Ubutukilo 44:16 - Mukanda Wa Zambi 1970

¹⁶ Yuda ngwenyi: “Mwanangana, kuchi mutwamba nawa? Kutushi nawa ni liji likwo. Ubi wetu Zambi hausolola. Mwanangana, hi yoze wika ko awananga ni musenge wenu mabwa ndungo yenu, alioze yetu eswe tuli ndungo jenu.”

MUKANDA USANDU WA ZAMBI 1975

¹⁶ Yunda yamba ngwenyi, Kuchi mutwamba kuli yenu mwata? Tuhanjike kuchi? Kuchi mutuhasa kulisambisa? Zambi hatuwa uhenge wa yetu ngamba jenu. Tuli tupinji twa yenu mwata. Ni yetu ni yoze wamuwana ni we musenge.

Ubutukilo 44:16 Iomraidhean Croise

Ubutukilo 37:7

Namonanga ngwe tunajichika yichita mu munda, mba chichita chami yichikatuka yichimana, ya yenu yiyiza ni kuchijingilika, ni kuhetamina hashi ku chichita chami.”

Ubutukilo 37:9

Josefe yalota nawa chilota chikwo. Yachawila ayayo ngwenyi: “Namonanga tangwa, ni kakweji, ni matongonoshi kumi ni kashi kaananguhetamina.”

Ubutukilo 44:17

Josefe ngwenyi: “Haa, mala! Alioze ka! Chahashile kulinga chino. Ndungo kali lume yoze akwatanga ni musenge, alioze yenu munuhasa kuya ni sambukila maha tatenu.”

Ubutukilo 44:32

Mwanangana, yingutayiza kufunga mwe mwana ni kumuhilwisa kuli tata. Yingulweza nawa tata ngwami: ‘Nyi chahilukile ni mwana yono, muukabwa uhiso wami ndoo ku miaka yeswe.’

Ubutukilo 44:9

Mwata, nyi ngwe musenge uze wasolokela kuli umwe hakachi ketu, mutu yoze chamutamba kufwa, ni yetu akwo mutubwa ndungo jenu.”

1 Yitanga Ya Mianangana 17:18

Naye yambila Eliya ngwenyi: “Yena mukwa munanyi wa Zambi, chikuma chika wejilile ku mahiami, kafwa ngwe ha kwiwulula Zambi yibi yami hanga mwanami afwe, nyi?”

Ezra 9:10

“Aa Zambi, alioze haliabwila, kuchi mutwamba hakutwala ku yuma yino yeswe? Hitunakolema Shimbi,

Ezra 9:15

Mwene Zambi, Zambi ya Aisraele, yena uli mukwa ululi, hiwatutayiza yetu kutwama ni mwono. Tunashikisa milonga yetu; te kutwalitele kuheta ku meso je.”

Yishima 17:15

Kuhisa yoze keshi mulonga ni kusambisa chingulungulu, yeswe yaali Mwene Zambi kakuyivutwokela.

Yishima 28:17

Mutu yoze hashiha mukwo kakulifulila fuka lienyi mwene nikawashi. Kanda weseka kumukanjisa.

Izaya 27:9

Alioze Aisraele mungwakonekena milonga yo shina muze haachiza mawe a yilumbilo ya mavungu ni kwafwenyafwenya ngwe pemba, ni muze haabuzula yilumbilo ya kwochela yuma ya vumba ni haachiza yizulie ya zambi wa pwo Ashera.

Izaya 5:3

Kashika sepa liami yamba ngwenyi: “Yenu akwa Yerusaleme ni Ayuda, batulenu hakachi ka yami ni munda wami wa vinyu.

Daniel 9:7

Yena Mwene Zambi, matangwa eswe wakulinga ni ululi, alioze yetu matangwa eswe twakulikokela sonyi. Chenacho twakulinga yetu eswe waze twatwama mu Yuda ni mu Yerusaleme, ni Aisraele eswe waze hiunamwangina mu yifuchi hakamwihi ni kusuku mumu hitunakuvulumuna.

Kwalula 32:23

Alioze nyi kunwamanunwine chilakenyo chenu, ngunanukanyamisa ngwami, munuvulumuna ku meso ja Mwene Zambi. Nyi ka, makanumwesa lamba mumu ha shili yenu.

Mateu 7:2

Mumu Zambi makanuhisa nikulita ni chize nwakuhasa akwenu. Makanwesekela yeseko yize nunesekela akwenu.

Luka 12:2

Chize cheswe chaswamanyine, makachisolola, chize cheswe chakuhengeka, makachinyingikisa.

Yilinga 2:37

Muze atu haachivwa, yaalibikala mu mbunge, yaahula Petulu ni tunganda twa Yesu ngwo: “Akwetu, kuchi kevwe mutulinga?”

Shimbi 25:1

“Nyi Aisraele aali haaya ni kulifunda ku chota, muze haasopa we mulonga, umuwika hasamba mukwo hahia.

Yoshua 7:1

Aisraele kaafungile ko Shimbi jize Mwene Zambi aahele ngwenyi, kanda abuba yuma mu limbo lia Yeriku. Umwe mutu jina lienyi Akane, yakolema Shimbi yize. Mba Mwene Zambi yatenukina Aisraele. (Akane te mwana wa Karmi, mujikulu wa Zabdi, wa ku jimo lia Zera, wa ku vungu lia Yuda.)

Yoshua 7:18

Yasa jiko lia Zabdi kulutwe, mutu ni mutu. Yatongola Akane, mwana wa Karmi, mujikulu wa Zabdi.

Akwa Kuyula 1:7

Adonibezeke yamba ngwenyi: “Mianangana makumi shimbiali nabatwile minwe yo ya shina ya ku moko ni ku molu, yaatongwona yifwenyufwenyu mushi lia mesa yami. Haliabwila ni yami nawa Zambi hangulinga cho.” Mba Ayuda ni Asimeone yaamutwala ku Yerusaleme. Kwenako afwilile.