Ubutukilo 43:11 - Mukanda Wa Zambi 1970

¹¹ Mba tato Israele yaamba ngwenyi: “Nyi chenaacho, kuheshi Chuma. Lingenu chino, andenu yuma yibema ya mu chifuchi chetu, ndundu, ni wuchi, ni ndungu, ni maji a vumba libema, ni mikeshi, nuyise mu tuku jenu, nukamwehe lunga yoze milambu.

MUKANDA USANDU WA ZAMBI 1975

¹¹ Mba tato Izalele yamba kuli ayo ngwenyi, Nyi chocho chapwa lingenu chino; mbatenu mihuko yimwe yipema ya chifuchi mu yikwachilo yenu nuyitwale kuli mwe lunga mulambu, yimwe yitumbo ya ulilila, ni kamwe kawuchi, ni especiaria, ni mira, ni katapi, ni amendoa.

Ubutukilo 43:11 Iomraidhean Croise

Ubutukilo 33:10

Yakoba ngwenyi: “Nalemba mwane, nyi hinwanguvwila keke, tambulenu kama mulambu uze hinanwaha. Muze hinanumona, chili ngwe Zambi namona, mumu hinwangutambula kanawa.

Ubutukilo 37:25

Mba ayayo yaatwama hashi ni kulia. Susumuku yaamona mukana wa atu, Aishmaele, kaaneza. Te kaanakatuka ku chifuchi cha Gileade, ni kuya ku chifuchi cha Egiptu. Ha tumelu two kaanambata yuma yeka ni yeka ngwe ndundu, ni maji a vumba libema, ni ndungu.

Ubutukilo 43:10

Heswahaze tunakangila, ngwami, kachi hitwahiluka kulu chisuho cha muchaali.”

Ubutukilo 43:14

Zambi Mukwa Ndundo Jeswe anukwase hanga mwe lunga akanuvwile keke, akanwehe yayenu ni Benjamine, nukeze no. Alioze yami, nyi ana jami maatoka, atoke kwo.”

Ubutukilo 43:15

Mba ana ja Yakoba yaanda yuma yize ni je mbongo, yaanda nawa Benjamine, yaaya ku Egiptu. Yaaheta ku meso ja Josefe.

Ubutukilo 43:25

Ayayo yaabutuka kululieka chawana cho mumu aalwezele ngwo, Josefe kumalia hamwe no tangwa ha muchima.

Ubutukilo 43:26

Muze Josefe haheta ku zuwo, ayayo yaafulamana, mba yaamulambula milambu.

1 Yitanga Ya Mianangana 10:15

kuwezaho lijimu lia akwa kulanjisa ni lia mianangana ja chifuchi cha Arabia, ni lia akwa kuyula mu yifuchi ya Aisraele.

1 Yitanga Ya Mianangana 10:25

Eswe waze ejilejile yaanehena Solomone yawana: prata, ni oru, ni mahina a lubula, ni yitwa ya jita, ni yuma ya vumba libema, ni tuvwalu, ni yimbulu. Chino yaachilinga mwaka ha mwaka.

1 Yitanga Ya Mianangana 15:19

“Tulikate ngwe chize alingile atata. Prata ni oru yino yili yawana ye. Shiha Usendo ni mwanangana Basha wa Israele, hanga achize tujita twenyi mu chifuchi chami.”

1 Yitanga Ya Mianangana 4:21

Solomone yayula mavungu eswe chize ku lwiji Ufrateze ndoo ku chifuchi cha Filistia, ni ndoo ku njiza ya chifuchi cha Egiptu. No yaanehenanehena Solomone milambu ni kumulingila matangwa eswe a mwono wenyi.

1 MIANANGANA 16:8

Ahaze yanda prata ni oru ya mu zuwo lia Zambi ni ya mu zuwo lia mwanangana, yaayituma milambu kuli mwanangana wa Asuria.

1 MIANANGANA 20:12

Ha matangwa waze mwanangana wa chifuchi cha Babilonia, Merodake Baladane, mwana wa Baladane, yevwa ngwo, mwanangana Hezekia kanayiji, mba yamutumina mukanda ni yawana.

1 MIANANGANA 8:8

mwanangana yambila umwe mukwa lutwe Hazaele ngwenyi: “Twala chawana chino kuli mukwa munanyi wa Zambi, umuhule kumunguhinduka nyi ka.”

