Ubutukilo 48:7 - Mukanda Wa Zambi 1970

⁷ Ngunambe chino mumu muze natuhukile mu chifuchi cha Mesopotamia ni kuya ku chifuchi cha Kanana, noko Rashele yafwila mu Kanana, yingwivwa chinyengo kuhiana. Yafwa muze te tuchili mu jila, hehi ni limbo lia Efrata, yingumufunda kuze ku jila ya kuya ku Efrata.” (Musono kaakulivuluka ngwo, Betleheme.)

MUKANDA USANDU WA ZAMBI 1975

⁷ Alioze ha kutwala kuli yami, muze nakatukile ku Panda, Rakele wafwile kumeso jami mu chifuchi cha Kanana, mwe mu jila te kwasala kachipinji wika kuheta ku Efrata. Namufunjile kuze kwene mu jila ya kuya ku Efrata (kwe ku Mbeteleme kwenako).

Ubutukilo 48:7 Iomraidhean Croise

Ubutukilo 25:20

Isake te habwa ni miaka makumi awana muze ambachile Rebeka, ndumbu ya Labane, mwana wa Betuele. Mwe Betuele wa ku chikota cha Arameane mu chifuchi cha Mesopotamia.

Ubutukilo 33:18

Chenacho Yakoba ahetele kanawa ku limbo lia Shekeme mu chifuchi cha Kanana muze akatukile mu chifuchi cha Mesopotamia. Yajika musumba wenyi mu munda hehi ni limbo.

Ubutukilo 35:20

Yakoba yamika liwe ha fuka lia Rashele. Lie liwe kwe lili ndoo ni musono.

Ubutukilo 35:9

Yakoba, ha kuheta chenyi ku Kanana, Zambi yamusolokela nawa, yamuwahisa ngwenyi:

Ubutukilo 48:6

Alioze nyi muukasema ana malunga akwo kulutwe, maakabwa ana je, chihinga cho muchikabwa mu jina lia Efraime ni Manase.

Mika 5:2

Mwene Zambi ngwenyi: “Yena Betleheme Efrata, uli mukepe kuhiana mukachi ka membo ja Yuda, alioze muli yena mungukatuhwisa umwe mukwa kuyula wa Aisraele. Kwalula cha akwa jiko lienyi chinayi ndoo ku shakulu.”

Mateu 2:18

“Atu kaanevu milolo mu Rama, malilo ni kunenganyana kuhiana. Rashele kanalili ana jenyi. Katayile amulembejeke, mumu haanafu.”

1 Samuel 1:1

Mu chifuchi cha milundu ya Efraime, mu limbo lia Rama, mwabwile umwe lunga jina lienyi Elkana, mwana wa Jerohame, mujikulu wa Elihu, wa ku jiko lia Tohu, wa ku vungu lia Zufu.

1 Samuel 10:2

musono muze muukatuka kuli yami, muutakana ni malunga aali hehi ni fuka lia Rashele ku Zelza, mu chifuchi cha Benjamine. No maakwambulwila ngwo: ‘Yimbulu waze wayile ni kufupa, haasoloka. Tatenu hachiza ko mbunge, habutuka kukunyongena yena ni kulihula ngwenyi, Kuchi mungulinga hakutwala kuli mwanami?’

1 Samuel 16:4

Samuel yalinga chize amwambile Mwene Zambi, yaya ku Betleheme. Makulwana a mu limbo yaamubatwiza nikuchikima, yaamuhula ngwo: “Nuneza kama ni uhwimino, nyi?”

1 Samuel 17:12

David te kali mwana wa Jese, Kaefrata, wa ku limbo lia Betleheme, mu chifuchi cha Yuda, Jese te habwa kulu kashinakaji ha miaka ya kuyula cha Saulu, kabwile ni ana nake a malunga.