Ubutukilo 48:21 - Mukanda Wa Zambi 1970

²¹ Mba Israele yambila Josefe ngwenyi: “Tala, himungufwa kwami, alioze Zambi makabwa hamwe ni yena, makakuhilwisa ku chifuchi cha atatenu.

MUKANDA USANDU WA ZAMBI 1975

²¹ Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

Ubutukilo 48:21 Iomraidhean Croise

Ubutukilo 12:5

Yanda mukwo pwo Sarai ni Lote, mwana wa mwanakwo, yanda nawa ubite weswe ni ndungo eswe waze abichile mu Harane. Mba yaakatuka, yaaya ku chifuchi cha Kanana. Muze haaheta ku Kanana,

Ubutukilo 15:14

Alioze yami mungukamwesa lamba atu waze maakaabita. Vungu lie muze maakatuhuka mu chifuchi chize, maakaya ni ubite unji.

Ubutukilo 15:16

Chisemuko che cha muchiwana maakahiluka nawa ku chifuchi cho, mumu chichi kahuma akwa Amore ndoo muze uvulumwino wo muukoka, mba mungukaamwesa lamba.”

Ubutukilo 26:3

Twama hano, mungubwa hamwe ni yena, mungukuwahisa. Mungukwaha chifuchi chino cheswe, yena ni vungu lie. Mungukakolesa Shingo lize nalishingile ni tatenu Abrahama.

Ubutukilo 28:15

Nyingika ngwe, mungukabwa hamwe ni yena kweswako muuya, mungukakuhilwisa nawa ku chifuchi chino. Chichi kakwehuka ndoo mungukamanununa yilakenyo yeswe yino nakulakenya.”

Ubutukilo 37:1

Yakoba te katwama mu chifuchi cha Kanana, muze te atwamine tato.

Ubutukilo 46:4

Ngunayi ne ku Egiptu, ni mungwiza kuhilwisa nawa vungu lie kuno. Josefe makabwa hamwe ne muze muukafwa.”

Ubutukilo 47:29

Muze Israele hamona ngwenyi, nguli hakamwihi ni kufwa, yatambika mwanenyi Josefe, yamwamba ngwenyi: “Mwanami, sako kwoko lie mu molu jami, ulishinge ngwe, kuuchi kangufunda muno mu chifuchi cha Egiptu.

Ubutukilo 50:24

Josefe yambila ayayo ngwenyi: “Talenu, himungufwa, alioze ngunanyingika ngwami, Zambi makanufunga ni makanutuhwisa mu chifuchi chino, makanuhilwisa mu chifuchi chize alakenyene Abrahama, ni Isake, ni Yakoba.”

Ubutukilo 50:6

Mwanangana ngwenyi: “Yenu numwambulwile ngwenu, kuheshi Chuma, yako ukafunde tatenu ngwe chize wamushikile.”

Miaso (Masamu) 18:46

Mwene Zambi kwali! Luliwe lwami afumane! Fumanyisenu Zambi ya ndundo yoze wakungulamwina!

Luka 2:29

“Mwene Zambi, haliabwila chilakenyo che hichamanunuka. Kavumbi ke mahasa kufwa ni uhwimino

Yilinga 13:36

David yalinga milimo ya Zambi ku mwaka wenyi, yafwa, no yamufunda hakamwihi ni tushakulu twenyi, neye yabola.

Shimbi 30:3

kachi Mwene Zambi, Zambi yenu, makanuvwila keke. Makanuchiza ku mavungu kuze anumwanginyine, mba makanuwahisa nawa.

Shimbi 31:8

Mwene Zambi mwe makakusongwela, makabwa hamwe ni yena. Kechi kakuhichika hanji kukwehuka, kashika kanda ulekumuka kanda wivwa woma.”

2 Timoteu 4:6

Hakutwala kuli yami, tangwa liami lia kulihana ngwe mulambu hiliazuka, tangwa liami lia kufwa hiliaheta.

Hebreu 7:3

Atu te kaanyingikine jina lia tato ya Melkizedeke, chibwe jina lia naye, chibwe jina lia umwe kashakulu kenyi. Te kaanyingikine kuze asemukinyine, chibwe kuze afwilile. Kali ngwe Mwana Zambi, kali hako wa miaka yeswe.

Hebreu 7:8

Mahako waze akutambula chakumi kaakufwa. Alioze Melkizedeke yoze watambwile chakumi, katwama ni mwono ngwe chize unambe Mukanda wa Zambi.

Yoshua 1:5

Ha matangwa eswe a mwono we niumwe kechi kuhasa ku kukumba. Mungubwa hamwe ni yena ngwe chize nabwile hamwe ni Mose. Chichi kakuhichika hanji kukwehuka nichimwe.

Yoshua 1:9

Chakwambile cho, nyi? Takama, hamuka. Kanda wivwa woma, kanda ulekumuka, mumu yami Mwene Zambi, Zambi ye, nguli ne kweswako mwoya.”

Yoshua 23:14

“Haliabwila ngunayi mu jila yize akuya akwa hashi eswe. Yenu eswe nunanyingika mu mbunge jenu chize Mwene Zambi, Zambi yenu, hananwehe yuma yeswe yibema yize anulakenyene. Yilakenyo yeswe hanayimanununa; nichimwe kuchahonene.

Yoshua 3:7

Mwene Zambi yalweza Yoshua ngwenyi: “Chize musono mungukulemesa ku meso ja Aisraele eswe. Mba maanyingika ngwo, nguli hamwe ni yena ngwe chize nabwile hamwe ni Mose.

2 Petulu 1:14

Mumu ngunanyingika ngwami, kwasala hakepe ngufwe kwami, ngwe chize angulwezele Mwene Yesu Kristu.