Ubutukilo 45:20 - Mukanda Wa Zambi 1970

²⁰ Kanda anenganyana ha yuma yo yize maahichika mu chifuchi cho, mumu yuma yibema ya muno mu Egiptu, muyikabwa niyo.”

MUKANDA USANDU WA ZAMBI 1975

²⁰ Kanda nusa mbunge ha upite wenu se yipema yeswe ya chifuchi cha Engitu hiyapwa niyenu.

Ubutukilo 45:20 Iomraidhean Croise

Ubutukilo 20:15

Mba yambila Abrahama ngwenyi: “Chino cheswe unamono chili chifuchi chami, yako utunge kweswako unazange.”

Ubutukilo 45:18

ha kwanda tato ni akwa majiko jo, hanga akahiluke kuno. Mungwaha chifuchi chibema kuhiana muno mu Egiptu, akalialie yakulia yibema ya mu chifuchi chetu.

Ubutukilo 45:19

Alioze aye ni matemba ja kuno akambachile ho mapwo jo ni ana jo, akeze nawa ni tato.

Ubutukilo 45:21

Ana ja Israele yaalinga Chenacho. Josefe yaaha matemba ngwe chize ambile mwanangana, yaaha nawa yakulia ya kulila mu jila.

Ezra 9:12

Yaatulweza ngwo, kuchatambile kulimbata ni atu waze atwama mo, chibwe kwakwasa kubwa ni ubite hanji kutwama kanawa, nyi twazanga kutwama kanawa mu chifuchi, ni kuchihichika ngwe chihinga mu moko ja ana jetu.

Kutuhuka 22:7

“Nyi mutu wamwaha mukwo mbongo hanji yimwe yuma ha kunuswekela yo, mba ye yuma eji haayiya mu zuwo lia mutu yoze, nyi mwe mwiji wasoloka, chamutamba kufweta yisuho yaali.

Izaya 1:19

Nyi ngwe munungwononokena lume, kachi munukalia mbuto yibema ya mu chifuchi chenu.

Izaya 13:18

Ni mata jo akwasa ni mivwi yo kumaakashiha akweze. Keechi kevwila ana akemba keke, chibwe twanuke.

Ezekiel 20:17

“Hindu yingwevwila keke; chaashihile muze mu puya.

Ezekiel 7:4

Chichi kwecha kunumwesa lamba, chichi kunuvwila keke. Mungunumwesa lamba mumu ha yuma ya kuzelwokesa yize nwalingile. Mba mununyingika ngwenu, yami nguli Mwene Zambi.”

Ezekiel 7:9

Chichi kwecha kunumwesa lamba, chichi kunuvwila keke. Mungunumwesa lamba mumu ha yuma ya kuzelwokesa yize nwalingile. Mba mununyingika ngwenu, yami nguli Mwene Zambi, yoze wakunumwesa lamba.”

Ezekiel 9:5

Yingwivwa Zambi kanambila malunga akwo ngwenyi: “Mukaulenu mu limbo; shihenu. Kanda nuhichika niumwe; kanda nwivwila niumwe keke.

Mateu 24:17

Yoze makabwa ha fulumba lia zuwo lienyi akasunuke, alioze kanda akanjila mu zuwo akande yuma yize yili mo.

Luka 17:31

“Ha tangwa lize, yoze makabwa ha fulumba lia zuwo lienyi akasunuke, alioze kanda akanjila mu zuwo ha kwanda yuma yize yili mo. Chimuwika nawa yoze makabwa ku minda, kuchamutambile kuhiluka mu zuwo lienyi.

Shimbi 19:13

Kanda numuvwila keke. Nukachiza chingalwe mukachi ka Aisraele, hanga nukatwame kanawa.”

Shimbi 19:21

Ha milonga ngwe yize, kanda nwivwa keke: mwono ni mwono, liso ni liso, lizo ni lizo, kwoko ni kwoko, kulu ni kulu.”

Shimbi 7:16

Nukanongesa mavungu eswe waze Mwene Zambi, Zambi yenu, makakunjika kuli yenu, kanda nukevwila keke. Kanda nukawayila mazambi jo, nyi ka, maakabwa muheto kuli yenu.

Yoshua 7:11

Aisraele haavulumuna! Haashiha Usendo uze nakolesele no, uze nambile ngwami, nwoononokena. Haanda yimwe yuma ya chijila te chaatamba kwonona. Haayiya, haahanjika mahuza, haayichinga hamwe ni yuma yo.

1 Samuel 10:22

Yaahula Mwene Zambi ngwo: “Kwali, nyi ka?” Mwene Zambi yaakumbulula ngwenyi: “Kali akuze, kanaswame mukachi ka yikashi.”

1 Samuel 25:13

David yambila tujita twenyi ngwenyi. “Mutu mweswe aswelele mukwale wenyi.” Malunga eswe yaaswelela mikwale yo. David neye yaswelela niwenyi. Mba yakatuka ni tujita ngwe 400. Kulakaji jaali yaasala ni kufunga yikashi.

1 Samuel 30:24

Iya manubanjika ku liji lino? Chihanda cha yoze unakasala ni kufunga yuma muchibwa hamuwika ni cha yoze unakaya ku jita. Eswe maatambula chimuwika.”