Ubutukilo 48:5 - Mukanda Wa Zambi 1970

⁵ “Efraime ni Manase, ana waze aali waasemenene muno mu Egiptu muze te kanda nguchiza, no kaali ana jami, ngwe chize ali Rubene ni Simeone.

MUKANDA USANDU WA ZAMBI 1975

⁵ Haliapwila ana je aali a malunga waasemene mu Engitu shimbu kanda nguchiheta kuli yena mu Engitu, ngwami, Eframe ni Manase ninyami chimuwika ngwe Rupene ni Simeone.

Ubutukilo 48:5 Iomraidhean Croise

Ubutukilo 46:20

Ana a malunga waze asemene Josefe mu chifuchi cha Egiptu ni Asenate, mwana wa Potifera, hako wa Zambi wa ku limbo lia One, wano: Manase ni Efraime.

Ubutukilo 48:1

Muze amwe matangwa haabalika Josefe yevwa ngwo, tatenu kanayinji. Hohene yanda ana jenyi aali a malunga Manase ni Efraime, yaya ni kutala Yakoba.

Ubutukilo 48:6

Alioze nyi muukasema ana malunga akwo kulutwe, maakabwa ana je, chihinga cho muchikabwa mu jina lia Efraime ni Manase.

Miaso (Masamu) 77:16

Aa Zambi, muze meya akumwene, yeevwa woma, majinga nawa yaachikima, chibwe meya waze atwama mu mashima yaachikima.

Izaya 43:1

Israele, Mwene Zambi yoze wakutangile kanambe ngwenyi: “Kanda wivwa woma, mungukulamwina. Hingunakuvuluka ha jina, uli niwami.

Ezekiel 16:8

“Muze nabalikile ko nawa, yingumona ngwami, tangwa hiliaheta, yena hiwakola ni kuya ku ulo. Yingukujika kazaku kami, yingukulakenya kukuzanga. Ewa, yingulivwa ni yena, yiubwa niwami.” Chenacho Mwene Zambi anambe.

Ezekiel 47:13

Mwene Zambi yamba ngwenyi: “Jino je njiza ja chifuchi chize chatamba kutetela mavungu kumi ni aali; vungu lia Josefe maatambula yihanda yaali.

Alevi 20:26

Bwenu akwa kulinanga, nubwe lume a yami. Mumu yami nguli Mwene Zambi, nguli munangi. Hingunanuhandununa kuli mavungu akwo hanga nubwe lume a yami mwene.

Malaki 3:17

Mwene Zambi Mukwa Ndundo Jeswe kanambe ngwenyi: “Kumaakabwa atu jami. Ha matangwa waze mungukasolola tachi jami, no kumaakabwa atu ja yami mwene. Mungukeevwila keke ngwe chize umwe tata wakuvwila keke mwanenyi yoze wakumulingila.

2 Korintu 6:18

Mungukabwa tatenu, mba ni yenu munukabwa ana jami a malunga ni ana jami a mapwo, Chenacho anambe Mwene Mukwa Ndundo Jeswe.”

Efesu 1:5

Zambi hanabatula shimbu kanda, kutupwisa ana jenyi ku tachi ja Yesu Kristu. Yachinyonga mumu te hichinamuwahila.

Hebreu 11:21

Ku ufulielo tata Yakoba, muze te himafwa, yawahisa mwana mweswe wa Josefe, yashachila ha lukanda wenyi nikuwayila Zambi.

Yoshua 13:7

Kashika haliabwila teta chifuchi chino mukachi ka mavungu akwo livwa ni mbunga yimuwika ya Manase, hanga chibwe nicho.”