Ubutukilo 47:12 - Mukanda Wa Zambi 1970

¹² Josefe yamwaha tato yakulia hamwe ni ayayo ni akwa jiko lia tato, nikulita ni ana jo.

MUKANDA USANDU WA ZAMBI 1975

¹² José wahokele tato, ni ayayo, ni akwa zuwo lia tato eswe. Yaaha kulia nikulita ni majiko jo.

Ubutukilo 47:12 Iomraidhean Croise

Ubutukilo 45:10

Munutwama mu chifuchi cha Goshene mu Egiptu, hakamwihi ni yami, yenu ni ana jenu ni ajikulu jenu ni mapanga, ni pembe, ni ngombe, ni yeswe yize nuli nayo.

Ubutukilo 45:11

Nyi nwabwa mu Goshene, mba munguhasa kunwaha yakulia. Kwasala nawa miaka yikwo yitano ya zala yinji, kashika Chazangile ngwami, yenu ni akwa zuwo lienu ni yimuna yenu yeswe, nufwe ni zala.’ ”

Ubutukilo 45:7

Zambi wangutetekesele kuno ha kunulamwina mu yuma yino ya kulishimwoka, hanga yenu ni vungu lienu nukabwe ni mwono.

Ubutukilo 47:1

Mba Josefe yaya ni ayayo atano maha mwanangana, ngwenyi: “Vulie mwanangana! Tata ni ayaya haakatuka ku chifuchi cha Kanana, heeza ni yimuna yo ni yuma yo yeswe. Haatulila mu chifuchi cha Goshene.” Mba yaasolola kuli mwanangana.

Ubutukilo 47:21

Akwa Egiptu eswe Josefe yaapwisa ndungo.

Ubutukilo 47:24

Muze munukahela mbuto mu minda, Chihanda chimuwika cha ku yihanda yitano chanutamba kuchilambula kuli mwanangana. Yize muyikasala, yikwo munukatumba mu minda yenu, yikwo munukalia hamwe ni ana jenu.”

Ubutukilo 50:21

Alioze kanda nwivwa tuhu woma. Mungunufunga kanawa hamwe ni ana jenu.” Chenacho aalembejekele mba mbunge jo yijihwima.

Kutuhuka 20:12

“Lemesa tatenu ni noko, hanga Ukatwame matangwa anji mu chifuchi chize yami Mwene Zambi ngunakwehe.

Izaya 22:24

“Alioze usoko wenyi eswe, ni eswe waze akushachila hali iye, maakamubikalisa kuhiana. Maakamuzezeleka misenge ni milondo ngwe yinazezala ku lumbambo!

1 Tesalonika 2:7

muze te hitwahasa kubwa ni ulemu ngwe tunganda twa Kristu. Alioze muze twabwile ku mahienu, yitulinga ni mbunge ya uhomboloji ngwe mama yoze unalele ana jenyi kanawa.

1 Timoteu 4:8

Ku kolesa cha mujimba chakukwasa ha yuma yikepe. Alioze kulikolesa ha yuma ya uzambi chinahiana yuma yeswe. Mumu kuyakutwaha chilakenyo cha mwono wa haliabwila ni cha uze muwiza ho.

1 Timoteu 5:4

Alioze nyi umwe twamishi kali ni ana hanji ajikulu, e ana hanji ajikulu chaatamba kulilongesa kukwasa jiko lio. Ngwe chino akwase yisemi jo ni akako ngwe chinalite, mumu chino chakubema kuli Zambi.

1 Timoteu 5:8

Nyi umwe keshi kukwasa atu jenyi mwene, chibichibi waze a ku jiko lienyi, mutu yoze hanatokesa ufulielo wenyi, kali mubi kuhiana yoze keshi kufuliela.

Rute 4:15

Tembwa mwane kanakuzange kuhiana ana a malunga shimbiali. Haliabwila hakwaha mujikulu wa lunga, yoze makakwaha mwono Waha, ni kukuhoka mu ushinakaji we.”