Ubutukilo 43:23 - Mukanda Wa Zambi 1970

²³ Mwe mwata wa tuvumbi ngwenyi: “Ka, kanda nwivwa woma. Kuheshi Chuma chinene. Mbongo jize Zambi yenu, mwenawo Zambi ya tatenu, mwe unakajisa mu tuku jenu. Mbongo jenu jitangu yami najanjile.” Mba yaanehena Simeone.

MUKANDA USANDU WA ZAMBI 1975

²³ Iye yamba ngwenyi, Hwimenu mbunge, kanda nwivwa woma, Zambi yenu, Zambi ya tatenu hananwehe upite mu njeke jenu. Mbongo jenu nguli najo. Mba yaneha Simeone kuli ayo.

Ubutukilo 43:23 Iomraidhean Croise

Ubutukilo 42:24

Mba Josefe yakatuka ko, yabutuka kulila. Muze halitwamina kulila, yeza nawa ni kuhanjika no. Mba yakwata Simeone, yamukasa mu ngonji ku meso jo.

Ubutukilo 42:28

Yalweza akwo ngwenyi: “Ayenwe! Haanguhilwishila mbongo jami! Jino mu tuku.” Ayo eswe ni mwe mu moko hinekee. Yaalihanjikisa ngwo: “Zambi kuchi atulinga chichize?”

Ubutukilo 42:36

Tato yaamba ngwenyi: “Nwakunguchiza chiza ana jami. Josefe keshiko, Simeone keshiko, ni haliabwila nunazange kunguchiza nawa Benjamine. Mama lamba liami!”

Ubutukilo 43:14

Zambi Mukwa Ndundo Jeswe anukwase hanga mwe lunga akanuvwile keke, akanwehe yayenu ni Benjamine, nukeze no. Alioze yami, nyi ana jami maatoka, atoke kwo.”

Ubutukilo 43:22

Kutweza nawa ni mbongo jikwo ha kulanda yakulia yikwo. Alioze kutwanyingikine yoze wasele mbongo mu tuku jetu.”

1 Sango Ja Mianangana 12:18

Mwiku wa Zambi yiuhulumukina muli umwe wa kuli ayo, Amasai, yoze meza kubwa mwata wa “Tujita Makumi Atatu,” yamba ngwenyi: “David mwana wa Jese, tuli atu jenu! Uhwimino kuli yenu ni kuli waze akunukwasa! Zambi kali hamwe ni yenu.” David yaasambilila, yaapwisa akwa lutwe a tujita twenyi.

1 Sango Ja Mianangana 12:19

Amwe tujita a ku vungu lia Manase yaalichinga ni David muze Afilistia ayile ni kwasa jita ni mwanangana Saulu. Alioze David kakwashile ko Afilistia, mumu mianangana jo evwile woma ngwo, maakunjika kuli mwata wenyi Saulu, kashika yaamuhilwisa ku limbo lia Ziklage.

Ezra 4:17

Mba mwanangana yakumbulula ngwenyi: “Kuli Rehume mukwa kuyula, ni Shimshai mukwa kusoneka, ni masepa jo eswe waze atwama mu Samaria ni akwo waze atwama ku chitokelo cha Ufrateze, mwoyo wenu.

Luka 10:5

Muze munukanjila mu limwe zuwo, nukalianga kwameneka ngwenu: ‘Akwa zuwo lino tambulenu uhwimino.’

Luka 24:36

Shimbu maachihanjika, Yesu mwene yasoloka mukachi ko, yaamba ngwenyi: “Hwimenu mbunge.”

Yoano 14:27

“Uhwimino ngunanuhichikila. Uhwimino wami ngunanwehe. Chanuhele wo ngwe chize akwa hashi akuhana. Kanda nulibikala, kanda nwivwa woma.

Yoano 20:19

Chingoloshi cha lumingo yoze, tumbaji te kaanalikungulula mu limwe zuwo. Yajilo yeswe te yakukasa ni sapi, mumu yeevwila Ayuda woma. Yesu yeza, yamana mukachi ko, yamba ngwenyi: “Uhwimino kuli yenu!”

Yoano 20:21

Yesu yaamba nawa ngwenyi: “Uhwimino kuli yenu! Ngwe chize Tata wangutumine ni yami nawa ngunanutumu.”

Yoano 20:26

Lumingu umuwika kulutwe, tumbaji twa Yesu yaalikungulula nawa mu zuwo. Tomase yabwa hamwe no. Yajilo te yakukasa ni sapi. Alioze Yesu yeza, yamana mukachi ko, yamba ngwenyi: “Uhwimino kuli yenu!”

Akwa Kuyula 19:20

Mwe mukulwana yaamba ngwenyi: “Hwimenu mbunge, tuyenu ku mahiami nubombe. Kanda nubomba mu chota.”

Akwa Kuyula 6:23

Alioze Mwene Zambi yamwamba ngwenyi: “Hwima mbunge, kanda wivwa woma. Kuuchi kufwa.”

1 Samuel 25:6

Nukamumeneka ngwenu: ‘David sepa lie kanakumeneka ni akwa jiko lie ni usoko we eswe.