Ubutukilo 48:1 - Mukanda Wa Zambi 1970

¹ Muze amwe matangwa haabalika Josefe yevwa ngwo, tatenu kanayinji. Hohene yanda ana jenyi aali a malunga Manase ni Efraime, yaya ni kutala Yakoba.

MUKANDA USANDU WA ZAMBI 1975

¹ Mba kulutwe lia yino yuma umwe wambulwilile José ngwenyi, Tatenu kanayiji, mba iye yatwala anenyi aali a malunga Manase ni Eframe.

Ubutukilo 48:1 Iomraidhean Croise

Ubutukilo 46:20

Ana a malunga waze asemene Josefe mu chifuchi cha Egiptu ni Asenate, mwana wa Potifera, hako wa Zambi wa ku limbo lia One, wano: Manase ni Efraime.

Ubutukilo 48:2

Muze atu haalweza Yakoba ngwo, mwane Josefe heza ni kukutala, yalikoleleza, yatwama ha muhela.

Ubutukilo 48:5

“Efraime ni Manase, ana waze aali waasemenene muno mu Egiptu muze te kanda nguchiza, no kaali ana jami, ngwe chize ali Rubene ni Simeone.

Ubutukilo 50:23

Yamona ana ja Efraime ni ajikulu jenyi. Yamona nawa ana ja Makire, mwana wa Manase, yaatambula ha kubwa ana jenyi.

1 MIANANGANA 13:14

Mukwa munanyi Elisha yayiza musongo wa kufwa. Muze te anabombo, mwanangana Jehoashe wa Israele yaya ni kumumeneka. Yalila ngwenyi: “Mama tate, mama tate! Chitunda cha Aisraele!”

1 MIANANGANA 13:20

Elisha yafwa, yaamufunda. Amoabe te kaakunjila mu Israele mwaka ha mwaka ni kwasa jita.

Jobe 42:16

Jobe yatwama nawa miaka 140, yamona ajikulu jenyi ni tukwata mbuli twenyi.

Miaso (Masamu) 128:6

Ukamone kama ajikulu je! Mwene Zambi ahwimise kama Aisraele!

Yoano 11:3

Mandumbu waze aali yaatuma mutu ni kwambulwila Yesu ngwo: “Mwene, sepa lie kanayiji.”

Hebreu 11:21

Ku ufulielo tata Yakoba, muze te himafwa, yawahisa mwana mweswe wa Josefe, yashachila ha lukanda wenyi nikuwayila Zambi.