Ubutukilo 46:1 - Mukanda Wa Zambi 1970

¹ Israele yakasa yuma yenyi yeswe, mba yaya ku limbo lia Bersheba. Yalambwila ko Zambi ya tato Isake milambu.

MUKANDA USANDU WA ZAMBI 1975

¹ Izalele wayile mu jila hamuwika ni upite wenyi weswe. Yaheta ku Mbi ashipa, yalambula yitapo kuli Zambi ya tato Izake.

Ubutukilo 46:1 Iomraidhean Croise

Ubutukilo 12:8

Mwabwamuze yaya ku sude ku milundu yize yili ku chivumbuko cha limbo lia Betele. Yajika ko zuwo lienyi lia makubu, hakachi ka Betele ku chitokelo ni Ayi ku chivumbuko. Yatunga ko nawa chilumbilo.

Ubutukilo 21:14

Abrahama yalimeneka, yanda mbolo ni mulondo unazala too ni meya, yayitwika ha yipaya ya Hagare, mba yashika Hagare ni mwanenyi. Hagare yakatuka, yaya ni kwendangana mu puya ya Bersheba.

Ubutukilo 21:31

Mba yaaluka homa haze jina ngwo, Bersheba, mumu lienalio eswe aali alishingilile.

Ubutukilo 21:33

Mba Abrahama yatumba mitondo homa haze, yawayila Mwene Zambi Wa Miaka Yeswe.

Ubutukilo 22:13

Abrahama yahetuka yamona kuji a panga kanasakaminya mbinga mu lutandulwila. Yaya ni kumukwata, yamulambula mulambu wa kwocha kuli Zambi ha kusalakana mwanenyi.

Ubutukilo 28:10

Yakoba yakatuka ku chihunda cha Bersheba, yaya mu jila, yatalikisa ku limbo lia Harane.

Ubutukilo 28:13

Yamona nawa Mwene Zambi kanamana hakamwihi nikwamba ngwenyi: “Nguli Mwene Zambi, Zambi ya Abrahama ni Isake. Chifuchi chino unabombo mungukakwaha cho yena ni vungu lie.

Ubutukilo 31:42

Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”

Ubutukilo 31:53

Zambi ya Abrahama ni Zambi ya Nahore matubatwila.” Mba Yakoba yalishinga ni jina lia Zambi yoze akuwayila tato Isake.

Ubutukilo 33:20

Yatunga ho chilumbilo, yachiluka jina ngwenyi, Zambi kali Zambi ya Israele.

Ubutukilo 35:3

Tukatukenu tuyenu ku Betele. Kwenako mutukatungila chilumbilo ha kuwayila Mwene Zambi yoze wanguvwile ha tangwa lia lamba, wangufungile kanawa kuma kweswe te nakuya.”

Ubutukilo 35:7

Yatunga ko chilumbilo, yaluka ko jina ngwenyi, Betele, mumu kwenako alimwene ni Zambi, muze te anachinyi yayo Esau.

Ubutukilo 4:4

Abele neye yanda mwana mutangu wa umwe panga wa ku chendo chenyi, yamushiha, yanda yifwo yibema yahiana ni e maji jayo, yayilambula. Mwene Zambi yatayiza Abele ni mulambu wenyi,

Ubutukilo 45:28

Yamba ngwenyi: “Kuma, mwanami Josefe uchili kwenyi ni mwono! Shimbu kanda nguchifwa Changutamba kuya ngukamumone.”

Ubutukilo 8:20

Hohene Noa yatunga chilumbilo cha Mwene Zambi. Tushitu ni tujila waze atela kulambula, yanda umuwika umuwika, yoocha ha chilumbilo, yaawema bwililii.

Jobe 1:5

Muze matangwa a yiteleka haamanunuka, Jobe malimeneka ni kulambula milambu yakwocha hali mwana mweswe ni kwaabemesa, mumu Jobe yanyonga ngwenyi: “Hanji ana jami haavulumuna, hanji haatuka Zambi, te kaachizangile.” Chino te kakuchilinga matangwa eswe.

Jobe 42:8

Haliabwila yeenu nwande kuji a ngombe shimbiali ni kuji a mapanga shimbiali, nwize no kuli Jobe, nwalambule mulambu mumu hali yenwene. Jobe manulembela, mba mungwivwa kulemba chenyi, chichi kunuvwsia sonyi ngwe chatamba. Te kunushi kuhanjika umwenemwene hakutwala kuli yami ngwe chize anakahanjika Jobe.”

Amose 7:9

Akwa kole maakabuzula yiwayilo ya vungu lia Isake. Mazuwo a kuwayila ja Israele maakasala ahululu. Mungukatukila zuwo lia Jeroboame ni mwela.”

Yilinga 7:15

Yakoba yaya ku Egiptu. Kwenako afwilile iye ni tushakulu twetu.

Yoshua 24:4

ni kuli Isake yingumwaha Yakoba ni Esau. Esau yingumwaha chifuchi cha milundu cha Edome kubwa chihinga chenyi. Alioze kashakulu kenu Yakoba ni ana jenyi yaapalumuka mu chifuchi cha Egiptu.

1 Samuel 3:20

Kashika Aisraele eswe, chize ku limbo lia Dane ku norde ndoo ku limbo lia Bersheba ku sude, yaanyingika ngwo, chamwenemwene Samuel kali mukwa munanyi wa Mwene Zambi.

1 Samuel 8:2

Mwanenyi mutangu jina lienyi, Joele; ni wa muchaali Abija. Eno te akuyula ku limbo lia Bersheba.