Ubutukilo 42:36 - Mukanda Wa Zambi 1970

³⁶ Tato yaamba ngwenyi: “Nwakunguchiza chiza ana jami. Josefe keshiko, Simeone keshiko, ni haliabwila nunazange kunguchiza nawa Benjamine. Mama lamba liami!”

MUKANDA USANDU WA ZAMBI 1975

³⁶ Tato Yakomba yamba kuli ayo ngwenyi, Hinwangutokesa ana jami. José keshiko, ni Simeone keshiko, ni Mbenjamine nunambe kumutwala. Yuma yino yeswe yangushata yami.

Ubutukilo 42:36 Iomraidhean Croise

Ubutukilo 42:37

Rubene yambila tato ngwenyi: “Nyi chichi keza nenyi, muuhasa kushiha ana jami aali. Ngwehe ye, mungukamuhilwisa.”

Ubutukilo 43:14

Zambi Mukwa Ndundo Jeswe anukwase hanga mwe lunga akanuvwile keke, akanwehe yayenu ni Benjamine, nukeze no. Alioze yami, nyi ana jami maatoka, atoke kwo.”

Ubutukilo 44:12

Mutu yoze yabutuka kufupa musenge hakepe hakepe. Yabutuka ku tuku ya mukulwana ndoo ni muze auwanyine mu tuku ya kanuke Benjamine.

Ubutukilo 45:28

Yamba ngwenyi: “Kuma, mwanami Josefe uchili kwenyi ni mwono! Shimbu kanda nguchifwa Changutamba kuya ngukamumone.”

Ubutukilo 47:12

Josefe yamwaha tato yakulia hamwe ni ayayo ni akwa jiko lia tato, nikulita ni ana jo.

Jobe 7:7

Aa Zambi, iwuluka kama mwono wami uli lume mwiku, chichi kumona nawa yuma yibema.

Miaso (Masamu) 34:19

Mutu mubema kakumona lamba linji, alioze Mwene Zambi kakumulamwina ku lamba lienyi Heswe.

Longeshi 7:8

Songo lia Chuma lili libema liahiana Ubutukilo wacho. Kulihumikiza chili chibema, alioze kulengumuka chili chibi.

Izaya 27:9

Alioze Aisraele mungwakonekena milonga yo shina muze haachiza mawe a yilumbilo ya mavungu ni kwafwenyafwenya ngwe pemba, ni muze haabuzula yilumbilo ya kwochela yuma ya vumba ni haachiza yizulie ya zambi wa pwo Ashera.

Izaya 38:10

Nanyonga ngwami, munguya muma lia afu ngunachikolo, chichi kutwama chinji hano hashi.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Jeremia 31:15

Mwene Zambi kanambe ngwenyi: “Atu kaanevu milolo mu Rama, malilo ni kunenganyana kuhiana. Rashele kanalilila ana jenyi; kasolo kutayiza amulembejeke, mumu keeshiko.

Mateu 14:31

Hazehene Yesu yolola kwoko, yamukwata, yamwamba ngwenyi: “Ufulielo we ukepe! Kuchi te unayambashana?”

A-ROMA 8:28

Mumu tunanyingika ngwetu, ha yuma yeswe Zambi kakulinga yibema kuli waze akumuzanga, kuli waze atambikile nikulita ni kunyonga chenyi.

A-ROMA 8:31

Kuchi mutwamba hakutwala ku yuma yino? Nyi Zambi kali hamwe ni yetu, iya mahasa kulimika ni yetu?

1 Korintu 10:13

Nyi kutala ngwe Sakwonga hanweseka, nyingikenu ngwenu, atu eswe kaakweseka chizechene. Alioze Zambi kanalingi nikulita ni chilakenyo chenyi, mumu kechi katayiza Sakwonga akanweseke kuhiana tachi jize nuli najo. Alioze muze makanweseka, shimbu lizeliene makanwaha tachi ja kukumba. Mba munukahasa kukumba.

2 Korintu 4:17

Lamba lize twakumona haliabwila lili likepe, kulishi kunyongona Chipinji chisuku. Alioze kuliakutulingila uhenya unji, uhenya wa miaka yeswe, uhenya uze unahiana lamba lietu.

1 Samuel 27:1

David yalihanjikisa ngwenyi: “Ngunamona ngwe, limwe tangwa mwanangana Saulu ku mangushiha. Chuma chibema chize mungulinga chakuhi, shina nguchinyine ku chifuchi cha Afilistia. Mba Saulu mujimuhwa ni kungufupa mu chifuchi cha Israele, mungubwa ni uhwimino.”