Ubutukilo 44:18 - Mukanda Wa Zambi 1970

¹⁸ Yuda yakundama kuli Josefe, yamba ngwenyi: “Vulie mwanangana! Nyi nunatayiza, nguli ni maliji akuhanjika ni yenu. Kanda nutenuka mwanangana, yenu nuli ngwe mwe mwanangana.

MUKANDA USANDU WA ZAMBI 1975

¹⁸ Aho Yunda yakundama kuli iye, yamba ngwenyi, Mwata wami, ngutayize kama kuhanjika liji limuwika mu matwi ja yenu mwata, yami nguli ngamba yenu. Utenu wenu kanda usasaminya hali yami ngamba yenu, mumu yenu chimuwika wapwa ni Falau.

Ubutukilo 44:18 Iomraidhean Croise

Ubutukilo 18:30

Abrahama ngwenyi: “Mala! Mwanangana, kanda ungutenukina nyi Hahanjika nawa. Mba nyi wawana mo makumi atatu?” Mwene Zambi ngwenyi: “Nyi nawana mo makumi atatu, chichi kuchilinga.”

Ubutukilo 18:32

Abrahama ngwenyi: “Mala! Mwanangana, kanda utenuka kama, chino chisuho cha kusula ngunahanjika. Nyi wawana lume kumi?” Mwene Zambi ngwenyi: “Nyi nawana mo kumi, chichi kwoonona.”

Ubutukilo 37:6

Josefe yalweza ayayo ngwenyi: “Ivwenu chilota nalianga.

Ubutukilo 37:7

Namonanga ngwe tunajichika yichita mu munda, mba chichita chami yichikatuka yichimana, ya yenu yiyiza ni kuchijingilika, ni kuhetamina hashi ku chichita chami.”

Ubutukilo 37:8

Ayayo ngwo: “Haa, puu! Unanyongo ngwe, muukatuyula, nyi? Hanji muukatuzeyesa, nyi?” Mba yaamunwa kuhiana ha chilota chize awile.

Ubutukilo 41:40

Ngunakwehe chiyulo cha kuyula chifuchi chami, atu jami eswe moononoka ku Shimbi je. Alioze yami mungukuhiana, mumu nguli mwanangana.

Ubutukilo 41:44

Ngwenyi: “Yami mwanangana ngunambe ngwami: mu chifuchi cheswe cha Egiptu mutu kahashile kulinga nichimwe nyi yena kuwamutayijile.”

Ubutukilo 44:17

Josefe ngwenyi: “Haa, mala! Alioze ka! Chahashile kulinga chino. Ndungo kali lume yoze akwatanga ni musenge, alioze yenu munuhasa kuya ni sambukila maha tatenu.”

2 Samuel 14:12

Pwo yamba nawa ngwenyi: “Vulie mwanangana! Ngutayizenu kama nguhanjike nawa liji likwo.” Mwanangana ngwenyi: “Hanjika.”

Estere 1:12

Alioze muze tuvumbi haamulweza liji lia mwanangana, mwe mwazovu yalituna kuya. Mba mwanangana yalikasa wuli.

Jobe 33:31

Mwata Jobe, haliabwila banjikenu kanawa yize ngunambe, achilihumikize, ngweche yami nguhanjike.

Miaso (Masamu) 79:5

Mwene Zambi, miaka yingahi muutuvwila ufwatulo? Ndoo ku miaka yeswe, nyi? Ufwatulo we muunyongonona ni kulekwoka ngwe kahia, nyi?

Kutuhuka 32:22

Arone ngwenyi: “Mwata, kanda ungutenukina. Unanyingika atu wano kaakulihana lume ha kulinga yibi,

Yishima 19:12

Ufwatulo wa mwanangana uli ngwe kuhiohia cha tambwe, alioze vumbi lienyi lili ngwe mume ha mwambu.

Daniel 3:15

Muze munwivwa liji lia yitavwi, ni ndembo, ni tulialia, ni yisaji yikwo, fulamanenu, nukombelele mwe hamba. Alioze nyi kunwachilingile, maanumbila shimbu lizeliene mu lutengo wa kahia. Kuma nunayongo ngwenu, umwe zambi uliko yoze mahasa kunulamwina, nyi?”

Daniel 5:19

Neye yabwa munene lume. Kashika atu a ku yifuchi, ni mavungu, ni maliji eswe yaamuvwila woma, yaachikima. Nyi ngwe hazanga kushiha umwe mutu, te kakuchilinga; nyi ngwe hazanga kufunga umwe ni mwono, hindu te kakuchilinga. Yoze te anazange kulemesa, yamulemesa; ni yoze te anazange kulelesa, yamulelesa.

Yoano 5:22

Tata keshi kubatwila mutu niumwe, alioze hanakunjika chiyulo cheswe cha ubatwilo kuli mwe Mwana,

Yilinga 2:29

“Akwetu, ngutayizenu kama kuhanjika mwazu kuli yenu hakutwala kuli kashakulu ketu David. Hanafu, haanamufundu. Fuka lienyi lili mukachi ketu ndoo musono uno.