Ubutukilo 43:28 - Mukanda Wa Zambi 1970

²⁸ Ayo ngwo: “Vulie mwanangana. Kavumbi kenu kanakolo kwenyi.” Mba yaafulamana nawa.

MUKANDA USANDU WA ZAMBI 1975

²⁸ O ngwo, Ngamba yenu tata kanahinduka, kali ni mwono. Yahetamisa mitwe yo, yamuwayila.

Ubutukilo 43:28 Iomraidhean Croise

Ubutukilo 37:7

Namonanga ngwe tunajichika yichita mu munda, mba chichita chami yichikatuka yichimana, ya yenu yiyiza ni kuchijingilika, ni kuhetamina hashi ku chichita chami.”

Ubutukilo 43:26

Muze Josefe haheta ku zuwo, ayayo yaafulamana, mba yaamulambula milambu.

2 Samuel 1:2

Muze hikwacha umwe mukweze yaheta ko, te kanakatuka ku musumba wa mwanangana Saulu. Hatanuna mahina jenyi ni kulimwangina mavu ha mutwe ni chinyengo. Yafulamana hashi ku meso ja David nikumuwayila.

2 Samuel 14:4

Mwe pwo yaya kuli mwanangana, yamuwayila nikwamba ngwenyi: “Vulie mwanangana! Nalemba ngukwasenu kama!”

1 Yitanga Ya Mianangana 1:16

Batsheba yaheta, yafukama. Mwanangana yamuhula ngwenyi: “Yika unazange?”

2 Sango Ja Mianangana 24:17

Alioze muze hako Jehoyada hafwa, miata ja mu Yuda yaapiangula mwanangana aabanjike.

Kutuhuka 18:7

Mose yaya ni kumubatwiza, yafulamana ku meso jenyi, yamushisa. No yaalihula sango, mba yaanjila mu zuwo lia Mose lia makubu.