Ubutukilo 44:13 - Mukanda Wa Zambi 1970

¹³ Ha kuchimona, ayayo yaachanuna mahina jo mumu ha yinyengo. Yaakashila yuma hali yimbulu, yaahiluka mu limbo.

MUKANDA USANDU WA ZAMBI 1975

¹³ O yapula mazalo jo, mutu ni mutu yatwika yimbulu jo, yahiluka ku limbo.

Ubutukilo 44:13 Iomraidhean Croise

Ubutukilo 44:4

Muze haahichika limbo lia Josefe kachipinji, Josefe yatambika mwata wa tuvumbi twenyi, yamwamba ngwenyi: “Tambuka, kaula atu waze nikawashi. Nyi wawana mu jila, alweze ngwe: ‘Ngunakanulinga chibema, kuchi mba yenu nwangulinga yibi?

2 Samuel 1:11

Hohene David yatanuna mahina jenyi ni chinyengo, ni malunga waze abwile ko no eswe yaalinga chizechene.

2 Samuel 1:2

Muze hikwacha umwe mukweze yaheta ko, te kanakatuka ku musumba wa mwanangana Saulu. Hatanuna mahina jenyi ni kulimwangina mavu ha mutwe ni chinyengo. Yafulamana hashi ku meso ja David nikumuwayila.

2 Samuel 13:19

Tamara yalimwangina uto ha mutwe, yatanuna mahina jenyi, yalikwata suswa mutwe, yaya nikulila mbimbi.

1 MIANANGANA 11:14

Yamona ko mwanangana mwaha kanamana ku nguji ku chikolo cha zuwo lia Zambi, nikulita ni ndako ya mianangana ha matangwa waze. Miata ni akwa kwimba yitavwi te kaanamujingilika. Atu eswe yaatwa ngunda ni kwimba yitavwi. Atalia yatanuna mahina jenyi ni kubihilila, yakololoka ngwenyi: “Puunga! Puunga!”

Kwalula 14:6

Yoshua mwana wa Nune, ni Kaleba mwana wa Jefune, aali a hakachi ka ngendeshi, yaachanuna mahina jo ni kubihilila.