Ubutukilo 47:29 - Mukanda Wa Zambi 1970

²⁹ Muze Israele hamona ngwenyi, nguli hakamwihi ni kufwa, yatambika mwanenyi Josefe, yamwamba ngwenyi: “Mwanami, sako kwoko lie mu molu jami, ulishinge ngwe, kuuchi kangufunda muno mu chifuchi cha Egiptu.

MUKANDA USANDU WA ZAMBI 1975

²⁹ Mba miaka hiyaheta ya kufwa cha Izalele. Yasanyika mwanenyi José, yamba kuli iye ngwenyi, Nyi hinawana vumbi kumeso je sako kama kwoko lie kushi lia shina lia kulu liami ulilakenye kulinga kuli yami ni utu ni umwenemwene; ngunalembe, kanda ungufunda mu Engitu.

Ubutukilo 47:29 Iomraidhean Croise

Ubutukilo 24:2

Abrahama yatambika kavumbi kenyi, mwe mukulwana te wakutala yikumba yenyi yeswe. Yamwamba ngwenyi: “Sako kwoko lie mu molu jami ulishinge ku meso ja Zambi.

Ubutukilo 24:49

Haliabwila, nyi hinwatayiza ni mbunge yibema maliji ja mwata, ngulwezenu. Nyi ka, mba hanga ngunyingike chize mungulinga.”

Ubutukilo 27:2

Isake ngwenyi: “Unamono, hinabwa kulu kashinakaji, ni Chanyingikine tangwa lize mungufwa.

Ubutukilo 3:19

Matukuta anji muukasapangana, muukahondangana ha kulima hashi ndoo muukahiluka ku mavu kuze nakuchijile. Ku mavu wakatukile kwenako muukahiluka nawa.”

Ubutukilo 47:9

Yakoba ngwenyi: “Miaka ya kwendangana chami yili kulakaji ni makumi atatu. Miaka ya tata ni akaka te yinji alioze ya yami yili yikepe ni ya lamba.”

Ubutukilo 48:21

Mba Israele yambila Josefe ngwenyi: “Tala, himungufwa kwami, alioze Zambi makabwa hamwe ni yena, makakuhilwisa ku chifuchi cha atatenu.

Ubutukilo 50:12

Ana ja Yakoba yaalinga ngwe chize ashikile tato.

Ubutukilo 50:5

muze te tata himamba kufwa namulakenyene ngwami: ‘Nyi wafwa, mungukakufunda mu fuka lize wafulile yena mwene mu chifuchi cha Kanana. Kashika ngwehe jila nguye ngukafunde tata, mba mungukahiluka.’ ”

2 Samuel 14:14

Yetu eswe mwane kumutufwa kwetu. Tuli ngwe meya waze haamwanganyina hashi, mutu keshi kuhasa kwaswita nawa. Chibwe Zambi keshi kuhasa kuhilwisa afu ku mwono wa hano hashi. Alioze mwanangana mahasa kuhilwisa mutu yoze ahumine.

2 Samuel 2:32

Mwata Joabe ni tujita twenyi yaanda Asahele, yaamufunda hehi ni fuka lia tato ku Betleheme. Mba yeenda ufuku weswe, ha kuvumbuka cha tangwa yaaheta ku Hebrone.

2 Samuel 7:12

Muze hiwafwa, hiwaya kuli tushakulu twe, umwe wa kuli ana je mungukamupwisa mwanangana, mungukakolesa wanangana wenyi.

1 Yitanga Ya Mianangana 2:1

Muze David himamba kufwa, yashika mwanenyi Solomone ngwenyi:

Jobe 14:14

Alioze nyi mutu mafwa, kumahinduka nawa, nyi? Ha matangwa jami eswe a kuhondangana chami mungukasa ko mbunge ndoo ku kutusuka chami.

Jobe 30:23

Ngunanyingika ngwami, unangutwala ku kufwa, kuze akuya atu eswe.

Jobe 7:1

Milimo ya mutu hano hashi hi yikalu ko, nyi? Hi ngwe mukwa milimo ko yoze unahondangana kuhiana, nyi?

Miaso (Masamu) 49:7

Mutu kahashile kulipulwila iye mwene; keshi ni ubite wa kulanda mwono wenyi kuli Zambi,

Miaso (Masamu) 49:9

ha kuchina kufwa, akatwame ni mwono ndoo ku miaka yeswe.

Miaso (Masamu) 6:5

Muma lia afu atu keeshi kukwiwuluka nawa. Iya makuchichimieka mo nawa?

Miaso (Masamu) 89:48

Iya kechi kafwa? Ngwe kuchi mutu mahasa kuchina kufwa?

Shimbi 31:14

Mba Mwene Zambi yambila Mose ngwenyi: “Matangwa a kufwa che haakunduma. Tambika Yoshua uye nenyi ku zuwo lia Zambi, hanga nguhase kumulongesa.” Mose ni Yoshua yaaya ku zuwo lia Zambi.

Shimbi 31:16

Mwene Zambi yambila Mose ngwenyi: “Kwasala hakepe ufwe. Muze hiwafwa atu wano kumaakashiha Usendo uze nakolesele no. Kumaakangwehuka ni kuwayila mazambi ja mavungu a mu chifuchi chize anambe kunjila.

Hebreu 11:22

Ku ufulielo Josefe, muze te himafwa, yahanjika hakutwala ku kutuhuka cha Aisraele mu chifuchi cha Egiptu, yaalweza chize chaatamba kulinga ni yifwaha yenyi.

Hebreu 9:27

Mutu mweswe chamutamba kufwa chisuho chimuwika, mba Zambi makamubatwila.

Yoshua 2:14

Malunga yaamukumbulula ngwo: “Nyi kuuchi kulweza mutu niumwe chize tunambe kulinga, tunakulakenya ngwetu, muze Mwene Zambi makatwaha chifuchi chino, mutukakulinga yibema. Zambi akatushinge nyi kutwalingile chize hitwamba!”

Yoshua 23:14

“Haliabwila ngunayi mu jila yize akuya akwa hashi eswe. Yenu eswe nunanyingika mu mbunge jenu chize Mwene Zambi, Zambi yenu, hananwehe yuma yeswe yibema yize anulakenyene. Yilakenyo yeswe hanayimanununa; nichimwe kuchahonene.

1 Samuel 26:10

David ngwenyi: “Ni mwe Mwene Zambi, iye mwene mamushiha, hanji ni yikola hanji ku jita.”