Ubutukilo 47:9 - Mukanda Wa Zambi 1970

⁹ Yakoba ngwenyi: “Miaka ya kwendangana chami yili kulakaji ni makumi atatu. Miaka ya tata ni akaka te yinji alioze ya yami yili yikepe ni ya lamba.”

MUKANDA USANDU WA ZAMBI 1975

⁹ Yakomba yamba ngwenyi, Matangwa a miaka ya unjize wami kulakaji lia miaka ni makumi atatu a miaka. Miaka ya mwono wami yapwa yikepe, yipi tuhu. Kuyahetele ku miaka ya mwono wa atata mu matangwa a unjize wo.

Ubutukilo 47:9 Iomraidhean Croise

Ubutukilo 11:11

Sheme yatwama miaka yikwo 500, yasema nawa ana akwo malunga ni mapwo.

Ubutukilo 35:28

Isake yatwama ni mwono miaka kulakaji ni makumi nake,

Ubutukilo 47:28

Yakoba yatwama mu Egiptu miaka kumi ni shimbiali, ndoo ni muze abwile ni miaka kulakaji ni makumi awana ni shimbiali.

Ubutukilo 47:8

Mwe mwanangana yamuhula ngwenyi: “Uli ni miaka yingahi?”

Ubutukilo 5:27

Mba muze habwa ni miaka 969, yafwa kwenyi.

Ubutukilo 50:26

Mba Josefe yafwa kwenyi, te habwa ni miaka kulakaji ni kumi. Yaamukwita yitumbo kuzekwene ku Egiptu kuchina mabola, mba yaamusa mu mushete.

1 Sango Ja Mianangana 29:15

Aa Mwene Zambi, yena Unanyingika, yetu tuli yilambala ni ngeji, ngwe chize abwile nawa tushakulu twetu. Matangwa jetu kakubalika ngwe chizulie, kutuchi kuhasa kuchina kufwa.

Jobe 14:1

Mutu kali wa matangwa akepe; kakumona lamba linji.

Miaso (Masamu) 119:19

Nguli ngeji hano hashi, kanda unguswekela kama Shimbi je!

Miaso (Masamu) 119:54

Mu ungeji wami hano hashi, nakutomba miaso hakutwala ku Shimbi je.

Miaso (Masamu) 39:12

Mwene Zambi, banjika kuliumba chami, wivwe kama kuteta chami; ngukwase muze ngunalili. Nguli lume ngeji hano hashi ha matangwa akepe ngwe tushakulu twami eswe.

Miaso (Masamu) 39:13

Ngweche nguchiwahilile kama, shimbu kanda nguchifwa.

Miaso (Masamu) 39:5

Yena hiwaupwisa wa Chipinji! Mwono wami ku meso je uli ngwe Chuma chamokomoko. Chamwenemwene mwono wa mutu uli ngwe fuji,

Kutuhuka 6:4

Nawa, yingukolesa no Usendo, yingwalakenya chifuchi cha Kanana, chifuchi chize atwamine ngwe njize.

Kutuhuka 7:7

Muze ahanjekele ni mwanangana, Mose te habwa ni miaka 80, Arane 83.

2 Korintu 5:6

Kashika twakutakama kuhiana matangwa eswe. Tunanyingika ngwetu, shimbu heswe lize twakutwama mu mujimba uno ngwe mu zuwo lietu, zuwo ha Mwene Yesu lili kusuku ni yetu,

Shimbi 34:7

Mose, muze afwile, te habwa ni miaka kulakaji ni makumi aali. Yabwa mukwa tachi kuhiana, kahongele ko ku meso.

Hebreu 13:14

Mumu kutushi limbo lia kulinduluka hano hashi, alioze twakufupa limbo lize muliza ho.

Tiangu (Jake) 4:14

Alioze kunwanyingikine chize mwono wenu muukabwa hamene! Nuli ngwe mbundu yize muyisoloka ha shimbu likepe, mba muyitanduluka.

Yoshua 24:29

Muze halinga yino yeswe, Yoshua mwana wa Nune, kavumbi ka Mwene Zambi, te habwa ni miaka 110, mba yafwa.

1 Petulu 2:11

Akwetu ngunaliumbu kuli yenu, ngeji ni njize hano hashi, ngwami, lifungenu ku usolo ubi wa uutu, uze wakwasa jita ni mbunge.