Ubutukilo 43:21 - Mukanda Wa Zambi 1970

²¹ Muze hitwahiluka mu jila, ha chibombelo yitukasulula tuku jetu, mba mu tuku jeswe yitumona mo mbongo. Je mbongo jeswe te jinazuku ngwe chize twajimbachile hatangu, kutweza najo nawa.

MUKANDA USANDU WA ZAMBI 1975

²¹ Alioze ha kuheta ku chipombelo twajitwile njeke jetu, kumanyi mbongo ja mutu mweswe twajiwanyine mu njeke yenyi, mbongo jeswe nikulita ni pezu. Kashika hitwajineha mu kwoko.

Ubutukilo 43:21 Iomraidhean Croise

Ubutukilo 43:12

Numbata nawa mbongo jize nwahilukile najo mu tuku, tangwa likwo kajivulamine. Numbata nawa mbongo jikwo.

Ubutukilo 43:15

Mba ana ja Yakoba yaanda yuma yize ni je mbongo, yaanda nawa Benjamine, yaaya ku Egiptu. Yaaheta ku meso ja Josefe.

Ubutukilo 43:20

“Lisesa mwata, chisuho chitangu twejile ni kulanda yakulia kuno.

Ubutukilo 43:22

Kutweza nawa ni mbongo jikwo ha kulanda yakulia yikwo. Alioze kutwanyingikine yoze wasele mbongo mu tuku jetu.”

Ubutukilo 44:8

Muze twahetele ku chifuchi chetu cha Kanana, mbongo jize twamwene mu tuku jetu, nunakamona chize tunakajihilwisa ku moko jenu. Mba kuchi mutuhasa kwiya yuma ya ndando yinji ya mwene wenu?

A-ROMA 12:17

Nyi mutu kananulingi yibi, kanda numuhilwishila nawa yibi. Alioze esekenu kulinga yibema ku meso ja atu eswe.

A-ROMA 13:8

Kanda nubwa ni kongo kuli mutu niumwe, shina lume kongo lia zango chanutamba kubwa nalio: chanutamba kulizanga. Yoze wakuzanga mukwo, hamanununa Shimbi jeswe.

Hebreu 13:18

Nyongononenu ni kutulembela Zambi. Tunanyingika kanawa ngwetu, tuli ni manyonga waze keeshi uhiso, mumu tunazange kulinga kanawa matangwa eswe.

Hebreu 13:5

Mu mwono wenu, kanda nubwa ni lwahu wa mbongo, alioze wahililenu ni yuma yize nuli nayo kulu. Mumu Zambi iye mwene hanambe ngwenyi: “Chichi kakwecha nichimwe, chibwe chichi kakwehuka nichimwe.”

1 Petulu 2:12

Bwenu ni ndako yibema hakachi ka waze hi akwa Kristu ko. Nyi nwalinga chino, chibwe maanusuma mulonga ngwo: “Nwakuvulumuna”, hindu maamona yitanga yenu yibema. Kashika maakafumanyisa Zambi ha tangwa lize makeza.

1 Petulu 3:16

Alioze Chilingenu ni uhomboloji ni vumbi. Bwenu ni mbunge yibema, hanga waze akunushililika ha yitanga yibema yize nwakulinga mumu nuli akwa Kristu, akevwe sonyi.