Ubutukilo 42:9 - Mukanda Wa Zambi 1970

⁹ Mba Josefe yanyonga ha yilota yize alotele hakutwala kuli ayayo, yaamba ngwenyi: “Nuli ngendeshi. Hinweza ni kutala ulelu wa chifuchi chetu.”

MUKANDA USANDU WA ZAMBI 1975

⁹ José yewuluka nawa yilota yenyi alotele ha kutwala kuli ayo, mba yamba kuli ayo ngwenyi, Ka, nuli ngendeshi. Nuneza mukutala ulelu wa chifuchi.

Ubutukilo 42:9 Iomraidhean Croise

Ubutukilo 37:11

Ayayo ya Josefe yaamuvwila ukwa kuhiana, alioze tato yafunga yilota yize mu mbunge yenyi.

Ubutukilo 42:16

Tumenu mutu umuwika aye amwande. Yenu akwo mutunusa mu zuwo lia lamba, tumone nyi yize yeswe nwahanjika yili yamwenemwene. Nyi ka, nyi mwe mwanangana, nuli ngendeshi.”

Ubutukilo 42:34

Nukangunehene mwanakwenu, hanga ngukanyingike ngwami, hi nuli ngendeshi ko alioze atu amwenemwene, mba mungukanwaha mwanakwenu, nukahase kwizaza nikulanda landa mu chifuchi chino.’ ”

2 Samuel 10:3

miata ja Aamone yambila mwanangana wo ngwo: “Kuma nunanyongo ngwenu, mwanangana David hatuma atu wano ni kunulembejeka ase tatenu vumbi, nyi? Alioze hi chocho ko! Kaatuma endese limbo hanga ahase kutukumba!”

Kutuhuka 32:35

Mba Mwene Zambi yatumina atu misongo, mumu ashinjikile Arone ha kwalingila kuji a ngombe wa oru.

Luka 20:20

Kashika yaabutuka kulaa Yesu ni kumutumina ngendeshi. Wano yaalionga kubwa ni mbunge jibema, alioze yaatela Yesu muheto ni yihula. Yaafupa tangwa lia kumukunjika ku chiyulo cha mukwa kuyula,

Hebreu 11:31

Ku ufulielo Rahabe, chitanji, kafwile ko hamwe ni waze te keeshi kwononokena Zambi, mumu yatambula ngendeshi ja Aisraele ni sambukila.

Yoshua 2:1

Yoshua, ku musumba wa Akasia, yatuma ngendeshi aali ni maliji ngwenyi: “Yeenu nukendese chifuchi cha Kanana, chibichibi limbo lia Yeriku.” Muze ahetele ku lie limbo, yaaya ku zuwo lia umwe pwo chitanji, jina lienyi Rahabe.

Yoshua 6:23

Chenacho ayile ni kutuhwisa Rahabe, ni tato ni naye, ni mandumbu jenyi, ni eswe a ku jiko lienyi. Yaaya no eswe, ni akwa jiko ni e ndungo, ni kwafunga mu musumba wa Aisraele.

Akwa Kuyula 1:24

Yaamona umwe mutu te kaneza, yaamuhula ngwo: “Tulweze chize chatamba kunjila mu limbo, mba hanga tukuhichike ni mwono.”

1 Samuel 26:4

David yatuma ngendeshi ase chinyingi, no yaashindakenya ngwo, heza.