Ubutukilo 44:2 - Mukanda Wa Zambi 1970

² Mba mu tuku ya kanuke Usamo musenge wami wa prata, hamwe ni mbongo jenyi.” Mwe mwata wa tuvumbi yalinga ngwe chize amwambile kuli mwene wenyi.

MUKANDA USANDU WA ZAMBI 1975

² Sako nawa musenge wami wa prata mu njeke ya mwe kasulasongo hamuwika ni mbongo jenyi ja mbuto. Iye yalinga nikulita ni liji lia José.

Ubutukilo 44:2 Iomraidhean Croise

Ubutukilo 42:20

Chanutamba kungunehena mwanakwenu, ha kunyingika ngwo, yize nwahanjika yili yamwenemwene. Nyi nwalinga Chenacho kunuchi kufwa.” Yaatayiza.

Ubutukilo 42:25

Josefe yalweza tuvumbi twenyi ngwenyi: “Zalisenu tuku jo ni yakulia, hilwisenu mbongo jo, jisenu mu tuku ni tuku. Nwaha nawa yakulia ya mu jila.” E tuvumbi yaalinga chizechene.

Ubutukilo 43:32

Josefe yalia ha mesa ya ukawenyi, ayayo no ha mesa ya ukawo, akwa Egiptu waze akulia nenyi, ni no ha mesa ya ukawo. (Mumu akwa Egiptu te keeshi kulia hamwe ni Ahebreu, kuchina maalijilula.)

Ubutukilo 44:1

Josefe yambila mwata wa tuvumbi twenyi ngwenyi: “Yako uzalise yakulia mu tuku ja atu nikulita ni kuhasa cha kumbata cho, mba mu tuku jeswe Usamo mbongo jo.

Ubutukilo 44:12

Mutu yoze yabutuka kufupa musenge hakepe hakepe. Yabutuka ku tuku ya mukulwana ndoo ni muze auwanyine mu tuku ya kanuke Benjamine.

Ubutukilo 44:3

Ha chichamene cheswe yashika ayayo ja Josefe hanga aye kwo ni yimbulu jo.

Mateu 10:16

“Achivwenu! Ngunanutumu ngwe mapanga mukachi ka tungunga. Kanyamenu ngwe tupela, bemenu ngwe membe.

2 Korintu 8:8

Chachambile ngwe Shimbi, alioze ngunanulweze chize amwe atu abwile ni zango lia kukwasa, hanga ni yenu nulweze zango lienu lia umwenemwene.

Shimbi 13:3

kanda numubanjika nichimwe. Mumu Mwene Zambi, Zambi yenu, mwe unanweseka, ha kumona nyi nunazange Mwene Zambi, Zambi yenu, ni mbunge jenu jeswe, nyi ka.

Shimbi 8:16

Mu puya yanwaha mana ha kulia, yakulia yize tushakulu twenu haanga te kanda achiyilia kama. Yachilinga hanga anuhombole ni anweseke. Ha kusula anuwahise ni yuma yibema.

Shimbi 8:2

Iwulukenu ngwe chize Mwene Zambi, Zambi yenu anusongwelele mu wenyi uno miaka makumi awana mu puya hanga anuhombole, anweseke ni lamba lieka ni lieka, mba hanga anyingike mbunge jenu, nyi munufunga Shimbi jenyi, nyi ka.