Ubutukilo 42:24 - Mukanda Wa Zambi 1970

²⁴ Mba Josefe yakatuka ko, yabutuka kulila. Muze halitwamina kulila, yeza nawa ni kuhanjika no. Mba yakwata Simeone, yamukasa mu ngonji ku meso jo.

MUKANDA USANDU WA ZAMBI 1975

²⁴ Iye yatewuluka kuli ayo, yalila. Mba yeza kuli ayo, yahanjika no, yanda Simeone hakachi ko, yamukasa kumeso jo.

Ubutukilo 42:24 Iomraidhean Croise

Ubutukilo 34:25

Ha tangwa lia muchitatu, shimbu te malunga achili ni yikola, ana aali a Yakoba, Simeone ni Levi, e mandumbu ja Dina, yanda mikwale yo, yaanjila mu limbo ni hamu lieswe, yaashiha malunga eswe.

Ubutukilo 42:23

Yize yeswe ahanjekele Josefe te kanayivu, alioze ayo kaachinyingikine ko mumu Josefe yabwa ni mutu yoze te unalumbununa yize anahanjeka.

Ubutukilo 43:14

Zambi Mukwa Ndundo Jeswe anukwase hanga mwe lunga akanuvwile keke, akanwehe yayenu ni Benjamine, nukeze no. Alioze yami, nyi ana jami maatoka, atoke kwo.”

Ubutukilo 43:23

Mwe mwata wa tuvumbi ngwenyi: “Ka, kanda nwivwa woma. Kuheshi Chuma chinene. Mbongo jize Zambi yenu, mwenawo Zambi ya tatenu, mwe unakajisa mu tuku jenu. Mbongo jenu jitangu yami najanjile.” Mba yaanehena Simeone.

Ubutukilo 43:30

Ha kumona mwanakwo Benjamine, Josefe yalibikala kuhiana. Yamba kulila lizeliene, alioze yakatuka nikawashi, yanjila mu zuwo lienyi lia kubomba ni kulilila mo.

Ubutukilo 45:1

Josefe yamona ngwenyi, hi kahashile ko nawa kulihumikiza ku meso ja tuvumbi twenyi, kashika yaatuhwisa eswe. Kukwabwile nawa niumwe muze Josefe alisolwele kuli ayayo.

Ubutukilo 45:2

Yabwozonoka kuhiana, mba akwa Egiptu yaamwivwa. Sango jize yijiheta ndoo maha mwanangana.

Izaya 63:9

ku lamba lio Heswe. Hi kanganda ka mwilu ko, alioze iye mwene mwe waalamwinyine. Mu zango lienyi ni keke yenyi yaalamwina. Matangwa eswe te kaakwafunga,

Luka 19:41

Muze Yesu hakundama ku limbo, yalimona, yalililila

A-ROMA 12:15

Wahililenu hamwe ni waze akuwahilila, lilenu hamwe ni waze akulila.

1 Korintu 12:26

Nyi Chihanda chimuwika cha mujimba chinamono lamba, yihanda yeswe muyimona lamba nawa. Nyi kaanachichimieka Chihanda chimuwika cha mujimba, yihanda yeswe muyiwahilila nawa.

Hebreu 4:15

Mwata wa mahako a Zambi kakumona lamba hamwe ni yetu mu ulelu wetu. Mumu Sakwonga hanamweseka mu yuma yeswe ngwe chize akweseka nawa yetu, alioze kavulumwine ko.