Ubutukilo 42:22 - Mukanda Wa Zambi 1970

²² Rubene ngwenyi: “Nanulwezele ngwami, kanda nulinga kanuke chibi. Haliabwila tunamono lamba mumu ha kufwa chenyi.”

MUKANDA USANDU WA ZAMBI 1975

²² Rupene yaakumbulula ngwenyi, Te chahanjikile ni yenu ngwami, Kanda nuvulumuna mwe mwana? Alioze kunusolo kupanjika. Kashika haliapwila kanatufwetesa ha manyinga jenyi.

Ubutukilo 42:22 Iomraidhean Croise

Ubutukilo 4:10

Mwene Zambi ngwenyi: “Kuchi walinga? Banjika! Liji lia mwanakwenu mu mavu linakololoka kuli yami ha kumukafa.

Ubutukilo 42:23

Yize yeswe ahanjekele Josefe te kanayivu, alioze ayo kaachinyingikine ko mumu Josefe yabwa ni mutu yoze te unalumbununa yize anahanjeka.

Ubutukilo 45:3

Mba Josefe yambila ayayo ngwenyi: “Yami Josefe. Kuchi, tata kali ni mwono ndoo haliabwila nyi?” Alioze ayayo yeevwa kwo woma, kaahashile kumukumbulula liji nilimwe, yaahola lume yihole hole kuluu!

Ubutukilo 50:15

Muze Yakoba hafwa kwenyi, ayayo ja Josefe yaalihanjikisa ngwo: “Ayenwe, Josefe kechi kutuvwila kole ni kutumwesa lamba ha chize twamulingile, nyi?”

1 Yitanga Ya Mianangana 2:32

Abnere, mwana wa Nere, mwata wa tujita twa Israele, ni Amasa, mwana wa Jetere, mwata wa tujita wa Yuda, te akwa ululi, mwe Joabe yaashiha, tata kuchinyingika ka. Kashika Mwene Zambi mamwesa Joabe lamba.

1 Yitanga Ya Mianangana 2:33

Joabe ni vungu lienyi maamwesa lamba ndoo ku miaka yeswe mumu ha kufwa cha atu waze. Alioze Mwene Zambi makawahisa vungu lia David ni waze maakamuhinga ndoo ku miaka yeswe.”

2 Sango Ja Mianangana 24:22

Mwanangana Joashe yavulama kwenyi milimo yize tato ya Zakaria amulingilile, mba yashihisa Zakaria. Muze te Zakaria himafwa, yakololoka ngwenyi: “Mwene Zambi atale chize hinwalinga, anumwese kama lamba!”

Miaso (Masamu) 9:12

Zambi kakwiwuluka akwa lamba; keshi kuvulama kulila cho, kakumwesa lamba waze akwalinga yibi.

Ezekiel 3:18

Nyi namba ngwami, umwe chingulungulu kumafwa, hindu yena kuwamutowezele alumune mbunge yenyi alilamwine, kumafwa chingulungulu. Alioze kufwa chenyi chili mulonga we.

Luka 23:41

ni ubatwilo wetu unatute, mumu tunatambula yize yinalite ni yitanga yetu. Alioze awu kalingile chibi nichimwe.”

Yilinga 28:4

Muze akwa tungu haamona chihili kanasukama ku kwoko lienyi yaalihanjekesa ngwo: “Chamwenemwene lunga yono mukwa kushiha atu, mumu chibwe halilamwina ku kalunga lwiji, hindu Zambi yoze Wakuhilwisa yibi ku yibi kamutayijile ko kubwa ni mwono.”

A-ROMA 2:15

Yitanga yo yakulweza ngwo, chize Shimbi jinambe hichinasonewa mu mbunge jo. Mbunge jo nawa jakushindakenya chikuma chino, mumu manyonga jo yisuho yikwo kaakwahisa, yisuho yikwo kaakwasambisa.

Usolwelo 13:10

Mweswawo chatamba kusa mu zuwo lia lamba, maakamutwala lume mu zuwo lia lamba. Mweswawo chatamba kushiha ni mwela, maakamushiha lume ni mwela. Kashika, atu ja Zambi chaatamba kunyongonona mu ufulielo wo.”

Usolwelo 16:9

Atu waze yaawema kahia kanji, mba yaashililika jina lia Zambi, yoze ukwete chiyulo cha lamba lize. Alioze kaalumukine ko ku mbunge ni kulemesa Zambi.

1 Samuel 19:4

Jonatane yahanjika kanawa ni tato Saulu hakutwala kuli David, ngwenyi: “Mwanangana, kanda nulinga kama kavumbi kenu David chibi, mumu iye kanulingile ko chibi. Chikwo nawa, hanukwasa kuhiana.