Ubutukilo 47:27 - Mukanda Wa Zambi 1970

²⁷ Aisraele yaatwama mu chifuchi cha Goshene mu Egiptu, yaabita kuhiana ni yaasema ana anji.

MUKANDA USANDU WA ZAMBI 1975

²⁷ Mba A-Izalele atwamine mu Engitu mu chifuchi cha Ngoshone. Apichilemo upite wunji, asemene chikolo, okelele kuhiana.

Ubutukilo 47:27 Iomraidhean Croise

Ubutukilo 13:16

Mungukokesa vungu lie ngwe masekeseke. Nyi atu maahasa kwalula masekeseke, ni vungu lie nawa kumaahasa kwaalula.

Ubutukilo 17:6

Mungukakwaha mavungu anji, amwe maakabwa mavungu anene. Mukachi ko akwo maakabwa mianangana.

Ubutukilo 26:4

Mungukakupwisa vungu linene, ngwe matongonoshi a mwilu. Mungukaaha chifuchi chino cheswe. Ku vungu lie mungukawahisa mavungu akwo eswe,

Ubutukilo 28:14

Vungu lie maakabwa anji ngwe mavu. Maakalitanda ku chivumbuko ni ku chitokelo, ku norde ni ku sude. Mungukawahisa akwa hashi eswe mumu hali yena ni vungu lie.

Ubutukilo 34:10

Mba munutwama ni yetu heswe haze nunazange. Chifuchi cheswe muchibwa nichenu. Twamenu mo ni kulanda ni kulanjishila mo, nukabichile mo.”

Ubutukilo 35:11

Zambi yamwamba nawa ngwenyi: “Yami nguli Mwene Zambi Mukwa Ndundo Jeswe. Usema ana anji. Vungu lie maakabwa anji, akwo maakabwa mianangana anene. Vungu lie mulikoka, maakabwa mavungu anene.

Ubutukilo 46:3

Zambi ngwenyi: “Yami nguli Zambi, Zambi ya tatenu. Kanda wivwa woma ha kuya ku chifuchi cha Egiptu. Kwenako mungukakupwishila vungu linene.

Ubutukilo 47:11

Hohene Josefe yatungisa tato ni ayayo ku Ramesese, chifuchi chibema kuhiana cha mu Egiptu, ngwe chize ambile mwanangana.

Ubutukilo 8:7

yatuhwisa chikwakwalo, neye yendangana mu tetela ndoo ni muze meya omine hashi.

Ubutukilo 8:9

Alioze ndoo ni tangwa lize meya te achili hashi heswe. Kashika katele kamwene homa haze mabwila, yahiluka. Noa yolola kwoko yamukwata, yamunjisa mu ulungu.

Nehemia 9:23

Yiwaaha ana anji ngwe matongonoshi a mwilu, yiwaatayiza kukumba chifuchi ni kutwama mo, chize walakenyene tushakulu two akachihinge.

Miaso (Masamu) 105:24

Mwene Zambi yahana ana anji kuli atu jenyi, yaatakamisa kuhiana akwa kole jo.

Miaso (Masamu) 107:38

Yaawahisa, yaapwisa anji kuhiana; yimuna yo kuyakehele ko.

Kutuhuka 1:12

Alioze chibwe aamwesene lamba ngwe lize, hindu Aisraele yooka kuhiana, yaalitanda mu chifuchi cheswe. Kashika akwa Egiptu yeevwila woma.

Kutuhuka 1:7

Alioze Aisraele yasema ana anji, yooka kuhiana, te akwa ndundo nawa. Chifuchi cheswe yichizala ni ayo.

Zakaria 10:8

“Mungukatambika atu jami ni kwakunga hamuwika. Mungukaalamwina, mungukookesa ngwe chize abwile hatangu.

Yilinga 7:17

“Alioze, muze mwaka wa chilakenyo cha Zambi kuli Abrahama hiwabwa hakamwihi, atu jetu te hooka kuhiana mu Egiptu.

Shimbi 10:22

Muze tushakulu twenu ayile ku Egiptu, te makumi shimbiali wika. Alioze haliabwila Mwene Zambi, Zambi yenu, hanwokesa kuhiana ngwe matongonoshi a mwilu.”

Shimbi 26:5

Mba kwe ku meso ja Mwene Zambi muhanjika maliji wano ngwe: ‘Kashakulu kami kabwile Kaaramea, mukwa kwendangana ni chilambala, yatwala akwa jiko lienyi ha kutwama mu chifuchi cha Egiptu. Muze ayile ko te achili mbunga yikepe, alioze yiwookesa kuhiana ni yiwaapwisa vungu lia tachi.