Ubutukilo 47:24 - Mukanda Wa Zambi 1970

²⁴ Muze munukahela mbuto mu minda, Chihanda chimuwika cha ku yihanda yitano chanutamba kuchilambula kuli mwanangana. Yize muyikasala, yikwo munukatumba mu minda yenu, yikwo munukalia hamwe ni ana jenu.”

MUKANDA USANDU WA ZAMBI 1975

²⁴ Mba muchipwa ha mwaka wa kucha chihanda chimuwika munuhana kuli Falau, yihanda yikwo yiwana muyipwa ya yenu, mbuto ya kulima, ni ya kulia yenu ni akwa mazuwo jenu ni ana jenu.

Ubutukilo 47:24 Iomraidhean Croise

Ubutukilo 14:20

Zambi Mwilu Mwahiana, yoze wakukwashile kukumba akwa kole je, afumane.” Mba Abrama yamwaha Chihanda chimuwika cha ku yihanda kumi ya yuma yeswe yize atambwile mu jita.

Ubutukilo 14:21

Mba mwanangana wa limbo lia Sodome yambila Abrama ngwenyi: “Yuma yeswe yize hiwatambula mu jita mbata kwe, alioze nguhilwishile atu jami.”

Ubutukilo 28:22

Liwe lino namika ngwe chingina, mulikabwa zuwo lia Zambi. Ku yuma yeswe yize mangwaha, mungukahilwisa Chihanda chimuwika cha ku yihanda kumi.”

Ubutukilo 41:34

Tongolenu nawa akwa kuyula akwo waze maahasa kutambula Chihanda chimuwika cha ku yihanda yitano mu miaka yize shimbiali ya yakulia yinji.

Ubutukilo 47:23

Josefe yambila atu ngwenyi: “Nwamona, haliabwila hinanulanda ni ye minda yenu, hinwabwa a mbala a mwanangana. Tambulenu mbuto ya kutumba.

Ubutukilo 47:25

Ayo ngwo: “Vulie mwanangana! Nwatulamwina, nwatulinga yibema. Kuheshi Chuma, mutubwa kwetu ndungo ja mwanangana.”

Miaso (Masamu) 112:5

Kawaha yoze wakusondamisa akwo, yoze wakulinga milimo ni ululi.

Miaso (Masamu) 41:1

Kawaha yoze wakukwasa yiswale, Mwene Zambi mamukwasa muze iye mwene mamona lamba.

Alevi 27:30

Chihanda cha muchikumi cha mihuko yeswe ya mu munda, chibwe mbuto, chili cha mbala cha Mwene Zambi.

Alevi 27:32

Chimuna chimuwika cha ku yimuna kumi chili cha mbala cha Mwene Zambi. Nyi yimuna haayalula, cha muchikumi cheswe cha mbala cha Mwene Zambi.

Kwalula 18:21

Mwene Zambi ngwenyi: “Hingunahana kuli Alevi Chihanda chimuwika cha ku yihanda kumi chize Aisraele maangulambwola. Yino yili fweto ya milimo yo yize akulinga mu zuwo liami lia makubu.

Shimbi 14:22

“Mwaka ha mwaka chatamba kulisela Chihanda cha kumi cha ku mbuto yenu yize muyima mu minda yenu.

Shimbi 26:12

“Ha mwaka weswe wa muchitatu lambulenu chakumi cha ku mbuto yenu kuli Alevi, ni yilambala, ni shiwa, ni mapwo waze haanafwisa malunga, hanga mu Chikungulwila cheswe maakabwa ni yakulia yinji. Muze hiwalinga chino,