Estere 4:16

“Yako ukungulule Ayuda eswe a mu Shushane. Alitwamine kulia ni kungulembela kama. Kanda nulia chimwe Chuma hanji kunwa matangwa atatu. Ni yami ni tuvumbi twami a mapwo mutulinga nawa chizechene. Mba munguya kuli mwanangana, chibwe kuchalitele ni Shimbi. Chibwe kufwa, mungufwa.”

Miaso (Masamu) 68:29

Muze mu zuwo lie mu limbo lia Yerusaleme, kuze mianangana a hashi akwiza ni kukulambula milambu,

Miaso (Masamu) 72:10

Mianangana ja chifuchi cha Espania, ni a mahongo maamwaha yawana; Mianangana ja chifuchi cha Arabia ni Etiopia maamulambula milambu.

Miaso (Masamu) 76:11

Mwehenu Mwene Zambi, Zambi yenu, yuma yize nwamulakenyene, mavungu waze nuli hakamwihi munehenenu milambu yenu, Zambi kakuvwisa atu woma;

Kutuhuka 3:8

Hinahulumuka hanga ngwapulule ku moko ja akwa Egiptu, ni kwatwala mu chifuchi chinene, chibema, ni cha chinuno. Akanana, ni Ahite, ni Aamore, ni Aperize, ni Ahive, ni Ajebuse, enoo atwama mu chifuchi chize haliabwila.

Yishima 17:18

Shina chihepuke malakenya kumbata ulemu wa kufweta kongo lia mutu mukwo.

Yishima 18:16

Unazange kubatwiza mutu mulemu, nyi? Mutwalile chawana, mba muchibwa chashi.

Yishima 19:6

Atu eswe kaakufupa vumbi lia atu alemu; atu eswe kaakuzanga kubwa masepa ja waze akuhana yawana.

Yishima 21:14

Nyi umwe makutenukina, chawana cha ku tenga muchihwimisa mbunge yenyi.

Mwaso Ubema Wahiana 4:10

Nandungi yami kanda ndumbwami, zango lie linanguwahisa. Zango lie linahiana vinyu kubema; maji je kaanakupuka kuhiana yuma yeswe ya vumba libema.

Mwaso Ubema Wahiana 4:14

ni safrone, ni kalamuse, ni sinamone, hanji yuma yeka ni yeka ya vumba libema. Mira ni yilombo yakutatuka mo ya vumba libema liahiana.

Mwaso Ubema Wahiana 8:14

Mukwa zango wami tweya kuli yami ngwe kai, ngwe musamba wa kabaji ha milundu kuze kwatwama tumitondo twa mbuto ya vumba libema.

Jeremia 8:22

Kuma mu Gileade yitumbo kuyishimo, nyi? Chibwe mbuki keeshimo, nyi? Kuchi mba, atu jami kaawukile ko?

Ezekiel 27:15

Te wakusepa ni atu a ku hongo lia Rodese. Atu a ku yifuchi ya ku mbumbulu ya kalunga lwiji te kaakukunehena mazo a njamba ni mitondo ebone ya kusumbakenya ni yuma ye yibema.

Ezekiel 27:17

Ayuda ni Aisraele te kaakulanda yuma ye ni tiriku, ni wuchi, ni maji a olive, ni yitumbo.

Ezekiel 27:22

Atu a ku Sheba ni Rama te kaakuyisumbakenya ni oru ni yitumbo yibema.

Alevi 20:24

Hinanulakenya chifuchi cha chinuno, mungukanwaha cho. Yami Mwene Zambi, Zambi yenu, ngunanuhandununa ku mavungu akwo.

Yilinga 21:14

Mba, muze kutwahashile kumukununa, yitwecha kumulembejeka, yitwamba ngwetu: “Zambi akalinge upale wenyi.”

Shimbi 33:14

Chifuchi cho chiwahe ni mihuko yize yakuhia ni mwalwa, ni mihuko yibema yahiana ya tungonde eswe.

1 Samuel 25:27

Nalemba mwane, tambulenu mulambu uno hinanunehena, nuhane kuli tujita twenu.

1 Samuel 9:7

Saulu ngwenyi: “Nyi twaya ko, yika mutumwaha? Mumu mbolo mu yikashi yetu hiyahwa, mba mulambu uka mutumwaha mwe mutu wa Zambi, chika tuli nacho kama?”