Ubutukilo 47:11 - Mukanda Wa Zambi 1970

¹¹ Hohene Josefe yatungisa tato ni ayayo ku Ramesese, chifuchi chibema kuhiana cha mu Egiptu, ngwe chize ambile mwanangana.

MUKANDA USANDU WA ZAMBI 1975

¹¹ Mba José yatungisa tato ni ayayo. Yaaha chifuchi mu Engitu, mu chihanda chipema cha chifuchi mu Ramese nikulita ni shimbi ya Falau.

Ubutukilo 47:11 Iomraidhean Croise

Ubutukilo 46:34

Chanutamba kwamba ngwenu: ‘Mwanangana, chize ku ukweze wetu milimo yetu kufunga yimuna, ngwe chize te akulinga akaka.’ Nyi nwamba Chenacho mba munubwa nikutwama mu Goshene.” Chino Josefe yachamba mumu akwa Egiptu te keeshi kuzanga tufunga twa yimuna.

Ubutukilo 47:27

Aisraele yaatwama mu chifuchi cha Goshene mu Egiptu, yaabita kuhiana ni yaasema ana anji.

Kutuhuka 1:11

Mba akwa Egiptu yaasela akwa lutwe ha kwabinjisa ni milimo yikalu. Chenacho Aisraele atungilile mwanangana membo Pitome ni Ramesese, ha kuswekela mo yakulia.

Kutuhuka 12:37

Aisraele yaakatuka ku limbo lia Ramasese, yaabwila mu jila ya kuya ku limbo lia Sukote Kwoka cho 600,000 a malunga, kuweza ho mapwo ni ana.

Izaya 22:24

“Alioze usoko wenyi eswe, ni eswe waze akushachila hali iye, maakamubikalisa kuhiana. Maakamuzezeleka misenge ni milondo ngwe yinazezala ku lumbambo!

Kwalula 33:3

Aisraele yaatuhuka mu Egiptu ha tangwa kumi ni lia muchitano ha kakweji mutangu wa mwaka, ha tangwa lize liakawile chiwanyino chitangu cha Kubalika. Ku ndundo ja Mwene Zambi yaatuhuka mu limbo lia Ramesese ku meso ja akwa Egiptu,

Yoano 10:10

Mwiji kakwiza shina lume ha kwiya, ni kushiha, ni kwonona. Yami nejile hanga atu abwe ni mwono; mwono wakulumbama.

Yoano 10:28

Nakwapwisa ni mwono wa miaka yeswe. Keechi kafwa nichimwe ndoo ku miaka yeswe. Mutu niumwe kechi kaachangumuna ku kwoko liami.

Yoano 14:2

Mu zuwo lia Tata muyili yibatulo yinji. Ngunayi mu kunululikila muhela. Chahashile kunwambulwila cho, nyi hi chamwenemwene ko.

Yoano 14:23

Yesu ngwenyi: “Yoze wakunguzanga, mononokena longeso liami. Tata mamuzanga, mba Tata ni yami mutukeza ni kutwama muli iye.

Yoano 17:2

Mumu hiunamwehe chiyulo hali atu eswe, hanga ahane mwono wa miaka yeswe kuli eswe waze wamuhele.

Yoano 17:24

“Tata hiunangwehe o. Ngunazange ayo akabwe hamwe ni yami kuze yami mungukabwa, hanga akamone uhenya wami, uhenya uze wanguhele. Mumu wanguzangile shimbu te hashi kanda habwa.