Ubutukilo 46:34 - Mukanda Wa Zambi 1970

³⁴ Chanutamba kwamba ngwenu: ‘Mwanangana, chize ku ukweze wetu milimo yetu kufunga yimuna, ngwe chize te akulinga akaka.’ Nyi nwamba Chenacho mba munubwa nikutwama mu Goshene.” Chino Josefe yachamba mumu akwa Egiptu te keeshi kuzanga tufunga twa yimuna.

MUKANDA USANDU WA ZAMBI 1975

³⁴ Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.

Ubutukilo 46:34 Iomraidhean Croise

Ubutukilo 13:7

Tufunga twa yimuna twa Abrama ni Lote te kaakuzwela chinji. (Ha matangwa waze akwa Kanana ni akwa Perize te achili mu chifuchi chize).

Ubutukilo 13:8

Mba Abrama yambila Lote ngwenyi: “Yami nguli tatenu, yena uli mwanami. Kuchatambile yetu hanji tufunga twa yimuna yetu kuzwela.

Ubutukilo 26:20

Tufunga twa Gerare yaazwelesa tufunga twa Isake ngwo: “Shima lino ni lietu.” Kashika Isake yaluka shima lize ngwenyi; Kuzwela, mumu amuzwelesele.

Ubutukilo 30:35

Alioze tangwa lioliene Labane yaya ni kusakula pembe a yibeka yibeka ni a yihesa yihesa, yachiza nawa mapanga eswe alaa, yaakunjika ku moko ja ana jenyi a malunga ha kwafunga.

Ubutukilo 34:5

Yakoba yevwa chize halumbula mwanenyi, alioze kalingile nichimwe mumu te anenyi a malunga haaya mu yambu ni ngombe. Yaashimbwila ndoo ku kuhiluka cho.

Ubutukilo 37:12

Ayayo ja Josefe yaaya ku Shekeme ni kufunga yimuna ya tato.

Ubutukilo 37:2

Jino je sango ja akwa jiko lia Yakoba. Muze Josefe habwa ni miaka kumi ni shimbiali, iye ni ayayo te kaakufunga yimuna. E ayayo te ana ja Bila ni Zilpa, mapwo ja tato. Josefe yalweza tato yibi yize te akulinga ayayo.

Ubutukilo 43:32

Josefe yalia ha mesa ya ukawenyi, ayayo no ha mesa ya ukawo, akwa Egiptu waze akulia nenyi, ni no ha mesa ya ukawo. (Mumu akwa Egiptu te keeshi kulia hamwe ni Ahebreu, kuchina maalijilula.)

Ubutukilo 45:10

Munutwama mu chifuchi cha Goshene mu Egiptu, hakamwihi ni yami, yenu ni ana jenu ni ajikulu jenu ni mapanga, ni pembe, ni ngombe, ni yeswe yize nuli nayo.

Ubutukilo 45:18

ha kwanda tato ni akwa majiko jo, hanga akahiluke kuno. Mungwaha chifuchi chibema kuhiana muno mu Egiptu, akalialie yakulia yibema ya mu chifuchi chetu.

Ubutukilo 46:32

Malunga, milimo yo kufunga yimuna. Heeza ni yimuna yo ni yuma yo yeswe.’

Ubutukilo 47:11

Hohene Josefe yatungisa tato ni ayayo ku Ramesese, chifuchi chibema kuhiana cha mu Egiptu, ngwe chize ambile mwanangana.

Ubutukilo 47:3

Mba mwanangana yaahula ngwenyi: “Milimo yenu yika?” Ayo ngwo: “Vulie mwanangana! Twakufunga yimuna ngwe chize te akulinga akaka.

Ubutukilo 47:4

Kutwejile kuno chamokomoko. Ku Kanana zala yinji yiliko ni yakulia yakuhi hakulisa yimuna yetu. Twalemba mwanangana, tutayizenu tutwame kwetu mu Goshene.”

Kutuhuka 8:22

Shina chifuchi cha Goshene che munguhandununa ko. Kuze kwatwama atu jami, jiji keechi kubwa ko. Mba hanga unyingike kanawa ngwe, yami Mwene Zambi nguli mu chifuchi chino.

Kutuhuka 8:26

Mose ngwenyi: “Ka mwanangana, akwa Egiptu kubiha kuhiana meevwa hakutwala ku yimuna yize mutubwa ni kulambula Mwene Zambi, Zambi yetu. Nyi mutwocha yimuna yize ya Shimbi ku meso ja akwa Egiptu, keechi kutushiha ni mawe, nyi?