Ubutukilo 42:13 - Mukanda Wa Zambi 1970

¹³ Ayo ngwo: “Vulie mwanangana! Twabwile ana malunga kumi ni aali, nawa tuli ana ja mutu umuwika mu chifuchi cha Kanana. Kasulasongo ketu kanakasala ni tata, mba mukwo mwe wafwile.”

MUKANDA USANDU WA ZAMBI 1975

¹³ O ngwo, Etu ngamba jenu tuli kumi lia malunga ni malunga aali eswe ana ja lunga umuwika mu chifuchi cha Kanana. Mwe kanuke kwali ni musono hamwe ni tata. Umuwika keshiko.

Ubutukilo 42:13 Iomraidhean Croise

Ubutukilo 37:30

Yaya ni kuhula akwo ngwenyi: “Mama yami! Kanuke keshimo, kuchi mba mungulinga kwami?”

Ubutukilo 42:11

Yetu eswe hano tuli asongo ni mutu. Hi tuli ngendeshi ko, mwanangana. Tuli atu abema.”

Ubutukilo 42:12

Josefe yaamba ngwenyi: “Ka, kunweza ni kwendesa chifuchi chetu hanga nunyingike chize chibwa.”

Ubutukilo 42:14

Josefe ngwenyi: “Chili lume ngwe chize nanulweza ngwami, nuli ngendeshi.

Ubutukilo 42:32

Tuli asongo ni mutu, twabwile ana malunga kumi ni aali. Mwanakwetu umuwika hanafu, mba kasulasongo kanakasala ni tata ku Kanana.’

Ubutukilo 42:36

Tato yaamba ngwenyi: “Nwakunguchiza chiza ana jami. Josefe keshiko, Simeone keshiko, ni haliabwila nunazange kunguchiza nawa Benjamine. Mama lamba liami!”

Ubutukilo 42:38

Alioze Yakoba ngwenyi: “Mwanami kunwahashile kuya nenyi. Yayo hanafu, shina iye lume nasala nenyi. Yami nguli kashinakaji, nyi Chuma chibi muchimuwana mu jila, kumungufwa kwami ni yinyengo.”

Ubutukilo 43:29

Muze Josefe hamona Benjamine, mwe mwanakwo, mwana wa naye, yaahula ngwenyi: “Yono mwe mwanakwenu yoze nwangulwezele, nyi weka? Mwanami, Zambi akufunge.”

Ubutukilo 43:7

Ayo ngwo: “Mwe lunga yatuhula hula hakutwala ku kusemuka chetu. Ngwenyi: ‘Tatenu uchili kwenyi ni mwono, nyi? Nuli ni mwanakwenu mukwo, nyi?’ Mana akumwonga kutwamwene kwetu. Te kutuhasa kunyingika ngwetu, matuhula ha kuneha mwanakwetu, nyi?”

Ubutukilo 44:20

Yetu yitukumbulula ngwetu: ‘Ewa, tuli ni tata, habwa kwenyi kashinakaji. Tuli nawa ni kanuke yoze tata asemene mu ushinakaji wenyi. Yayo hanafu kulu, mba iye hanasala lume ukawenyi mu jimo lia naye. Tata kakumuzanga kuhiana.’

Ubutukilo 44:28

Mwana mukwo hanatoko. Yingunyonga ngwami, kota ngongo hanamupapujola yihanda yihanda, mumu chize ku tangwa lize Chishi kumumona nawa.

Ubutukilo 45:26

Yaamulweza ngwo: “Tata! Josefe kali ni mwono! Kali mwata munene wa chifuchi cheswe cha Egiptu!” Yakoba yevwa mu moko ni mu molu nekee, mumu kaafulielele ko.

Jeremia 31:15

Mwene Zambi kanambe ngwenyi: “Atu kaanevu milolo mu Rama, malilo ni kunenganyana kuhiana. Rashele kanalilila ana jenyi; kasolo kutayiza amulembejeke, mumu keeshiko.

Lungungu 5:7

Tushakulu twetu haanavulumuna, alioze haliabwila keeshi ko, hiyetu tunamono lamba mumu ha milonga yo.

Mateu 2:16

Muze Herode hanyingika ngwenyi, akwa mana haamulenya, yevwa ufwatulo, yahana Shimbi ya kushiha ana malunga a mu Betleheme ni a mu chifuchi cha kusulangana a miaka yaali ni waze kanda achiheta ku miaka yaali, nikulita ni tangwa lize amulwezele akwa mana.

Mateu 2:18

“Atu kaanevu milolo mu Rama, malilo ni kunenganyana kuhiana. Rashele kanalili ana jenyi. Katayile amulembejeke, mumu haanafu.”