Ubutukilo 45:6 - Mukanda Wa Zambi 1970

⁶ Uno we mwaka wa muchaali wa zala yinji. Kwasala nawa miaka yitano, yize atu keechi kulima chibwe keechi kubatula mbuto.

MUKANDA USANDU WA ZAMBI 1975

⁶ Mumu miaka yino yiali hikwapwa kapunga ku chifuchi ahoze kwasala miaka yitano kukuchi kupwa chipwe kuchipa chipwe kucha.

Ubutukilo 45:6 Iomraidhean Croise

Ubutukilo 37:2

Jino je sango ja akwa jiko lia Yakoba. Muze Josefe habwa ni miaka kumi ni shimbiali, iye ni ayayo te kaakufunga yimuna. E ayayo te ana ja Bila ni Zilpa, mapwo ja tato. Josefe yalweza tato yibi yize te akulinga ayayo.

Ubutukilo 41:35

Chaatamba kukunga ye yakulia hamuwika mu limbo ni limbo. Chaatamba kwononoka ku chiyulo cha mwanangana ha kufunga yakulia kanawa.

Ubutukilo 41:53

Miaka shimbiali ya yiwape mu Egiptu yiihwa,

Ubutukilo 41:54

mba miaka ya zala yinji yiibutuka ngwe chize ambile Josefe. Mu yifuchi yikwo yeswe yimubwa zala yinji, alioze mu Egiptu ka.

Ubutukilo 41:56

Muze zala hiyanjila mu chifuchi cheswe, Josefe yazulula machila eswe, mba yabutuka kulanjisa akwa Egiptu yakulia.

Ubutukilo 47:18

Mwaka wasulile ko yaalweza Josefe ngwo: “Mwanangana, kutwahashile kunuswekela Chuma nichimwe, mbongo jetu hijahwa, yimuna yetu hiyabwa niyenu, kutwasalile nawa ni Chuma cha kuwaha shina yetwene ni minda yetu.

Ubutukilo 47:23

Josefe yambila atu ngwenyi: “Nwamona, haliabwila hinanulanda ni ye minda yenu, hinwabwa a mbala a mwanangana. Tambulenu mbuto ya kutumba.

Kutuhuka 34:21

“Ukalinga milimo matangwa asambano, alioze ha tangwa lia muchishimbiali kanda Ukalinga ho milimo, chibwe ha mwaka wa kulima chibwe ha mwaka wa kuhela mihuko.

Izaya 30:24

Ngombe ni yimbulu waze akulima minda yenu kumaakalia yuma yibema yakulungisa ni mungwa.

Shimbi 21:4

Amupalumwise hamwe homa hehi ni chitwetwe chize kuchishi kuma, homa haze kanda achilima hanji kutumba ho mbuto, henaho chatamba kumumakwina kota yenyi.

1 Samuel 8:12

Amwe makaapwisa miata ja mbunga ya tujita 1,000, akwo miata ja 50. Ana jenu amwe a malunga maakamulimina minda, akwo maakazungula mbuto yenyi, akwo maakamufulila yikungo ya jita ni yikungo ya matemba jenyi.