Ubutukilo 48:14 - Mukanda Wa Zambi 1970

¹⁴ Alioze Israele yasepekenya moko jenyi, yasa kwoko lienyi lia utata ha mutwe wa Efraime, chibwe te kali kanuke, ni kwoko lia umama ha mutwe wa mukulwana Manase.

MUKANDA USANDU WA ZAMBI 1975

¹⁴ Izalele yazoza kwoko lienyi lia chindume, yalisa ha mutwe wa Eframe, mwe kanuke, kwoko lia chimeso ha mutwe wa Manase, nikusepekenya moko jenyi, mumu Manase mwe kapula-jimo.

Ubutukilo 48:14 Iomraidhean Croise

Ubutukilo 41:51

Josefe yamba ngwenyi: “Zambi hanguvulamisa lamba liami Heswe ni akwa jiko lia tata.” Kashika yaluka mwana mutangu ngwenyi, Manase.

Ubutukilo 41:52

Yamba nawa ngwenyi: “Zambi hangwaha ana mu chifuchi chino ngunakamwena lamba.” Mba yaluka mwanenyi wa muchaali jina ngwenyi, Efraime.

Ubutukilo 46:20

Ana a malunga waze asemene Josefe mu chifuchi cha Egiptu ni Asenate, mwana wa Potifera, hako wa Zambi wa ku limbo lia One, wano: Manase ni Efraime.

Ubutukilo 48:13

Josefe yakwata ana ku moko, yasa Efraime ku kwoko lia utata hanga abwe ku kwoko lia umama lia Israele. Mba yasa Manase ku kwoko lia umama hanga abwe ku kwoko lia utata lia Israele. Yaatwala kuli Israele.

Ubutukilo 48:17

Josefe yevwa kubihia ha kumona ngwenyi, tato hasa kwoko lia utata ha mutwe wa Efraime. Kashika yachiza kwoko lia tato ha mutwe wa Efraime, yalisa ha mutwe wa Manase.

Ubutukilo 48:18

Yamba ngwenyi: “Tata, hi chize ko. Mukulwana kali Manase. Sako kwoko lia utata ha mutwe wenyi.”

Miaso (Masamu) 110:1

Mwene Zambi yambila mwene wami ngwenyi: “Twama ku chindume chami ndoo mungukasa akwa kole je kushi lia molu je.”

Miaso (Masamu) 118:16

Hatukwasa kukumba mu jita, ni ndundo jenyi jahiana!”

Kutuhuka 15:6

“Mwene Zambi, kwoko lie lia chindume likwete ndundo kuhiana, hilionona akwa kole.

Kwalula 2:18

Musumba wa Efraime ni bendelo lio muukabwa ku sali lia chitokelo nikulita ni mbunga yo: Vungu Mwata wa jimo Kwoka cho Efraime Elishama mwana wa Amihude 40,500 Manase Gamaliele mwana wa Pedazure 32,200 Benjamine Abidane mwana wa Gideoni 35,400 Malunga eswe: 108,100 Mbunga ya tujita twa Efraime maakakaula mbunga ya muchaali.

Kwalula 8:10

Aisraele ase moko jo ha mitwe ya Alevi,

Kwalula 8:18

Hingunatayiza Alevi kusalakana ana malunga eswe atangu kusemuka ja Aisraele;

Mateu 16:18

Ni yami ngunakwambe ngwami: yena uli Petulu (liwe), ni ha luliwe luno mungukatunga Chikungulwila chami. Chibwe kufwa kuchichi kachikumba.

Mateu 19:13

Atu yaanehena Yesu ana hanga aase moko, aalembele. Alioze tumbaji yaakanjisa atu waze.

Mateu 19:15

Neye yaasa moko, mba yakatuka ko.

Mateu 6:5

“Muze munulemba Zambi, kanda nubwa ngwe yilembekese. Kaakuzanga kulemba nikumana mu mazuwo a kuwayila ni ha makano ja majila hanga atu eswe aamone. Chamwenemwene ngunanwambulwila ngwami, haanatambula kulu fweto yo.

Luka 13:13

Yamusa moko. Hazehene yoloka. Mba yabutuka kuchichimieka Zambi.

Luka 4:40

Muze tangwa hilianjila kulu eswe waze abwile ni mieji a misongo yeka ni yeka yaatwala kuli Yesu. Neye yasa moko hali mutu ni mutu, yaawuka eswe.

Yilinga 13:3

Muze te haalitwamina kulia ni haalemba, yaasa moko, yeecha akaye.

Yilinga 6:6

Mbunga yaatwala kuli tunganda. No yaalembela, yaasa moko.

Shimbi 34:9

Yoshua mwana wa Nune yabwa ni mana anji, mumu Mose hamushindakenya ha kubwa swana yenyi. Aisraele yoononokena Yoshua, yaafunga Shimbi ja Mwene Zambi jize aahele Mose.

1 Timoteu 4:14

Kanda ulelesa chawana cha mana chize uli nacho, chize watambwile muze akwa munanyi a Zambi ahanjikile ni muze makulwana akusele moko.

1 Timoteu 5:22

Kanda ulipupwisa kusa moko hali umwe mutu mu milimo ya Chikungulwila. Kanda ulichinga mu milonga ya mbala. Ulinange.