Ubutukilo 43:29 - Mukanda Wa Zambi 1970

²⁹ Muze Josefe hamona Benjamine, mwe mwanakwo, mwana wa naye, yaahula ngwenyi: “Yono mwe mwanakwenu yoze nwangulwezele, nyi weka? Mwanami, Zambi akufunge.”

MUKANDA USANDU WA ZAMBI 1975

²⁹ Iye yahetula meso jenyi, yamona mwanakwo Mbenjamine, mwe mwana wa naye, mba yamba ngwenyi, Yono mwanakwenu kasulasongo nwamwambulwile kuli yami, nyi? Kuli iye yamba ngwenyi, Mwanami, Zambi akulinge vumbi.

Ubutukilo 43:29 Iomraidhean Croise

Ubutukilo 35:24

Wano e ana ja Rashele: Josefe, ni Benjamine.

Ubutukilo 42:11

Yetu eswe hano tuli asongo ni mutu. Hi tuli ngendeshi ko, mwanangana. Tuli atu abema.”

Ubutukilo 42:13

Ayo ngwo: “Vulie mwanangana! Twabwile ana malunga kumi ni aali, nawa tuli ana ja mutu umuwika mu chifuchi cha Kanana. Kasulasongo ketu kanakasala ni tata, mba mukwo mwe wafwile.”

Ubutukilo 44:21

Mwanangana, yenu nwambile ngwenu: ‘Nukeza nenyi kuno hanga ngukamumone.’

Ubutukilo 45:8

Chamwenemwene Zambi wangutumine kuno, hi yenu ko. Yangusa ngwe tato ya mwanangana, mwata wa jiko lienyi lieswe, mukwa kuyula chifuchi cheswe cha Egiptu.

2 Sango Ja Mianangana 29:11

Ana jami, kanda nulaluka. Yenu nuli waze Mwene Zambi hanatongola ni kumwochela yuma ya vumba hema ni kusongwela atu amuwayile.”

Miaso (Masamu) 111:4

Mwene Zambi kakutwiwulula yitanga yenyi yakukomwesa. Kakutulweza utu ni keke.

Miaso (Masamu) 112:4

Akwa ululi pangu muliapangukila mu milima, kaali akwa keke, akwa utu, akwa ululi.

Miaso (Masamu) 67:1

Zambi tuvwile kama keke, tuwahise, tutale kama ni utu we,

Izaya 30:19

Yenu waze nwatwama mu Zione kunuchi kahia nawa nichimwe. Mwene Zambi kali mukwa utu, muze munuteta kuli iye hanga anukwase, kumanukumbulula.

Izaya 33:2

Mwene Zambi, tuvwile kama keke. Tunase mbunge kuli yena, utufunge kama tangwa ha tangwa, ni kutulamwina ha matangwa ja lamba.

Malaki 1:9

Yenu mahako, esekenu kulemba kuli Zambi atuvwile kama keke. Kechi kunukumbulula, mumu ha yitela yenu.

Kwalula 6:25

Mwene Zambi akuzange, akulweze utu.

Mateu 9:2

Kuma amwe yaamunehena mukwa kalepa, te kanabombo ha muhela. Muze hamona ufulielo wo, Yesu yambila mukwa kalepa ngwenyi: “Mwanami, hamuka, milonga ye hiyakonekenewa.”

Mateu 9:22

Yesu yatewuluka, yamumona, yamba ngwenyi: “Mwanami, hamuka! Ufulielo we hiwakuwuka.” Shimbu lizeliene mwe pwo yahinduka.

Marku 10:24

Tumbaji yaalishimwoka kuhiana ha maliji jenyi. Alioze Yesu yaambila nawa ngwenyi: “Ana jami, chikalu kunjila mu Wanangana wa Zambi!

Hebreu 13:1

Nyongononenu ni kulizanga ni akwenu akwa Kristu.

Yoshua 7:19

Yoshua yamwamba ngwenyi: “Mwanami, hanjika umwenemwene ku meso ja Mwene Zambi, Zambi ya Aisraele, ushikise. Ungulweze chize unakalinga. Kanda unguswekela cho.”