Ubutukilo 48:16 - Mukanda Wa Zambi 1970

¹⁶ Kanganda ka mwilu yoze wangupulwile mu lamba lieswe, aawahise! Avulwoke jina liami, ni majina ja atata Abrahama ni Isake! Aseme ana anji, akabwe vungu linene!”

MUKANDA USANDU WA ZAMBI 1975

¹⁶ Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

Ubutukilo 48:16 Iomraidhean Croise

Ubutukilo 22:11

Alioze kanganda ka Mwene Zambi yatambika ngwenyi: “Abrahama, Abrahama!” Iye ngwenyi: “Ewa mwane.”

Ubutukilo 22:15

Kanganda ka Mwene Zambi yatambika Abrahama chisuho cha muchaali ngwenyi:

Ubutukilo 32:28

Mutu yoze ngwenyi: “Jina lie kulichi kubwa nawa Yakoba, mumu hiwalitachika ni Zambi ni atu, hiwakumba. Kashika maakuvuluka ngwo, Israele.”

Ubutukilo 46:3

Zambi ngwenyi: “Yami nguli Zambi, Zambi ya tatenu. Kanda wivwa woma ha kuya ku chifuchi cha Egiptu. Kwenako mungukakupwishila vungu linene.

Ubutukilo 48:5

“Efraime ni Manase, ana waze aali waasemenene muno mu Egiptu muze te kanda nguchiza, no kaali ana jami, ngwe chize ali Rubene ni Simeone.

Ubutukilo 49:22

“Josefe kali ngwe chimbulu wa mu yambu, ngwe mwana wa chimbulu hehi ni meya,

2 Samuel 4:9

Mwanangana David yakumbulula ngwenyi: “Kanganda yoze wejile kuli yami ku Ziklage ni kungulweza sango ja kufwa cha mwanangana Saulu, yanyonga ngwenyi, namunehena sango jibema. Namukwachile, yingumushiha. Chino che kukundulula chenyi ha sango jenyi jibema. Ni mwe Zambi ya mwono, yoze wangulamwinyine ku utoji, lamba liahiana mulibwa hali yingulungulu waze haashiha mukwa kusamba yoze te unabombo mu zuwo lienyi! Mungumukala kuli yenu waze hinwamushiha ni kununongesa hano hashi!”

1 Yitanga Ya Mianangana 1:29

Mba mwanangana yalishinga ngwenyi: “Ni mwe Mwene Zambi yoze wangupulwile mu lamba liami lieswe,

2 Sango Ja Mianangana 7:14

nyi ngwe alemba kuli yami, nyi alumuka ku mbunge, ni kwehuka yibi yize te akulinga, mba muze mwilu nguli mungwabanjika, ni kwakonekena milonga yo, ni kuwahisa nawa chifuchi cho.

Miaso (Masamu) 121:7

Mwene Zambi makufunga ku utoji weswe, makufunga kanawa.

Miaso (Masamu) 34:2

Mungumuhalisa ha yize hanalingi; akwa lamba abanjike, awahilile!

Miaso (Masamu) 34:22

Mwene Zambi makula tuvumbi twenyi; waze akuswama muli iye, niumwe kechi kuhia.

Miaso (Masamu) 34:7

Kanganda ka mwilu kakufunga waze akulemesa Mwene Zambi, kaakwapulula ku utoji.

Miaso (Masamu) 34:8

Pakenu nutale yenwene, numone ubeme wa Mwene Zambi. Kawaha yoze wakuchinyina kuli iye!

Kutuhuka 1:7

Alioze Aisraele yasema ana anji, yooka kuhiana, te akwa ndundo nawa. Chifuchi cheswe yichizala ni ayo.

Izaya 47:4

Zambi Munangi wa Israele hanatukula; jina lienyi Mwene Zambi Mukwa Ndundo Jeswe.

