Ubutukilo 45:15 - Mukanda Wa Zambi 1970

¹⁵ Mba Josefe yashisa ayayo eswe ni kulila lila, muze te anaakakaminya. Hazehene ayayo yaabutuka kuta pande ni Josefe.

MUKANDA USANDU WA ZAMBI 1975

¹⁵ Yahanahana mbeju kuli ayayo eswe, yalila hali ayo, mba kulutwe ayayo ahanjikile nenyi.

Ubutukilo 45:15 Iomraidhean Croise

Ubutukilo 29:11

Yakoba yashisa Rashele, mba yalila ni chiseke.

Ubutukilo 29:13

Muze Labane hevwa sango ja Yakoba, mwana wa ndumbwenyi, yazomboka fuji ha kumusambilila. Yamumeneka, yamushisa, mba yamutwala mu zuwo. Yakoba yalumbunwina Labane sango jeswe.

Ubutukilo 33:4

Alioze Esau te kanazomboka fuji ni kulitakana ni mwanakwo. Yamusambilila, yamushisa, no eswe aali yaabutuka kulila.

Ubutukilo 42:24

Mba Josefe yakatuka ko, yabutuka kulila. Muze halitwamina kulila, yeza nawa ni kuhanjika no. Mba yakwata Simeone, yamukasa mu ngonji ku meso jo.

Ubutukilo 45:14

Mba Josefe yakakaminya mwanakwo Benjamine ni uwahililo, mba yabatuka kulila. Benjamine neye yalila muze te anamukakaminya.

Ubutukilo 45:16

Sango yijiheta ku zuwo lia mwanangana ngwo: “Ayayo ja Josefe heeza.” Mba mwanangana ni atu jenyi yawahilila.

Ubutukilo 45:2

Yabwozonoka kuhiana, mba akwa Egiptu yaamwivwa. Sango jize yijiheta ndoo maha mwanangana.

Ubutukilo 46:29

Josefe yanyina ha temba lienyi, yaya ni kubatwiza tato ku Goshene. Ha kulimona nenyi, Josefe yamukakaminya, yalila shimbu lisuku.

2 Samuel 14:33

Chenacho Joabe ayile kuli mwanangana David, yamulweza yeswe yize ahanjikile Absalome. Mba mwanangana yatumina Absalome liji. Absalome yeza yafulamana ku meso ja mwanangana. Mwe mwanangana yamusambilila ni kumushisa.

Miaso (Masamu) 77:4

Zambi kazangile nguye tulo, ngunalibikala kuhiana, chahashile kuhanjika.

Kutuhuka 4:27

Mwene Zambi te halweza kulu Arane ngwenyi: “Yako utakane ni Mose mu puya.” Neye yaya ni kubatwiza Mose ha mulundu wa Zambi. Muze haalitakana, Arane yamushisa.

Luka 15:20

Neye yakatuka nikuhiluka kuli tato. “Shimbu te achili kusuku, tato yamumona, yamuvwila keke, yazomboka ni kumutakana, yamulimbukila ha kota, yamushisa.

Yilinga 20:37

Eswe yaalila, yaakangayika Paulu mu moko jo nikumushisa.

Rute 1:14

Yaabutuka kulila nawa kuhiana, mba Orpa yashisa naye weno ni kumushika, yahiluka ku mahio. Alioze Rute yamulalaminya.

Rute 1:9

Anukwase nulimbate nawa ni malunga hanga nukabwe ni mazuwo jenu.” Mba Naomi yaashika, alioze ayo yaabutuka kulila mumu te kaazangile ko kumuhichika.

1 Samuel 10:1

Hohene Samuel yanda kasaji ka maji a olive, yaazujila ha mutwe wa Saulu, yamushisa, yamba ngwenyi; “Mwene Zambi kanamuwayisa hanga ubwe mwanangana wa atu jenyi Aisraele. Muukaayula ni kwafunga kuli akwa kole jo. Chino che chilayi cha kutongola cha Mwene Zambi:

1 Samuel 20:41

Muze mukweze haya, David yakatuka ku chingina cha mawe, yafulamana hashi katatu. Eswe aali yaalishisa, yaalila, alioze David yalila kuhiana.