Ubutukilo 42:6 - Mukanda Wa Zambi 1970

⁶ Josefe, mumu te habwa mwata munene mu chifuchi cha Egiptu, yalanjisa lanjisa yakulia kuli akwa yifuchi yeswe. Chenacho ayayo ejile ku meso jenyi yaafulamana hashi.

MUKANDA USANDU WA ZAMBI 1975

⁶ José hapwa mukwa kuyula chifuchi, mukwa kulanjisa kuli atu eswe a chifuchi iye, kashika ayayo yeza yafulamana hashi kuli iye.

Ubutukilo 42:6 Iomraidhean Croise

Ubutukilo 18:2

yahetuka, yamona atu atatu kaanamana kikilii. Mba yanyangumuka ha kwabatwiza, yafulamana hashi,

Ubutukilo 19:1

Muze tunganda a mwilu haaheta ku limbo lia Sodome chingoloshi, Lote te kanatwama ku chikolo cha chipanga cha limbo. Lote, muze haamona, yakatuka, yaya ni kwabatwiza, yafulamana hashi,

Ubutukilo 33:3

Iye mwene yaya kulutwe lia eswe, yafulamana yisuho shimbiali, yaheta haze te anamana yayo Esau.

Ubutukilo 41:43

Mba yamwendesa mu temba lia muchaali lia wanangana, ni tujita yaakololoka kulutwe lienyi ngwo: “Fukamenu! Fukamenu!” Chenacho mwanangana apwishile Josefe mwata munene ha kuyula chifuchi cheswe cha Egiptu.

Ubutukilo 41:54

mba miaka ya zala yinji yiibutuka ngwe chize ambile Josefe. Mu yifuchi yikwo yeswe yimubwa zala yinji, alioze mu Egiptu ka.

Ubutukilo 41:57

Atu te kaakukatuka mu yifuchi yeswe, yeezaza maha Josefe ni kulanda yakulia, mumu te zala hiyahiana kweswe.

Ubutukilo 44:14

Josefe te mu zuwo lienyi ali muze Yuda ni anakwo anahiluka. Yaafulamana hashi.

Ubutukilo 45:26

Yaamulweza ngwo: “Tata! Josefe kali ni mwono! Kali mwata munene wa chifuchi cheswe cha Egiptu!” Yakoba yevwa mu moko ni mu molu nekee, mumu kaafulielele ko.

Ubutukilo 45:8

Chamwenemwene Zambi wangutumine kuno, hi yenu ko. Yangusa ngwe tato ya mwanangana, mwata wa jiko lienyi lieswe, mukwa kuyula chifuchi cheswe cha Egiptu.

Ubutukilo 48:12

Mba Josefe yaachiza ana jenyi mu molu ja tato, yafulamana hashi.

Yishima 11:26

Atu kaakushinga yoze wakumina akwo mbuto, ndoo ni muze ndando muyibwa yinji, alioze kaakuwahisa yoze wakuyilanjisa.

Izaya 60:14

Ana malunga ja waze anubinjishile maakeza ni kufukama ku meso je ni kukulemesa. Eswe waze akulelesele maakakuwayila ku molu je. Maakakuvulwoka ngwo: ‘Limbo lia Mwene Zambi, Zione, limbo lia Zambi Munangi wa Israele.’

Yilinga 7:10

yamupuluia mu lamba lienyi heswe, yamupwisa mukwa vumbi kanda mukwa mana ku meso ja mwanangana wa Egiptu. Mwenawo yamupwisa mukwa kuyula wa Egiptu ni wa zuwo lienyi heswe.

Usolwelo 3:9

Mungukalinga chino kuli akwa mbunga ya Sakwonga, akwa mahuza waze akulipwisa Ayuda alioze hi Ayuda ko. Mungukaashinjika akeze ni kufulamana ku meso je, mba maakanyingika ngwo, nakukuzanga.

1 Samuel 20:41

Muze mukweze haya, David yakatuka ku chingina cha mawe, yafulamana hashi katatu. Eswe aali yaalishisa, yaalila, alioze David yalila kuhiana.