Ubutukilo 48:9 - Mukanda Wa Zambi 1970

⁹ Josefe ngwenyi: “Wano e ana jami, ana waze anguhele Zambi muno mu Egiptu.” Israele ngwenyi: “Tweya no kuno, ngwawahise.”

MUKANDA USANDU WA ZAMBI 1975

⁹ José yamba kuli tato ngwenyi, Ana jami Zambi wanguhelo kuno. Iye yamba ngwenyi, Anehe kuno kama nguawahise.

Ubutukilo 48:9 Iomraidhean Croise

Ubutukilo 27:4

ungutelekele yakulia yiyema, ngwe chize nakuzanga. Ungunehene yo ngulie, hanga ngukuwahise shimbu kanda nguchifwa.”

Ubutukilo 30:2

Yakoba yatenuka, yambila Rashele ngwenyi: “Yami nguli Zambi, nyi? Mwenawo wakupwisa mutu mumba.”

Ubutukilo 33:5

Esau yahetuka, yamona mapwo ni ana, yahula ngwenyi: “Wano eswe uneza no, aya?” Yakoba ngwenyi: “Mwene, wano e ana waze Zambi, mu vumbi lienyi, hangwaha yami kavumbi kenu.”

Ubutukilo 49:28

Wano kaali mavungu kumi ni aali a Israele, ni yuma yize aalwezele kuli tato. Yaawahisa mutu ni mutu nikulita ni yiwape yize yinamutela.

1 Sango Ja Mianangana 25:5

Zambi yahana kuli Hemane, mukwa munanyi wa mwanangana, ana a malunga kumi ni awana ni ana a mapwo atatu, ngwe chize alakenyene kuhana chiyulo kuli Hemane.

Miaso (Masamu) 127:3

Ana kaali chawana cha kuli Zambi, kaali yiwape yize akwaha atu jenyi.

Izaya 8:18

Hano nguli hamwe ni ana waze Zambi hanangwehe. Mwene Zambi Mukwa Ndundo Jeswe, yoze ukwete chitwamo chenyi ha mulundu wa Zione, hanatutumu tubwe akwa sango kuli atu ja Israele.

Shimbi 33:1

Mose, mutu wa Zambi, shimbu te kanda achifwa, yawahisa Aisraele.

Hebreu 11:21

Ku ufulielo tata Yakoba, muze te himafwa, yawahisa mwana mweswe wa Josefe, yashachila ha lukanda wenyi nikuwayila Zambi.

1 Samuel 1:20

Chenacho Hana amichine ufumba, yasema mwana wa lunga. Yamuluka jina Samuel, mumu ngwenyi: “Namwichile kuli Mwene Zambi.”

1 Samuel 1:27

Yono mwe mwana nechile, Mwene Zambi mba hangwaha yo.