Ubutukilo 46:7 - Mukanda Wa Zambi 1970

⁷ ni ana jenyi a malunga ni a mapwo, ni ajikulu jenyi a malunga ni a mapwo.

MUKANDA USANDU WA ZAMBI 1975

⁷ ni anenyi a malunga, ni ana jo a malunga; ni anenyi a mapwo, ni ana a mapwo aze asemene kuli anenyi a malunga, munyachi wenyi weswe ejile no ku Engitu.

Ubutukilo 46:7 Iomraidhean Croise

Ubutukilo 34:7

Tangwa lizeliene ana ja Yakoba yaahiluka ku chihunda. Ha kwivwa sango jize, yeevwa ufwatulo kuhiana, yaamba ngwo: “Shekeme kalinga Chuma cha sonyi kuhiana. Hatuka Aisraele eswe mumu halimona ni ndumbwetu ni tachi.”

Ubutukilo 46:6

Yaanda yimuna yo yeswe ni yuma yo yize abichile mu Kanana, yaaya ku Egiptu. Yakoba yanda akwa zuwo lienyi eswe,

Ubutukilo 46:8

Wano e majina ja atu ja Yakoba waze ayile hamwe nenyi ku Egiptu. Mwanenyi mutangu Rubene hamwe ni ana jenyi a malunga: Hanoke, ni Palu, ni Hezrone, ni Karmi.

Miaso (Masamu) 105:23

Mba Yakoba yaya ku chifuchi cha Egiptu, yatunga ko.

Izaya 52:4

Muze nwayile ni kutunga mu chifuchi cha ungeji mu Egiptu, nwayile mu zango lia yenwene. Alioze Aasuria yaanutwala ni tachi ku chifuchi cho, kaafwetele ko Chuma nichimwe.

Kwalula 20:15

ngwe chize tushakulu twetu ayile ku Egiptu, kuze twatwamine miaka yinji. Akwa Egiptu yaahungumiona tushakulu twetu hamwe ni yetu.

Shimbi 23:7

“Kanda nulelesa akwa Edome, mumu kaali usoko wenu. Kanda nulelesa akwa Egiptu, mumu nwabwile yilambala mu chifuchi cho.

Shimbi 26:5

Mba kwe ku meso ja Mwene Zambi muhanjika maliji wano ngwe: ‘Kashakulu kami kabwile Kaaramea, mukwa kwendangana ni chilambala, yatwala akwa jiko lienyi ha kutwama mu chifuchi cha Egiptu. Muze ayile ko te achili mbunga yikepe, alioze yiwookesa kuhiana ni yiwaapwisa vungu lia tachi.

Yoshua 24:4

ni kuli Isake yingumwaha Yakoba ni Esau. Esau yingumwaha chifuchi cha milundu cha Edome kubwa chihinga chenyi. Alioze kashakulu kenu Yakoba ni ana jenyi yaapalumuka mu chifuchi cha Egiptu.