Ubutukilo 46:3 - Mukanda Wa Zambi 1970

³ Zambi ngwenyi: “Yami nguli Zambi, Zambi ya tatenu. Kanda wivwa woma ha kuya ku chifuchi cha Egiptu. Kwenako mungukakupwishila vungu linene.

MUKANDA USANDU WA ZAMBI 1975

³ Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene.

Ubutukilo 46:3 Iomraidhean Croise

Ubutukilo 12:2

Mungukakupwisa vungu linene ni kukuwahisa. Mungukafumanyisa jina lie, mba muukawahisa atu akwo.

Ubutukilo 15:1

Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

Ubutukilo 15:13

Mba Mwene Zambi yamwamba ngwenyi: “Nyingika ngwe, vungu lie maakabwa njize mu chifuchi cha mbala, maakabwa ndungo. E atu jako maakaamwesa lamba miaka 400.

Ubutukilo 17:1

Muze Abrama habwa ni miaka 99, Mwene Zambi yasoloka kuli iye ni kumwamba ngwenyi: “Yami nguli Zambi Mukwa Ndundo Jeswe. Chakutamba kungwononokena ni kuliendela ni yami matangwa eswe.

Ubutukilo 18:18

Abrahama, vungu lienyi mungukaapwisa akwa lufuma ni akwa ndundo. Akwa hashi eswe kumaakawaha mumu hali iye.

Ubutukilo 22:17

mungukakuwahisa, mungukokesa vungu lie. Maakabwa ngwe matangonoshi a mwilu hanji ngwe masekeseke a ku mbumbulu ya kalunga lwiji. Maakakumbakumba akwa kole jo.

Ubutukilo 35:11

Zambi yamwamba nawa ngwenyi: “Yami nguli Mwene Zambi Mukwa Ndundo Jeswe. Usema ana anji. Vungu lie maakabwa anji, akwo maakabwa mianangana anene. Vungu lie mulikoka, maakabwa mavungu anene.

Ubutukilo 47:27

Aisraele yaatwama mu chifuchi cha Goshene mu Egiptu, yaabita kuhiana ni yaasema ana anji.

Ubutukilo 48:16

Kanganda ka mwilu yoze wangupulwile mu lamba lieswe, aawahise! Avulwoke jina liami, ni majina ja atata Abrahama ni Isake! Aseme ana anji, akabwe vungu linene!”

Ubutukilo 48:19

Alioze tato ngwenyi: “Ka mwanami, ngunanyingika. Vungu lia Manase no kumaakabwa vungu linene. Alioze kanuke kenyi kumakamuhiana, ni vungu lienyi kumaakabwa atu anji.”

Kutuhuka 1:12

Alioze chibwe aamwesene lamba ngwe lize, hindu Aisraele yooka kuhiana, yaalitanda mu chifuchi cheswe. Kashika akwa Egiptu yeevwila woma.

Kutuhuka 14:13

Mose yambila atu ngwenyi: “Kanda nwivwa woma. Hwimenu mbunge, munumona chize Mwene Zambi manulamwina musono. Akwa Egiptu wano kunuchi kwamona nawa nilimwe tangwa.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Jeremia 40:9

Gedaliya yaamba ngwenyi: “Ngunanwambe ngwami, kanda nwivwa woma kuzeyela kuli Ababilonia. Twamenu mu chifuchi chino, lingilenu mwanangana wa Babilonia, mba yuma yeswe muyibwa kanawa.

Yilinga 27:24

Ngwenyi: ‘Paulu, kanda wivwa woma! Chakutamba kumana ku meso ja mwanangana wa Aroma. Ni chikwo nawa, Zambi, ku utu wenyi, hakwaha mwono wa eswe waze unazauka no.’

Yilinga 7:17

“Alioze, muze mwaka wa chilakenyo cha Zambi kuli Abrahama hiwabwa hakamwihi, atu jetu te hooka kuhiana mu Egiptu.

Shimbi 1:10

Mwene Zambi, Zambi yenu, hananwokesa kuhiana ngwe matongonoshi a mwilu.

Shimbi 10:22

Muze tushakulu twenu ayile ku Egiptu, te makumi shimbiali wika. Alioze haliabwila Mwene Zambi, Zambi yenu, hanwokesa kuhiana ngwe matongonoshi a mwilu.”

Shimbi 26:5

Mba kwe ku meso ja Mwene Zambi muhanjika maliji wano ngwe: ‘Kashakulu kami kabwile Kaaramea, mukwa kwendangana ni chilambala, yatwala akwa jiko lienyi ha kutwama mu chifuchi cha Egiptu. Muze ayile ko te achili mbunga yikepe, alioze yiwookesa kuhiana ni yiwaapwisa vungu lia tachi.