakatuka kuli Israele. Makalamba miata ja Moabe, makalimbwila Asete eswe.

Kwalula 24:19

Mukwa kuyula makatuka ku vungu lia Yakoba, makonona masalila eswe.”

Mateu 1:21

Makasema mwana lunga, ukamuluke jina ngwe, Yesu, mumu, makalamwina atu jenyi ku shili yo.”

Mateu 17:5

Shimbu te machihanjika, lelwa lia kubeyima yiliaazulamina. Yeevwa liji mu lelwa ngwo: “Yono mwe Mwanami yoze nakuzanga kuhiana, nakuwahilila nenyi. Mwivwenu!”

Mateu 21:9

Mbunga yize atetekelele kulutwe lia Yesu ni yize amukawile yaakololoka ngwo: “Vulie Mwana wa David. Zambi awahise yoze uneza mu jina lia Mwene! Vulie Zambi Mwilu Mwahiana!”

Mateu 25:32

Hohene tunganda twa mwilu maakakungulula mavungu eswe ku meso jenyi. Mba Mwana Mutu makaahandununa mu mbunga jaali ngwe chize kafunga akuhandununa mapanga ni pembe.

Yoano 12:32

Mba yami, muze makanguzundula kwilu, mungukakoka atu eswe.”

Yoano 18:31

Pilatu ngwenyi: “Yeenu nenyi yenwene, mubatwilenu nikulita ni Shimbi jenu.” Ayuda ngwo: “Yetu kutushi chiyulo cha kushiha mutu.”

Yoano 19:12

Ha maliji wano, Pilatu yafupa jila ya kumutusula. Alioze Ayuda yaakololoka ngwo: “Nyi watusula mutu yono, hi uli sepa lia mwanangana wa Aroma ko. Yoze wakulipwisa mwanangana kali mukwa kole wa mwanangana wa Aroma.”

Yoano 19:15

Alioze yaakololoka ngwo: “Mushihe, mushihe, muhate ha kulusu!” Pilatu yaahula ngwenyi: “Chinalite nguhate mwanangana wenu ha kulusu, nyi?” Mahako a lutwe a Zambi yaakumbulula ngwo: “Kutushi mwanangana mukwo shina mwanangana wa Aroma!”

Yoano 9:7

yamwamba ngwenyi: “Yako usane ku meso mu shima lia Silome.” (Kulumbunuka ngwo: “Hatumiwa.”) Kapuputa yaya, yasana ku meso, yahiluka ni kumona.

A-ROMA 15:12

Izaya kanambe nawa ngwenyi: “Mutu makeza ku Chikota cha Jese, makakatuka ha kuyula waze hi Ayuda ko, no maakamusa mbunge.”

2 Korintu 5:10

Mumu yetu eswe chatutamba kumana kulutwe ha chitwamo cha ubatwilo cha Kristu, hanga mutu mweswe akatambule chize chinamutela, nikulita ni chize alingile mu uutu wenyi, chibwe chibema chibwe chibi.

Hebreu 7:14

Atu eswe kaananyingika kanawa ngwo, Yesu ku Chikota cha Yuda asemukinyine. Alioze Mose kambile nichimwe hakutwala ku Chikota chize muze ahanjikile hakutwala kuli mahako.

Usolwelo 11:15

Hohene kanganda ka mwilu wa muchishimbiali yemba chitavwi. Mba yingwivwa maliji anene ngwo: “Wanangana wa hashi hiwabwa wanangana wa Mwene wetu ni Kristu yenyi. Mwenawo makayula ku miaka yeswe ni miaka yeswe!”