Ubutukilo 43:12 - Mukanda Wa Zambi 1970

¹² Numbata nawa mbongo jize nwahilukile najo mu tuku, tangwa likwo kajivulamine. Numbata nawa mbongo jikwo.

MUKANDA USANDU WA ZAMBI 1975

¹² Numbate nawa ndando jiali hamuwika ni mbongo jize ajihilwishile mu njeke jenu, nejo nujimbate, hanji kanakajivulama.

Ubutukilo 43:12 Iomraidhean Croise

Ubutukilo 42:25

Josefe yalweza tuvumbi twenyi ngwenyi: “Zalisenu tuku jo ni yakulia, hilwisenu mbongo jo, jisenu mu tuku ni tuku. Nwaha nawa yakulia ya mu jila.” E tuvumbi yaalinga chizechene.

Ubutukilo 42:35

Mba muze akasulwile tuku jo, kuma mutu mweswe kali ni mbongo mu tuku yenyi. Ha kujimona yeevwa woma unji ni mwe tato kumuwika.

Ubutukilo 43:13

Hiyeenu hamwe ni mwanakwenu kuli lunga yoze.

Ubutukilo 43:21

Muze hitwahiluka mu jila, ha chibombelo yitukasulula tuku jetu, mba mu tuku jeswe yitumona mo mbongo. Je mbongo jeswe te jinazuku ngwe chize twajimbachile hatangu, kutweza najo nawa.

Ubutukilo 43:22

Kutweza nawa ni mbongo jikwo ha kulanda yakulia yikwo. Alioze kutwanyingikine yoze wasele mbongo mu tuku jetu.”

A-ROMA 12:17

Nyi mutu kananulingi yibi, kanda numuhilwishila nawa yibi. Alioze esekenu kulinga yibema ku meso ja atu eswe.

A-ROMA 13:8

Kanda nubwa ni kongo kuli mutu niumwe, shina lume kongo lia zango chanutamba kubwa nalio: chanutamba kulizanga. Yoze wakuzanga mukwo, hamanununa Shimbi jeswe.

2 Korintu 8:21

Kutwazangile kulinga yibema ku meso ja Mwene Yesu wika, alioze ku meso ja atu nawa.

Filipu 4:8

Akwetu, haliabwila bukunenu yuma yize yibema ni yize yinatela uhaliso: yuma yamwenemwene, ni ya vumbi, ni ya ululi, ni yitoma, ni yakubemena, ni ya lufuma mubema.

1 Tesalonika 4:6

Ha chikuma chino, niumwe kanda akalingila mukwo yibi, hanji kumulimuna. Hitwanwambulwila cho kulu, ni hitunatoweza nawa chikolo ngwetu, Mwene kumeza ni kumwesa lamba waze akulinga yuma ngwe yize.

1 Tesalonika 5:21

Esekenu yuma yeswe, kakaminyenu yize yibema.

Hebreu 13:8

Yesu Kristu chizechene zau, ni musono, ni ndoo ku miaka yeswe.