Ubutukilo 49:1 - Mukanda Wa Zambi 1970

¹ Yakoba yatambika ana jenyi a malunga ngwenyi: “Yenu eswe kungulukenu kuno, hanga ngunulweze yize muyikanuwana kulutwe.

MUKANDA USANDU WA ZAMBI 1975

¹ Mba Yakomba yasanyika anenyi a malunga ngwenyi, Kungulukenu hamuwika ngunwambulwile chize muchinuwana ku matangwa a ku songo.

Ubutukilo 49:1 Iomraidhean Croise

Miaso (Masamu) 105:15

“Tuvumbi twami waze natongwele, kanda nwaalinga chibi, kanda numwesa akwa munanyi jami lamba!”

Miaso (Masamu) 25:14

Mwene Zambi kali sepa lia waze akumwononokena, kakukolesa Usendo wenyi hamwe no.

Izaya 2:2

Ha matangwa akusula mulundu wa zuwo lia Zambi muukabwa mulundu usuku kuhiana milundu yikwo yeswe. Mavungu anji maakeza ko;

Izaya 22:14

Mwene Zambi Mukwa Ndundo Jeswe yangwamba ngwenyi: “Uhenge uno kechi kaakonekena wo ndoo ku miaka yeswe ya mwono wo. Yami, Mwene Zambi Mukwa Ndundo Jeswe nachamba.”

Izaya 39:6

‘Tangwa mulikeza lize yuma yeswe ya mu zuwo lie, ni yuma yeswe yize aswekele tushakulu twe ndoo ni musono, kumaakaya nayo ku Babilonia. Nichimwe kuchichi kasala.

Izaya 48:14

“Yenu eswe kundamenu, nubanjike! Niumwe hakachi ka mazambi kahashile ko kwambulula shimbu kanda ngwo, mutu yoze natongwele makasa jita ni akwa Babilone; makalinga cheswe chize ngunazange alinge.

Izaya 53:1

Mavungu maakumbulula ngwo: Iya te mahasa kufuliela kama sango jetu? Iya te mahasa kumona kama ndundo ja Mwene Zambi mu yuma yino?

Jeremia 23:20

kuuchi kuhwa ndoo ni muze halinga yuma yeswe yize anazange kulinga. Mba kulutwe atu jenyi maakanyingika yuma yino kanawa.”

Daniel 10:1

(Ha mwaka wa muchitatu wa kuyula cha Siruse, mwanangana wa Persia, Daniel, yoze te akuvuluka ngwo Belteshazare, yevwa maliji mu Usolwelo. E maliji abwile amwenemwene alioze chikalu kunyingika ulumbunwiso wo, mba yamulumbunwinoo mu Usolwelo ukwo.)

Daniel 10:14

Hineza ni kukulumbunwina kanawa yize muyikeza hali atu je kulutwe. Uno we Usolwelo wa yuma yize muyikeza ho.”

Daniel 2:47

Mwanangana ngwenyi: “Zambi ye kali Zambi wa mazambi eswe kanda Mwene wa mianangana eswe. Mwe wakusolola yijimbikilo. Ngunachinyingika mumu wahasa kulumbununa chijimbikilo chino.”

Amose 3:7

Chamwenemwene Mwene Zambi keshi kulinga Chuma nichimwe, shina malweza chijimbikilo chenyi kuli tuvumbi twenyi, akwa munanyi.

Mika 4:1

Ha matangwa akusula mulundu wa zuwo lia Zambi muubwa mulundu usuku kuhiana milundu yikwo yeswe. Mavungu anji maakeza ko;

Kwalula 24:14

Balame yambila Balake ngwenyi: “Haliabwila ngunahiluka kuli atu jami, alioze shimbu kanda nguchiya, ngunakutoweza chize Aisraele maakalinga kuli atu je.”

Luka 2:26

Newo yiumulweza ngwenyi, kechi kafwa ndoo makamona Chilamwina yoze Zambi alakenyene.

Yilinga 2:17

‘Ha matangwa akusula mungukalinga chino. Mungukamwangina Mwiku wami wa Linanga muli atu eswe. Ana jenu a malunga ni a mapwo maakambujola yuma yize muyikeza ho. Akweze jenu maakamona Usolwelo; tushinakaji twenu maakalota yilota.

Shimbi 31:12

Kungululenu atu eswe, malunga, ni mapwo, ni ana, ni yilambala waze atwama mu membo jenu, hanga mutu mweswe alivwile jo, alilongese kulemesa Mwene Zambi, Zambi yenu, ni kufunga Shimbi jenyi kanawa.

Shimbi 4:30

Muze munukamona lamba, ni yuma yino yeswe muyikanuwana munukahiluka kuli Mwene Zambi ni kumwononokena.

1 Timoteu 4:1

Mwiku wa Linanga unahanjika pundu ngwenyi, ha miaka yakusula atu anji maakehuka ufulielo wo. Maakononokena mwiku wa mahuza, maakafunga longeso lia mwiku ubi.

2 Timoteu 3:1

Chakutamba kunyingika chino ngwe, ha matangwa akusula lamba linji mulikabwa ko.

Hebreu 1:2

Alioze, ha matangwa wano akusula, Zambi yahanjika muli Mwanenyi. Zambi hanatange yuma yeswe ni kwoko lia Mwanenyi, hanamutongola nawa mu kuhinga yuma yeswe ha tangwa liakusula.

Hebreu 13:1

Nyongononenu ni kulizanga ni akwenu akwa Kristu.

Usolwelo 4:1

Kulutwe lia yuma yino yingumona Usolwelo ukwo, chajilo chinazuluka mwilu. Liji lize te linahanjika ngwe chitavwi, lize nevwile hatangu, yilingulweza ngwo: “Zezuka kuno, mungukulweza yuma yize muyikabwa kulutwe.”