Ubutukilo 42:38 - Mukanda Wa Zambi 1970

³⁸ Alioze Yakoba ngwenyi: “Mwanami kunwahashile kuya nenyi. Yayo hanafu, shina iye lume nasala nenyi. Yami nguli kashinakaji, nyi Chuma chibi muchimuwana mu jila, kumungufwa kwami ni yinyengo.”

MUKANDA USANDU WA ZAMBI 1975

³⁸ Iye yamba ngwenyi, Mwanami kunuchi kuya nenyi, mumu yayo hanafu, iye wika wangusala. Nyi chimwe chuma chipi muchimuwana mu jila munuya, kambu jami jitoma ni chinyengo munujikoka ku Shiole.

Ubutukilo 42:38 Iomraidhean Croise

Ubutukilo 37:33

Yamunyingika, yamba ngwenyi: “Ewa kali wa mwanami. Ngongo haha Josefe, hamupupulula yihanda yihunda!”

Ubutukilo 37:34

Yakoba yachanuna mahina jenyi, yazala mwanji, mumu ha chinyengo chenyi. Yalila mwanenyi matangwa anji.

Ubutukilo 37:35

Ana jenyi eswe a malunga ni a mapwo yeeza ni kumulembejeka, alioze katayijile ko, ngwenyi: “Mungulila mwanami ndoo mungukamuwana muma mwa afu.” Chenacho te Yakoba akulila mwanenyi Josefe.

Ubutukilo 42:13

Ayo ngwo: “Vulie mwanangana! Twabwile ana malunga kumi ni aali, nawa tuli ana ja mutu umuwika mu chifuchi cha Kanana. Kasulasongo ketu kanakasala ni tata, mba mukwo mwe wafwile.”

Ubutukilo 42:37

Rubene yambila tato ngwenyi: “Nyi chichi keza nenyi, muuhasa kushiha ana jami aali. Ngwehe ye, mungukamuhilwisa.”

Ubutukilo 42:4

Alioze Benjamine, kanuke ka Josefe, Yakoba kamutumine ko hamwe no, mumu yevwa woma ngwenyi, hanji Chuma chibi muchimuwana.

Ubutukilo 43:13

Hiyeenu hamwe ni mwanakwenu kuli lunga yoze.

Ubutukilo 44:20

Yetu yitukumbulula ngwetu: ‘Ewa, tuli ni tata, habwa kwenyi kashinakaji. Tuli nawa ni kanuke yoze tata asemene mu ushinakaji wenyi. Yayo hanafu kulu, mba iye hanasala lume ukawenyi mu jimo lia naye. Tata kakumuzanga kuhiana.’

Ubutukilo 44:22

Yetu yitunulweza ngwetu: ‘Kanuka yoze kahashile kwiza kuno. Nyi ka, tata kumafwa.’

1 Yitanga Ya Mianangana 2:6

Kashika, Ukalinga ni mana akafwe washi, kanda akatwama ndoo kutoma cha kambu jenyi.

Jobe 41:32

Kunyima lienyi kakuhichika ko jila yalejima, kakwalumuna meya a kalunga lwiji kubwa fulufulu.

Miaso (Masamu) 71:18

Aa Zambi, muze hinabwa kashinakaji, kambu jami hijatoma, kanda ungwehuka! Bwako hamwe ni yami muze ngunafumanyisa ndundo je, ku yisemuko yeswe yize muyiza kulutwe.

Miaso (Masamu) 90:10

Twakutwama ni mwono shina miaka makumi shimbiali, hanji makumi nake, nyi tuli ni tachi; alioze miaka yize yili ya lamba ni ya yinyengo wika; Kwasala hakepe tufwe, mba tuye kwetu.

Longeshi 1:14

Hingunamono yuma yeswe yize atu akulinga hano hashi, ngunakulweze ngwami, yeswe yili yamokomoko. Yili ngwe unahange fuji.

Longeshi 2:26

Zambi kakuhana mana, ni yinyingi, ni uwahililo kuli waze akulinga upale wenyi, alioze kakuhana milimo kuli yivulumunyi afumbule ni afunge yuma yo ayihane kuli waze akulinga upale wa Zambi. Yeswe yili yamokomoko; yili ngwe kuhanga fuji.

Izaya 38:10

Nanyonga ngwami, munguya muma lia afu ngunachikolo, chichi kutwama chinji hano hashi.

Izaya 46:4

Yami nguli Zambi yenu, mungunufunga, ndoo ku ushinakaji wenu ni kutoma cha kambu jenu. Yami nanutangile, mungunufunga, mungunukwasa, mungunulamwina.”