Izaya 63:9

ku lamba lio Heswe. Hi kanganda ka mwilu ko, alioze iye mwene mwe waalamwinyine. Mu zango lienyi ni keke yenyi yaalamwina. Matangwa eswe te kaakwafunga,

Jeremia 14:9

Kuchi mba unasoloka ngwe mutu yoze haatungumuna, ngwe kajita yoze keshi tachi ja kulamwina? Mwene Zambi, chamwenemwene yena uli hamwe ni yetu! Tuli atu je, kanda utwehuka.’ ”

Jeremia 15:21

Mungukulamwina ku moko ja yingulungulu ni akwa kushiha atu. Yami, Mwene Zambi, nachamba.”

Amose 9:12

Chenacho Aisraele maakakumba Chihanda cha chifuchi cha Edome chize chasala ni yifuchi yeswe yikwo yize te nwakuyula mumu hali yami.” Chenacho anambe Mwene Zambi yoze makachilinga.

Malaki 3:1

Mwene Zambi Mukwa Ndundo Jeswe kanakumbulula ngwenyi: “Mungukatuma kanganda kami ni kungululikila jila. Hohene Mwene Zambi yoze nunatalatala kumeza susumuku ku zuwo lienyi. Kanganda yoze nunevwila usona kumeza akambujole Usendo wami.”

Mateu 6:13

Kanda ututwala kama ku yeseko yikalu, alioze tufunge kama kuli mwe Mubi’. (Mumu we Wanangana, ni je tachi, ni we uhenya, yeswe niye ndoo ku miaka yeswe. Chibwe kama Chenacho.)

Yoano 17:15

Chalembele hanga ukachize hashi, alioze hanga ukaafunge kuli mwe mubi

Yilinga 15:17

hanga atu eswe akafupe Mwene Zambi, ni hanga mavungu eswe waze natambikile akabwe ni ami.

A-ROMA 8:23

Alioze hi ayo wika ko. Yetu, waze tukwete kulu Mwiku wa Linanga ngwe chawana chitangu cha Zambi, twakutwa nawa mikuma muli yetwene nikushimbwila ngwetu, Zambi atupwise ana jenyi ni kutusula mijimba yetu yeswe.

1 Korintu 10:4

Eswe yaanwa kunwa chimuwika cha uzambi, mumu anwine ku liwe lia uzambi, lize te nakwakaula. Lie liwe Kristu.

1 Korintu 10:9

Kanda tweseka Mwene Zambi ngwe chize alingile amwe hakachi ko, mba yaafwa ku kusuma cha manoka.

Shimbi 28:10

Mba akwa hashi eswe maakanyingika ngwo, kuma Mwene Zambi wanutongwele ha kubwa lume atu jenyi: no maakanuvwila woma.

Shimbi 33:17

Josefe yabwa ni tachi ngwe kuji a ngombe, kali ni mbinga ngwe ja kuji a mbau. Mbinga jenyi jili tununu twa Amanase ni tununu kumi twa Aefraime. Kaakushinjika najo mavungu ni kwatwala ku mambango eswe a hashi.”

2 Timoteu 4:18

Neye makangulamwina ku lamba heswe ni kunguhetesa mu Wanangana wenyi wa mwilu. Uhenya wenyi ukamoneke ku miaka yeswe! Chibwe kama Chenacho.

Titu 2:14

Hanalihana iye mwene hali yetu, hanga akatulamwine ku yibi yeswe ni kutupwisa akwa mbunge jibema, atu ja iye mwene wika, akwa tachi ha kulinga yitanga yibema.

Hebreu 11:21

Ku ufulielo tata Yakoba, muze te himafwa, yawahisa mwana mweswe wa Josefe, yashachila ha lukanda wenyi nikuwayila Zambi.

Yoshua 17:17

Yoshua yambila vungu lia Efraime ni vungu lia Manase lia ku chitokelo cha Yordau ngwenyi: “Chochene, nuli anji, nuli akwa tachi kuhiana. Kunwahashile kutwama mu Chihanda chimuwika.