Ubutukilo 47:4 - Mukanda Wa Zambi 1970

⁴ Kutwejile kuno chamokomoko. Ku Kanana zala yinji yiliko ni yakulia yakuhi hakulisa yimuna yetu. Twalemba mwanangana, tutayizenu tutwame kwetu mu Goshene.”

MUKANDA USANDU WA ZAMBI 1975

⁴ O yamba nawa kuli Falau ngwo, Hitweza mukutwama njize mu chifuchi, mumu kelo jakuhi ja yimuna jetu se kapunga mukalu mu chifuchi cha Kanana. Kashika tunasakwila, nututayize yetu ngamba jenu tutwame mu chifuchi cha Ngoshone.

Ubutukilo 47:4 Iomraidhean Croise

Ubutukilo 12:10

Mu chifuchi cha Kanana mwabwile zala yinji. Kashika Abrama yaya ku sude ndoo ku chifuchi cha Egiptu, akatwame ko.

Ubutukilo 15:13

Mba Mwene Zambi yamwamba ngwenyi: “Nyingika ngwe, vungu lie maakabwa njize mu chifuchi cha mbala, maakabwa ndungo. E atu jako maakaamwesa lamba miaka 400.

Ubutukilo 43:1

Mu chifuchi cha Kanana zala yiyibwa yinji kuhiana.

Ubutukilo 45:10

Munutwama mu chifuchi cha Goshene mu Egiptu, hakamwihi ni yami, yenu ni ana jenu ni ajikulu jenu ni mapanga, ni pembe, ni ngombe, ni yeswe yize nuli nayo.

Ubutukilo 46:34

Chanutamba kwamba ngwenu: ‘Mwanangana, chize ku ukweze wetu milimo yetu kufunga yimuna, ngwe chize te akulinga akaka.’ Nyi nwamba Chenacho mba munubwa nikutwama mu Goshene.” Chino Josefe yachamba mumu akwa Egiptu te keeshi kuzanga tufunga twa yimuna.

Ubutukilo 47:5

Mwanangana yambila Josefe ngwenyi: “Muze tatenu ni ayayenu heeza kulu kuli yena, chifuchi cha Egiptu cheswe chili nicho. Atwame kwo homa habema mu Goshene. Chikwo, nyi wamona ngwe kuli nawa amwe akwa tachi, waalweza hanga akangufungile yimuna ya yami mwene.”

Miaso (Masamu) 105:23

Mba Yakoba yaya ku chifuchi cha Egiptu, yatunga ko.

Izaya 52:4

Muze nwayile ni kutunga mu chifuchi cha ungeji mu Egiptu, nwayile mu zango lia yenwene. Alioze Aasuria yaanutwala ni tachi ku chifuchi cho, kaafwetele ko Chuma nichimwe.

Yilinga 7:11

Mba yimubwa zala mu chifuchi cheswe cha Egiptu ni cha Kanana, luyinda munji. Tushakulu twetu kaawanyine ko yakulia niyimwe.

Yilinga 7:6

Zambi yamwamba ngwenyi: ‘Vungu lie maakabwa mu chifuchi cha ungeji. Kwenako maakabichiwa ni kwamwesa lamba miaka kulakaji jiwana.

Shimbi 26:5

Mba kwe ku meso ja Mwene Zambi muhanjika maliji wano ngwe: ‘Kashakulu kami kabwile Kaaramea, mukwa kwendangana ni chilambala, yatwala akwa jiko lienyi ha kutwama mu chifuchi cha Egiptu. Muze ayile ko te achili mbunga yikepe, alioze yiwookesa kuhiana ni yiwaapwisa vungu lia tachi.