Ubutukilo 48:19 - Mukanda Wa Zambi 1970

¹⁹ Alioze tato ngwenyi: “Ka mwanami, ngunanyingika. Vungu lia Manase no kumaakabwa vungu linene. Alioze kanuke kenyi kumakamuhiana, ni vungu lienyi kumaakabwa atu anji.”

MUKANDA USANDU WA ZAMBI 1975

¹⁹ Tato kasolo. Yamba ngwenyi, Ngunachinyingika mwanami, ngunachinyingika, iye nawa masema vungu, kumakapwa munene nawa, alioze mwanakwo mahiana, munyachi wenyi muukapwa mbunga ya mavungu.

Ubutukilo 48:19 Iomraidhean Croise

Ubutukilo 17:4

“Ngunakolesa ne Usendo ngwe chino: muukabwa kako ya mavungu anji a hano hashi.

Ubutukilo 25:23

Neye yamukumbulula ngwenyi: “Mavungu aali ali mu jimo lie. Muukasema mavungu aali waze maakalitachika. Vungu limuwika maakabwa ni tachi kuhiana likwo. Vungu lia mukulwana maakalingila vungu lia kanuke.”

Ubutukilo 25:28

Isake te kakuzanga Esau kuhiana mumu ha yifwo yize akumushihila, alioze Rebeka yazanga Yakoba kuhiana.

Ubutukilo 28:14

Vungu lie maakabwa anji ngwe mavu. Maakalitanda ku chivumbuko ni ku chitokelo, ku norde ni ku sude. Mungukawahisa akwa hashi eswe mumu hali yena ni vungu lie.

Ubutukilo 46:3

Zambi ngwenyi: “Yami nguli Zambi, Zambi ya tatenu. Kanda wivwa woma ha kuya ku chifuchi cha Egiptu. Kwenako mungukakupwishila vungu linene.

Ubutukilo 48:14

Alioze Israele yasepekenya moko jenyi, yasa kwoko lienyi lia utata ha mutwe wa Efraime, chibwe te kali kanuke, ni kwoko lia umama ha mutwe wa mukulwana Manase.

Ubutukilo 48:18

Yamba ngwenyi: “Tata, hi chize ko. Mukulwana kali Manase. Sako kwoko lia utata ha mutwe wenyi.”

Izaya 7:17

“Mwene Zambi makakokela hali yena ni hali atu je, ni ha jiko lia wanangana matangwa a lamba waze kanda nuchimona kama chize ku tangwa lize wanangana wa Israele alihandunwine ni Yuda; Zambi makanukokela mwanangana wa Asuria.

Ezekiel 27:10

“Tujita a ku Persia, ni Lidia, ni Libia, te kaali a ku mbunga ya tujita twe. Yaazezeleka yifulu ni kebwe jo mu mazuwo a tujita twe, yaakunehena lufuma mubema.

Shimbi 1:10

Mwene Zambi, Zambi yenu, hananwokesa kuhiana ngwe matongonoshi a mwilu.

Shimbi 33:17

Josefe yabwa ni tachi ngwe kuji a ngombe, kali ni mbinga ngwe ja kuji a mbau. Mbinga jenyi jili tununu twa Amanase ni tununu kumi twa Aefraime. Kaakushinjika najo mavungu ni kwatwala ku mambango eswe a hashi.”

Usolwelo 7:6

tununu kumi ni aali a ku Chikota cha Ashere, tununu kumi ni aali a ku Chikota cha Naftali, tununu kumi ni aali a ku Chikota cha Manase,

Usolwelo 7:8

tununu kumi ni aali a ku Chikota cha Zabulone, tununu kumi ni aali a ku Chikota cha Josefe, tununu kumi ni aali a ku Chikota cha Benjamine.