Ubutukilo 47:31 - Mukanda Wa Zambi 1970

³¹ Israele ngwenyi: “Lishinge ngwe: ‘Munguchilinga.’ ” Josefe yalishinga Zambi, mba Israele yahetamina ha muhela wenyi nikuwayila Zambi.

MUKANDA USANDU WA ZAMBI 1975

³¹ Yamba ngwenyi, Ulishinge. Mba iye yalishinga. Mba Izalele yalihetamisa ha muhela.

Ubutukilo 47:31 Iomraidhean Croise

Ubutukilo 21:23

Kashika haliabwila, lishinge ku meso ja Zambi ngwe, kuuchi kungwonga yami, chibwe ana jami, chibwe ajikulu jami. Nguli sepa lie, kashika lishinge ngwe, yena muubwa sepa liami ni lia waze ali mu chifuchi chino watwama.”

Ubutukilo 21:24

Abrahama yatayiza.

Ubutukilo 24:2

Abrahama yatambika kavumbi kenyi, mwe mukulwana te wakutala yikumba yenyi yeswe. Yamwamba ngwenyi: “Sako kwoko lie mu molu jami ulishinge ku meso ja Zambi.

Ubutukilo 24:26

Mwe lunga yahetama, yawayila Mwene Zambi

Ubutukilo 24:3

Ngunazange ulishinge ku meso ja Mwene Zambi ya lilu ni hashi ngwe, kuuchi kambachila mwanami pwo wa kuli Akanana wano natwama no.

Ubutukilo 31:53

Zambi ya Abrahama ni Zambi ya Nahore matubatwila.” Mba Yakoba yalishinga ni jina lia Zambi yoze akuwayila tato Isake.

Ubutukilo 47:29

Muze Israele hamona ngwenyi, nguli hakamwihi ni kufwa, yatambika mwanenyi Josefe, yamwamba ngwenyi: “Mwanami, sako kwoko lie mu molu jami, ulishinge ngwe, kuuchi kangufunda muno mu chifuchi cha Egiptu.

Ubutukilo 50:25

Mba Josefe yashingisa ana ja Israele ngwenyi: “Lishingenu ngwenu, muze Zambi makanutwala mu chifuchi chize, munukambata mujimba wami nikuya nawo.”

Ubutukilo 50:5

muze te tata himamba kufwa namulakenyene ngwami: ‘Nyi wafwa, mungukakufunda mu fuka lize wafulile yena mwene mu chifuchi cha Kanana. Kashika ngwehe jila nguye ngukafunde tata, mba mungukahiluka.’ ”

1 Yitanga Ya Mianangana 1:47

Chikwo nawa, akwa lutwe haaya ni kuchichimieka mwanangana David, ngwo: ‘Zambi yenu afumanyise jina lia mwanangana Solomone, lihiane lia yenu, ayukise wanangana wenyi, uhiane wa yenu.’ Mba mwanangana yahetamina ha muhela ni kuwayila,

Hebreu 11:21

Ku ufulielo tata Yakoba, muze te himafwa, yawahisa mwana mweswe wa Josefe, yashachila ha lukanda wenyi nikuwayila Zambi.